مأساه جيهان

سعاد ابراهيم · 23-02-2009, 07:39 PM

ليه يا امى تظلمينى بعد ما راح منى يامينى هى دى كلمه جيهان لما ابوها فاتها ومات لما جالها فى يوم عريس على قد حاله وكمان كبير
امها ورثت كتير والعريس ده كان فقير جوزت بنتها ليه وهى كاره تبص ليه كل ما يبص عليها تضرب الكف باديها وتقول والله وبقاله بيت خدها لوزه مقشره لا غرم ولا دفع فيها
كتير واعدت فى الرايحه والجايه تقول البتاع بتاعنا وسكنه خدامنا وعدت شهور البنت حملت ووضعت اول طفله ليها بنت جميله صغيره بيضه زى السكره طالعه لابوها
الجده حبتها وبسرعه حملتها اعز الولد ولد الولد بس يا خساره الجده اسيه ظلمت ابوها وورته من الويل كتير وعلشان كده جه وقتها علشان يرد ظلمها خد بنته اوام من حضنها لا وكمان خد منها بنتها وداها شقه على قدها وساب لها البيت وراح وكبر الجراح لا البنت طايله امها ولا الحفيده مع ستها وكبرت اوى جروح جيهان لاجل ما ترضى امها عملت مشاكل مع زوجها والكل احتار وفلت العيار رفعم قواضى على بعضهم راح الامان منهم وفجاه حصلت مفاجاه البنت حملت للمره التانيه بس خلاص ضاع الاخلاص اعدت جيهان جمب امها ويا دوب تروح شغلها ومرت شهور الزوج خلاص نسى الى كان عايش يفكر فى الزواج وفى عيشه تانيه فيها احترام عايز يحس بالرجوله الى ضاعت منه زمان كده ضاعت جيهان كان كل ما حد يقابلها من زمايلها اسالها لسه يا جيهان ؟
وبكره نكمل كمان