أنا ... ما براي

[محمد اسماعيل الرفاعي]

يوم ما اتولد
في الكون شقاي !!
أبوي..
ولا كان بعرف أمي
ولا حتّى في الاحلام رأها
لا اتقالدو الاتنين سوا
لا في الطريق صادف لقاها
لا اتكشّفت عنو الحجب
لا جاهو وحي من البراها
لا شافها نازله علي الجروف
لا في الدروب ساسق بِراها
لا اتعشمت بت الإصول
يبقالها سدرة منتهاها
لا دنقرت واتورّدت
كان السكوت قول مبتداها
أصلو السكوت ردّ البنات
ومفادو معروف بالبداهه
وأنا غايتو بتذكّر زمان
والذاكره عامر محتواها
يوم دار سلام الدايه جات
الكارو كان سايقو الشقا
وفضل معاي بعد مشت
وهو الشال من الاوضه الطشت
ومن يومو داك لازق حِداي
الناس تشوفني تقول براي
وانا ما براي
انا عندي كُج
دايماً معاي
خدّاعه يا ناس المظاهِر
غلابه يا خلق الظروف
ما كل ما تشوفو النواظر
ولا المغتغت بالحروف
ياهو البحسّبو كل شاعر
مدسوس وجواهو بيطوف
الطله والبسمات نواضر
غطّو المكتّم بالخسوف
بارونا في الريف والحواضر
بس إنتا غيرهن ما نشوف

[داعي الشوق]

صح لسانك يا بو ملاذ

كلمات عادت بنا للماضي الجميل

كل الشكر لك شاعرنا المميز

مع التحيه لك

[كظيم]

محمد الرفاعي
كلمات في غاية الجمـال
ابدعت يابعـدي في هذا الحرف الباذخ
لاهنت ولا هان راسك يالغـلا
تقبلني وتقبل مروري المتواضع
ودي وتقديري

[حنان الكون]

صح السانك ملايين
رائعة جدا
لاهنت اخي
خالص تحياتي

صح لسانك
ويعطيك العافية

" تقبل تحياتي "

[بنت النور]

أكثر من رائعه
شكرا لك