والله إنه مايزيح الهم عنـــّي

[شجاع عمر الأكلبي]

جديدة هذا اليوم

والله إنه مايزيح الهم عنـّي=كود ذكر الله وفجوج الوسيعة
لامشيت أرض الخلا همومي نسنـّي=وهبة ٍ من خالقي فيّه طبيعة
كل مادكّت هواجيسي وجنـّي=أحتديت النفس في رحب الطبيعة
الخلا عشق ٍ لقلبي مايونـّي=والله إنه بهجة الروح وربيعه
خص لا أنشا نو والرعّاد حنـّي=وأنهمر وبله وفيّض كل قيعة
ودرجت كل المسايل وأمتلنـّي=سيلها غطى العثامير الرفيعة
وأنبتت من كل لون وكل فنـّي=زين شوف أذواد خلق الله رتيعة
بكل فج يجيك للمخضار بنـّي=ريحته تشفيك يالنفس الوجيعة
والرعايا لبعضها ماخالطنـّي=في وسيع الرزق سمحات ٍ شبيعة
زينها لاجا العصير وروحني=تستجيب لصوت راعيها سريعة
لاجذبها الصوت صوبه درهمنـّي=المحبة بينها وبينه شنيعة
لاتلافت في المراح وحضّرني=من حداها للمطاعم ماتطيعه
والحويّر حن لأمه وأرزمنــّي=من سخاف الشول وسممها وسيعة
أبرزت له وأرزمت ثم أعطفنـّي=صبّت أربعها كما العين الدميعة
والجنب قبل الحلايب بركنـّي=خادرة من شبعة النبت النفيعة
زانت الشبّة ونجر الكيف دنـّي=كيف روس قروم ماترضى الهزيعة
المنارة شبّها اللي مايوِِنـّي=نفسه لخدمة مساييره وضيعة
وأجتمع كل أبلج ٍ من فوق ظنـّي=الراوابع فووق وألسنهم بريعة
هرجة الهرّاج منهم يبهجنـّي=الهروج أعذب من العين النبيعة
ماخلطهم كل خبل وكل قنـّي=صفوة رجال ٍ من أصحاب الطليعة
الذبايح للضيوف إيفطحنـّي=من خيار الجلب يشرون القريعة
الدراهم في الجميلة ماتحنـّي=يشترون المدح من ناس ٍ تبيعة
جعل يفداهم من العربان هنـّي=الذي نفسه على ربعه دنيعة
النعارة وسط رأسه ماجثنـّي=خالف دروب المراجل والشريعة
يالبيب الروح هاك العلم عنـّي=راعي النمّات حذرا لاتطيعه
مع دروب الطيب رجله مامشنـّي=في العرب ياجعل شكله للقطيعة
والختام أرض الخلا غصب ٍ خذنـّي=حبّها له في الحشا حصون ٍ منيعة
أبدع القيفان وألحن وأغنـّي=والهضاب الشامخة صوتي تريعة
لادعيت الشرد والندر لفنـّي=ماآخذ إلا وضحة الردم القريعة

[نجم الإبداع]

الله الله

شاعر جزل

صح لسانك ياشجاع

سعدت بان اكون اول المصافحين

لاهنت

تقبل مروري

وتقديري

[عذب القوافي]

الجزل : شجاع الأكلبي

تعودنا نطالع القصيد الجميل في معرفك

صح لسانك مليون ولايوفون

تقديري

اخيك

:::::أبوابراهيم:::::

[الطامي]

شجاع الأكلبي
صح السانك ملايين
وافية من وافي لافض فوك اخي
وتمنيات طيبة عساك تنالها على طاعة الله ومعزته لك
شكرا لك

[الـزلـزال]

كل مادكّـت هواجيسـي وجنّـي=أحتديت النفس في رحب الطبيعـة
الخـلا عشـق ٍ لقلبـي مايونّـي=والله إنه بهجـة الـروح وربيعـه

شجاع عمر الأكلبي


قصيده مميزه ومتقنه وجزله


من شاعر لا يأتينا إلا بجزل القصيد


هكذا أنت شجاعنا لا تأتي إلا بسمان القصيد


وفقك الله ورعاك






صح لسانك ملايين ملايين


ولك فائق تحياتي

[عايض ابوشيبه]

شجاع صح لسانك مليوووووووووووون

اشهد بالله انك اطربتنا بنصك الرائع

لله درك ياشيخ

دمت ودام ابداعك

تقبل تحياتي

اخوك

[حوريه]

والله إنـه مايزيـح الهـم عنّـي
كود ذكـر الله وفجـوج الوسيعـة


الشاعر ...شجاع الأكلبي


دائماً تتحفنا بأ عذب الشعر

قصيده استمتعت بقرأتها كثيراً

صح قلبك ......

ودااام حرفك......

[داعي الشوق]

صح لسانك يالشاعر شجاع

هيضت الخاطر يا شجاع

على البر و الربيع و النجر و القهوة

جزله يالجزل

صح لسانك

مع التحية لك

،،،،،،،،،،،،،،،،،

[زهرة اللوتس]

الشاعر والمبدع شجاع الاكلبي
سلمت وسلم منطوقك
جزلة من شاعر جزل
لاهنت وبيض الله وجهك
ولك مني
اطيب تحية

زهرة

الاكلبي

قصيده في غايه الروعه والجمال

عشنا اجوائها حرف حرف

ابدعت بطرحك

صح صح صح السانك

ولا هنت

موج القصيد