اكتبـيـنـي فـــي ضـمـيـرك حـــرف(بالصوت)

[الطائر المهاجر]

بصوت الأموره

بصوتي

اكتبيني في ضميرك حـرف ناسخ واعـربي= ليت عمـر فـات يرجـع معك يبـدا في غرامه
وفـلي شـراع المحبـة وابعـدي ثم اقربي= وبنـدري في وسط قلبـي واستقـري بالسلامه
علّمـي قلب المعنـى كيف يرضى المشربي = من ثنـايا الحبّ خمـره دون حاجـه للمـدامه
واتركي روحـك تـدرّب روح تجهـل تطربي= أهْ يليـلي أهْ يا عيني فالهوى ما به ملامه
ومثل ما حبيت روحك حبّـي روحـي جربي= واهجـري كل المـواني ما على المـاضي ندامه
يشهـد الله كـم أحبّــك منك وين المهربي= وانتي شمسي وانتي ظلي وانتي بدري في تمامه
وانتي نبضٍ في عروقي وانتي دمي الموجبي= وانتي حبّـي وانتي أم الطفــل ما أقسى فطامه
ادخليني في مـدارك وفـي مـداري ارحبي = في حـدود الجــاذبيّه كـوكبٍ صعب اقتحامه
افـردي جنحـان حبّـك نحـو افقٍ أرحبي= في سما الـوجدان طيري واركضي فوق الغمامه
وامطريهـا فـوق نجـدٍ غايتـي والمطلبي= تنبت ورود المحبّـة من الجبــل لا دنى تهامه
تفـرح طيـور المـودّه تنجـذب للمـلعبي= وترقص زهـور الخـزامى عند سجعـك يااليمامه
اطربينـا من حنـــانك غــرّدي لا تتعبي= تـرتع الغـزلان نشـوى في طعـوسٍ بالثمامه
وان سألك الدهر يـوماً قـولي أسمي يعربي= يمكن بيـوم اتغيّـر مثـل غيـري فـي هيامه
وارجعيني فعـل ناسـخ في خبـر كان اكتبي= انتهـى عزفـه ونزفـه صـار ما يفهم كـلامه

[الريم]

مشرفنا صح لسااااااااااانك قصيده جميله

[مبروك بن ماضي]

شاعر العثمانيات الاخ النبيل الاستاذ / الطاير المهاجر
أسعد الله مساك وحيّا الشعر ويّاك
أدري ان مروري لن يضيف للنص شيئاً
ولكنه بالتأكيد قد أضاف لي أشياء
وحسبي التشـرف بالحضور في متصفحك الملي والغني بالجزالة والاصاله .
دمت للروعة والتألق ودام مدادك العذب وأحرفك المشرقه .
سجل إعجابي القديم وتفضل بقبول تحياتي وفيض ودي
أخوك / بن ماضي

[نجم الإبداع]

صح لسانك يابحر

[سناعيس]

الطائر المهاجر
صح لسانك ولاهنت
هي من روائعك المعتاده فليست بحاجة للثناء
شكرا لك على اتحافنا بها وتقبل تحياتي

[الخنساء]

عاش حرفك وصح لسانك مشرفنا

[منيع]

ابوعبدالله
ليه وانااخوك
ارفق علينا اشوي تراك حرقتنا
ماعليك
قمة لوقراءها المتنبي ترك الفصحى
فهي كما اقراء تجمع الاثنين جعل من جابك الجنه
وفي هذا الصباح الجميل قد جمعت جمالين ابياتك والطقس الذي تبدو فيه الشمس متلفعه باالغيوم

[ثار التميميه]

الله عليك

صح لسانك مليون ولايوفون

روعه وجزاله

[ماجد السعد]

المشاركة الأصلية كتبت بواسطة مبروك بن ماضي

شاعر العثمانيات الاخ النبيل الاستاذ / الطاير المهاجر
أسعد الله مساك وحيّا الشعر ويّاك
أدري ان مروري لن يضيف للنص شيئاً
ولكنه بالتأكيد قد أضاف لي أشياء
وحسبي التشـرف بالحضور في متصفحك الملي والغني بالجزالة والاصاله .
دمت للروعة والتألق ودام مدادك العذب وأحرفك المشرقه .
سجل إعجابي القديم وتفضل بقبول تحياتي وفيض ودي
أخوك / بن ماضي

استاذي لاأزيد على رد الشاعر والأخ بن ماضي

فقد قال ما كان فــ بالي

مشرفنا ...........الطاءر المهاجر

مبدع دائمـــا
صح بوحك وحضورك

دمت للفطاحلــــه