بين ابن زويبن وابن عون !!

[سلطان العطاوي]

إن كان تنشد عن علومي وأنا صبي=ابتذكـرهـا واعلـمـك عـنـهـا
لو هي بصفحات ٍ طواها الزمن طي=جرة مطـر جاهـا عجـاج ودفنهـا
ألعب طواريق الهوى مع هل الغـي=اثقـل المعنـى واخفـف لحنـهـا
والشعر يبقى في قلوب العرب حـي=ولا كل من سوى القصيـدة تكنهـا
وأنا حداها حدي الاصعـاب بعصـي=واقودهـا قـود الاديـب برسنهـا
والحب مردوده على صاحبـه سـي=كـم ضحكـة ونَـات قلبـي ثمنهـا
أذكر سنة تسعه وتسعيـن هجـري=الـف وثلاثميـة بدايـة زمنـهـا
زلت بي الاقدام للشمـس مـن فـيَ=اقـدار والاقـدار تومـر وتنهـى ّّ
غافل وجتني من كوت خافقـي كـي=كيـة عطـب لـولا طبيـب مكنهـا
أبعدت مضربها عن الصـدر بيـدي=ولدَت على كبـدي برمـح طعنهـا
وعرفت ماتخفيه في صدرهـا لـي=من واقـع النظـرات منـي ومنهـا
نظرت فيهـا مثـل نظراتهـا فـي=وعجزت اقاومهـا وصديـت عنهـا
كل النساء ظلماء وهي بينهن ضـي=غطت شعاع الشمس أشعـة بدنهـا
من الذهب تلبـس خلاخيـل وحلـي=سـود محاجرهـا وحمـر وجنهـا
مدري تسمى من ومنيـن ومـن أي=وش هي قبيلتهـا وموقـع سكنهـا
راحت وانا مااعرف من اخبارها شي=الا رمـوز الموتـر اللـي حضنهـا
مدينة من بيـن ابـو ظبـي ودبـي=لعلهـا كاننـهـا هــي وطنـهـا
تمطر عليها السحب هذي ورى ذي=وديـم الليـا قفـى ثراهـا ودنهـا

مجاراة ابونايف

ياحي عـذب القيـل ياحـي ياحـي=المهنـة اللـي قـل مـن يمتهنـهـا
اقفال ما يدخل على اسرارهـا عـي=اللـي يخبـز السالفـة ويعجنـهـا
جواهـرٍ قلبتـهـا بـيـن أيــادي=وعجبت فاللي مـع بعضهـا قرنهـا
واللـي تبناهـا وموضوعهـا نــي=واللي على افضل ما يناسب وزنهـا
جتني وانا غربي دراويـش وهبـي=في ديـرة جعـل الغشيـن ايغشنهـا
مثل الهنوف اللي عليها اجمل الـزي=اللي مشاحـن جيلهـا مـا شحنهـا
حيث ان الاولى هي والفايـزة هـي=ولا قد وخذ عنـد المراهـن رهنهـا
وعنها نشدنـي واحـد مـن بنيخـي=قلت انشدوا عنهـا مديـر امخزنهـا
لابـن زويبـن فوقهـا طابـع حـي=ويكفي كتابـة رمزهـا عـن علنهـا
ولا ادري تسمى هند والا اسمها مي=والا تسمى باسمهـا اللـي ضمنهـا
عند المواجـه يـوم حلـت حوالـي=حبيـت منهـا مابـدا مـن لدنـهـا
ويوم المليحة حركت لـي طـواري=من حسن جوهرها وطيـب امعدنهـا
نويت اجاريهـا لـو اقـدام رجلـي=حفيا وهي يتعـب مجـارى ضعنهـا
ولديت اشوف اللي بقى في مخابـي=واللي بوسمه صاحبي مـا سجنهـا
وإلا سميـي لاوٍ أرسانـهـا لــي=لين اذعنت له طايعـة مـا شطنهـا
طرايف من مـآردٍ عـذب ورهـي=ما هـو همـاج كـل كبـدٍ وسنهـا
المآرد اللـي يكتفـى منـه بشـوي=مثل الـدوا لا جـاء فتـوقٍ وشنهـا
لا صار عذبٍ ماه ورهـي ورخـي=بصر العـدود مهلكـة مـن قطنهـا

[محمد عبدالله البدراني]

الله الله


ياسلام عليك ياسلطان وافيتنا بقصيدتين او درتين من اجمل ماقرأت منذو عشر سنوات تقريباً


بدأ بن زويبن بدرة نادرة لم تمر مرور الكرام على شاعر كبير مثل عبدالله بن عون فجاراها بمجاراةٍ لاتقل عن درة بن زويبن



صحت السنتهم شعراء كبار كباااااااااااااااار



سلمت ياسلطان على النقل الثمين والجزل مثلك مايجيب الا الجزايل


بيض الله وجهك



تحيتي وتقديري

[نجم الإبداع]

شكرا للنقل الرائع ياسلطان

لاهنت

تحياتي وودي

سلمت يمناك يا العطاااوي

احسن بطرحك لهالقصايد الطيبه

ابدااع من كلا الشاعرين

لا هنت

موج القصيد

[حي الضمير]

منقول رائع
ومجاراة تستحق النقل
لاهنت يالعطاوي

[سلطان العطاوي]

محمد البدراني

تسلم والله يالامير على الحضور
وصح كلك
لا عدمتك

[سلطان العطاوي]

فلاح بن منشار

صح كلك
وسلمت على الحضور الزين
لا عدمتك
وافي دايم يالامير

[سلطان العطاوي]

مووج

صح كلك يالغلا

حضورك غير
لا عدمتك

[سلطان العطاوي]

حي الضمير

صح كلك وتشريفك
لا عدمتك يالوافي

[منيع]

رائعه جدا
شكرا على النقل الجميل
بارك الله فيكم
تحياتي