سر ياقلم واكتب .............................. . قصيدة موجهه ,,,

تشرفت بلقاء الاخ الشاعر الراوية المعروف / ناصر بن عبدالله المسيمري قبل سنتين تقريبا , فطلبت منه تشريفي بزيارة فوعدني خيرا وبعد فترة إتصل بي هاتفيا فذكرته بالوعد فطلب التأجيل وبعد فترة أخرى تم الاتصال فذكرته مرة ثانيه فطلب التأجيل وبعد نهاية المكالمة كتبت القصيدة التالية وبعثت بها مندوبا على الفور فوصلته في نفس اليوم , وفي لقاء له مع البرنامج الاذاعي ( الخيمة الشعبية ) أورد القصيدة مع رده عليها ثم اتصل بي هاتفيا وحدد موعد الزيارة وتمت ولله الحمد وبعد عودته كتب قصيدة نشرها في جريدة الجزيرة فرددت عليه بالجريدة نفسها ( سيتم نشرهما لاحقا باذن الله ) والان أترككم مع قصيدتي الاولى للمسيميري..

سر ياقلم واكتب جديدات الاشعار = الورد كاسيها بريحه ولونه
دور على مايفتح نفوس الاخيار = واسبح على موج البحور الحنونه
دام الورق صحرا تبي جرح الامطار = الحبر يسقيها الغلا من عيونه
صايم ثمان سنين عن سبر الاغوار = أشوف واسكت ماطلبت المعونه
في خاطري صندوق ماباح الاسرار= الا على من شوقتني لحونه
بعض الشكاوي عار من يقبل العار = أواه من جرح الزمن والمهونه
للشوق في قلبي من العام تذكار = عيا الزمن يدفن مواري طعونه
جيت المسيميري من البعد زوار = والتف ظني والتقى في ظنونه
حسيت في لوح الحشا طق مسمار = تقدير للي يقصر القول دونه
العام واعدني بجيه ومسيار = طروا له المسيار ياللي تجونه
قولوا له ان الوقت خاين وغدار = لايامن الدنيا يخلص ديونه

تحياتي ,,,
اخوكم // نديـــــــــــــــــــم ,,

نديم الليل



صح لسانك


وعلى شانك


ولاهنت

تقديري

[الطائر المهاجر]

اضغط على الكيبورد واكتب باليسار = الناصر القزلان واكشف ديونه
من هاجم الطير المهاجر فلا صار = يجيه مثل البحر يهدم حصونه
الحق لزمك لاتحاول بالاعذار = ولاتلف الهرج تحتال دونه

[ثار التميميه]

صح لسانك ولاهنت

ابيات في قمة الروعه

المشاركة الأصلية كتبت بواسطة عبدالله المرشدي

نديم الليل



صح لسانك


وعلى شانك


ولاهنت

تقديري

الغالي .. جزل القصيد ..
جزل الكلام ..
جزل المشاعر ..
صح بدنك ..
شكرا لتشريفك لهذه المتواضعة ..

تحياتي ,,,

محبك // نديم

[نجم الإبداع]

صح لسانك ياناصر

بدع راقي


وجزل


لاهنت



تحياتي ومودتي

يا الله يا ناصر
والله وأنا أخوكـ
قصيدة كايفه بالحيل
ولا أدري وش أكتب حيالها
إن قلت صح لسانك غيري قالها
وإن قلت جزلة غيري قالها
وإن قلت ما قلت لن أفيك هذه الدره حقها من الإطراء والثناء
ولكن وأنا أخوك بأطلق عليك لقب وعساك تقبله مني
جزل القوافي
أو
شاعر تميم
تقبل تحية محبك وأخوك
محمد السفري

[نمرالعوين العتيبي]

ناصر القزلان


الله يمسيك بالخير والسعاده ولله درك على هالجزاله وصح قلبك من راااااااااااااااااااااايع
وعساك على القوه


اخوك نمر العتيبي

[مهدي الحبابي]

أخوي ناصر القزلان

صح لسانك وبيض الله وجهك

رايعه بروعة حضورك

وافيه من راس وافي

لك فااائق احترامي وتقديري

[فهد الغنام]

تسلم يا بو محمد على هالقصيدة الرائعة ..




الله لا يهينك .





دمت بكل الود