بدون عنوان

[سهيل الشمري]

ألِدّ لليمْنى واشُوف البلاوِي = وارْجعْ على اليسرى واذُوق الخسايِرْ
والعُود مِنْ غِرّات الايّام ذاوِي =والحظّ مِنْ شِين التّوافِيق بايِرْ
والعظْم ماعاده للاحْمال قاوِي = والكسْر مافادتْه كِثْر الجِبايِرْ
بارتْ بنا والحرّ لجّمْه شاوِي =والذيب من غبْنه يِهِلّ العبايرْ
واللي من اوّلْ ماقِصرْ بالخطاوِي = اليوم مشْيهْ دُونه 2000 عايِر
والبهْرجهْ رزّتْ قِرِيب الهقاوِي =والخنْبقهْ شاختْ وبنّتْ عمايِرْ
والطّهْبلهْ شِيّخْ بها 1000 جاوِي = والعنْترهْ حاشهْ رِدِيّ الخبايِرْ
يالوضْع قلْ لِي قبْل كِثْر الحكاوي=ومنْ قبْل مالثّايرْ يجاوِبْه ثايِرْ
ريّحْ قهرْ مِنْ زلْزلهْ غبْن ضاوِي =وروَضْ شِواربْها وهدّ الحرايرْ
خلّ اسْحم ٍ مِنْ ضِيم الايام عاوِي=يرْجِي شِببْ مايلْعنِنّهْ دِوايِرْ
وِمْعزّز ٍ ماهُو لِزِيّ وجلاوِي =بذّال حالِفْ مايِصِرّ الصّرايِرْ
إنْ قال فِعْله قُرْب ماهُو نحاوِي = وانْ عايِبتْ يلْعنْ ثِوى كِلّ جايِرْ
يالوضْع قبلْ المُوت ياخِذْ شِقاوِي =ومِنْ قبْل يحْيا جرْح بالعُود غايِرْ
علّمْ لعُود ٍ مادهتْه البلاوِي = يِرْحمْ عِياله من غُبُون الخسايِرْ

[ابراهيم غضيان الشراري]

الله الله الله . روعه ياسهيل

صح الله لسانك والله يعافيك.

يكفيك الله شرالبلاوي والخساير.

تقبل تحياتي وتقديري

أخوك الشاعر/ إبراهيم بن غضيان الشراري

[الخنساء]

والــبــهْــرجــهْ رزّتْ قِــــرِيــــب الــهـــقـــاوِي
والـخـنْـبـقــهْ شـــاخـــتْ وبـــنّـــتْ عــمــايِــرْ

والطّهْـبـلـهْ شِـيّــخْ بـهــا 1000 جـــاوِي
والــعــنْـــتـــرهْ حـــــاشـــــهْ رِدِيّ الــخــبـــايِـــرْ

صح لسانك مليووووووووون

قصيدة جزلة وصدقت اخى الشاعر

سلمت ودام حرفك

[بنت النور]

صح لسانك ملايين ملايين

كتبت فأبدعت
ولا هنت
تحياتي الطيبة

ولك فائق تحياتي وتقديري

[عبدالمحسن الرحمه]

صح السانك يالغلا قصيدة جزله من راس جزل

[الطائر المهاجر]

علّـمْ لعُـود ٍ مادهتْـه الـبـلاوِي=يِرْحمْ عِياله من غُبُـون الخسايِـرْ
بينك وبينه 1000واوي وواوي=ماياصله ياكود زين البشاير

صح لسانك
ولاهنت
تحياتي

[طوفـــان]

صح لسانك شاعرنا سهيل على طرحك الرائع ..

[ابو أنس]

علّـمْ لعُـود ٍ مادهتْـه الـبـلاوِي=يِرْحمْ عِياله من غُبُـون الخسايِـرْ
بينك وبينه 1000واوي وواوي=ماياصله ياكود زين البشاير

صح لسانك
ولاهنت
تحياتي

إقرار لفهم متوافق وقد لايكون موافق

[الطامي]

س الشمري
صح السانك ملايين
رائعة جدا
لاهنت اخي

[مشعل التريباني]

خلّ اسْحم ٍ مِـنْ ضِيـم الايـام عـاوِي= يـرْجِــي شِـبــبْ مايلْعـنِـنّـهْ دِوايِــــرْ
وِمْـعــزّز ٍ مـاهُــو لِــــزِيّ وجــــلاوِي= بـــذّال حــالِــفْ مـايِـصِــرّ الـصّـرايِــرْ
إنْ قـال فِعْلـه قُــرْب مـاهُـو نـحـاوِي= وانْ عايِبـتْ يلْـعـنْ ثِــوى كِــلّ جـايِـرْ
يالوضْـع قبـلْ المُـوت ياخِـذْ شِقـاوِي= ومِـنْ قبْـل يحْيـا جـرْح بالـعُـود غـايِـرْ
عـلّــمْ لـعُــود ٍ مـادهـتْــه الــبــلاوِي= يِرْحـمْ عِيالـه مــن غُـبُـون الخسـايِـرْ
صح لسانك
ايها المبدع
صراحه قصيده من الوزن الثقيل