تتبَّعني البلاوي

[ماجد الزيد]

تتبَّعـنـي الـبـلاوي كالظـلالـي=ولكـنـي صـبـور(ن)لا ابـالـي
وغيري يجزع مـن ادنـاة حاجـة=وأنـا بالصبـر يامطـول حبـالـي
كليـت الحنظـل العلقـم شربـتـه=بسنين(ن)تـرَّث العقـل الهبـالـي
تصبَّحنـي البـلاوي ليـن تمسـي=وانا امسي داله(ن) ويـا الجزالـي
تركت الشعـر مالـي فيـه حاجـة=ويلحقنـي يبـي بلـوغ العـلالـي
واشوم عن الهزايـل فـي قصيـدي=واجيب من الحكي خيـر المقالـي
الا ياطـول ليلـي فـي البـرايـا=تلحفـت الزمـن والوقـت بـالـي
طويل(ن)ليـل مـن طـال الثريـا=ثقيل(ن)هـمَّـه بثـقـل الجبـالـي
تعليـت النجـوم بصغـر سـنـي=واشوفي1 في سما عمسـا لحالـي
عسفت الجـدي وسهيـل اليمانـي=اغيـر بهـن كغـارات الهـلالـي
تعديـت المـدى ثـم عـدت عنَّـه=لاجل يُجهل على الواشي السؤالـي
اخاطر في حياتي..... في حياتـي=مصيـر الحـي يتـلاه الـزوالـي
اكر على المصائب فـي عصائـب=بني عمَّـي ولوهـم فـي ظلالـي
واغير علـى المنايـا مـا احسـب=تعدانـي أو ارخـت فـي مجالـي
ضربت الارض لين الارض صارت=تعرف نعول غيـري عـن نعالـي
اذا كـان الهلالي سيف قومه=فنـا بربعي خصيم(ن)للجلالي
عمامـي مـن مشاهير الخوالـد=ومن خير الخوالـد جـو خوالـي
سفيه العقـل يحسـب بـي سفاهـه=وراعي العرف يعرف مـن قبالـي
تحزمت السماء واسرجـت دهـري=وسليـت المنايـا مــن خيـالـي
اشوم عـن الـردى مـادام راسـي=واجنب رجلي عـن درب الخمالـي
الا يامشغلـت عصـم الـشـوارب=الا كـرَّي فـلا مثـلـك ببـالـي
اذا تبغـيـن قـلـب تلاعبـيـنـه=فدونك مـن غشـى قبلـه خبالـي
علـيـك الله وامـانـه فارقيـنـي=فـراق الـي الامـن قـال قـالـي
وسمَّـي الخالدي ماشيتـي فإنَّـه=أخو خضراء يشوم عـن الهزالـي
طويت الارض فـي كـل الزوايـا=غرب شرق(ن) جنوب(ن)مع شمالي
وايقنـت ان مــن رام الطويـلـة=فلايحيـا الا مـن عـاش سـالـي
انـام وعينـي ماترتـاح تـطـرف=وقلبـي ينبـض بحـب العـوالـي
رضعت المجد حتى صرت احسـب=بـأن ملـوك يعـرب مـن عيالـي
فلا راس(ن)يسـاوي مـي راسـي=ولا طيـب(ن)والا هـو حـلالـي
اذا شحت علـى النـاس الدراهـم=فأسمي ثورتـي وهـو راس مالـي
خشـم سنـار2 لاجيتـه تراعـف=يقول ارحم يبـو الجيـلان جالـي
ويامـا سجـت بكتـوف النوايـف=لما صارت تخاضع لـي الطوالـي
ولكـن يكتـف جنونـي زمـان(ن)=زمـان(ن)زال زول(ن)مايـزالـي
الا يال العجايـب فـي زمـان(ن)=تفرس 3 الذيـب دنسـات الثعالـي
زمان(ن)يذبـح قـلـوب الذيـابـه=وتشـرب دم سرحـان الصخالـي
الا يالـي بـك الهقـوات تكـبـر=الا يامـن تحـت ظلـه ظـلالـي
اخوي وتاج راسـي ومسند(ن)لـي=الا قـامـت تخطفـنـي الليـالـي
فديتـك يابعـد راســي فديـتـك=الا يامـزبـن قــروم الرجـالـي
توردنـي المنايـا حـيـن تـامـر=ولاجلك يحلى في عينـي اعتقالـي
تبي نغزي الـى الفسطـاس قدهـا=على طوعـك نوصلهـا المحالـي
الا من صال مثلـي بطـوع مثلـك=فهـذي اعظـم ايــات الكمـالـي
تتبعـنـي الـبـلاوي كالظـلالـي=واحدرهـا كمـا المـي الـزلالـي
مـــاجـــد الـــزيــــد=1428

1واشوفي بالاصل واشوفني ولكن لتقارب مخارج الحروف
تدغم نطقا وهذا دارج في لغة العرب كقولهم أرآني يجوز فيها أرآي
2خشم سنار موضع لجال شرق سكاكا الجوف
3تفرس بفتح الفاء وتسكين الراء

[الطائر المهاجر]

صح لسانك واعتلى شأنك
درة نفيسة بلحن كايف من شاعر متمكن
ومن الواضح اننا امام شاعر فحل
واذا كان لايزال شاباً صغيرا ، فسيكون له
شأن عظيم .
لاهنت
ومشكور على امتاعنا بها
ولأنك ضيف فأرجو من المشرفين
استثناءه من التعليمات
التي لاتجيز النشر قبل 3 ايام من نشر الأولى
تحياتي الطيبة

[ابومياس]

ماجد الزيد ياهلا فيك

سعداء بتواجد شاعر له من المعاني اجزلها

صح لسانك وعاش راسك

دمت بخير


ملاحظة / كما قال اخونا المشرف العام لايجوز نشر مشاركة اخرى الا بعد مضي
ثلاثة ايام على اقل تقدير ووذلك لاعطاء فرصة لمشاركتك الاولى باخذ نصيبها من الاطلاع
والتفاعل من الاعضاء 0 ارجو ان تتفهم الوضع اخي العزيز وعلى الرحب والسعة 00

صح لسانك وعلى شانك
جزله من جزل
امتاع بنوع اخر من الحرفنه الشعريه المميزه
لك كل ودي
سراب الراحل

[كريمة محمد]

اذا تبغـيـن قـلـب تلاعبـيـنـه
فدونك مـن غشـى قبلـه خبالـي
علـيـك الله وامـانـه فارقيـنـي
فـراق الـي الامـن قـال قـالـي
وسمَّـي السرمـدي ماشيتـي فإنَّـه
أخو خضراء يشوم عـن الهزالـي
طويت الارض فـي كـل الزوايـا
غرب شرق(ن) جنوب(ن)مع شمالي
وايقنـت ان مــن رام الطويـلـة
فلايحيـا الا مـن عـاش سـالـي
انـام وعينـي ماترتـاح تطـرف
وقلبـي ينبـض بحـب العـوالـي
رضعت المجد حتى صرت احسـب
بأن ملـوك يعـرب مـن عيالـي
فلا راس(ن)يسـاوي مـي راسـي
ولا طيـب(ن)والا هـو حـلالـي

ياسلام عليك يا ماجد فالاسلوب الراقي
والاحاسيس الجياشة فى التعبير
تسلم لنا اناملك يالغالى
ودمت ولا هنت
اختك فى الله
كريمة

[الخنساء]

تتبَّعـنـي الـبـلاوي كالظـلالـي
ولكـنـي صـبـور(ن)لا ابـالـي
وغيري يجزع مـن ادنـاة حاجـة
وأنـا بالصبـر يامطـول حبالـي
كليـت الحنظـل العلقـم شربـتـه
بسنين(ن)تـرَّث العقـل الهبـالـي
تصبَّحنـي البـلاوي ليـن تمسـي
وانا امسي داله(ن) ويـا الجزالـي

صح لسانك اخي الشاعر ماجد

لاهان راسك قصيدة رااائعة

ترجمت المعاناة والصبر

سلمت وسلم شعرك

دمت بخير

[ماجد الزيد]

المشاركة الأصلية كتبت بواسطة الطائر المهاجر

صح لسانك واعتلى شأنك
درة نفيسة بلحن كايف من شاعر متمكن
ومن الواضح اننا امام شاعر فحل
واذا كان لايزال شاباً صغيرا ، فسيكون له
شأن عظيم .
لاهنت
ومشكور على امتاعنا بها
ولأنك ضيف فأرجو من المشرفين
استثناءه من التعليمات
التي لاتجيز النشر قبل 3 ايام من نشر الأولى
تحياتي الطيبة

اخي الطائر المهاجر صح بدنك طال عمرك
وشهادتك اعتز بها
وارجوا ان يكون ظنك في محله
نسئل الله التوفيق
تقبل مني صافي الود والتقدير
اخوك ماجد الخالدي

[الطائر المهاجر]

طيب خل نرجع للشيلة
شيلتها قبل ما اسمع منك كنت واثق انها ماهي غريبة علي
فلها طريقة ثانية ، واعتقد انها على نفس
شيلة قصيدتي عنيده ليه يادنياي مدري
فلو قارنت بين الشيلتين لتعم الفائدة
حتى اطلع تفعيلتها واعرف الشيلة الأكثر
ملائمة لها حسب ظني.
شكرا لك
تحياتي

[ماجد الزيد]

حياك الله اخوي الطائر شيلتها بالتنعيم تكون (نعم لا لا نعم لالا نعم لا)او نقدر نقول (يا لا لا لا يالالالا يالالا)
فتكون مفاعلتن مفاعلتن مفاعل حسب مااعتقد فيكون على حد علمي البحر الوافر
لي مطالعات بسيطه بالبحور اتمنى ان استزيد وان شاء الله انك ماتقصر يابو عبدالله القاعدة عندي جيدة ولكني شغوف لنهل المزيد المزيد المزيد من الاستاذه امثالك
بحث عن احد استفيد منه في البحور يابو عبدالله ومررت على كلية المعلمين قسم اللغة العربية لكن عندهم كلام نظري ماقدروا ينزلونه على النبطي ويمكن بحكم بعدهم عنه لكن بالفصيح افادوني وانا بانتظارك طول الله عمرك
ومنك استفيد
وعلى كل حال يابو عبدالله ترى الامور بالفطره وعلى السليقة لكن العلم يصقل وينمي ويحبك

[الطائر المهاجر]

يبي لك تدخل قسم اكاديمية الفطاحلة فهناك ستجد الكثير من الأبحاث عن الشعر الشعبي
وكيفية الإستفادة من التفعيلات بما يتناسب معه والإستثناءات التي وجدناها . فلا نستخدم مفاعلتن
وبدلا منها مفاعيلن ، فإن كنت تزن بالتقطيع فهي مفاعيلن/مفاعيلن/فعولن ، وهذه التفعيلة
تنطبق على الصخري ، غير مؤكد ، حتى ارجع لملف بحور الشعر الشعبي وتفعيلاتها.