عبد الله المجلاد - ماجد الزيد صوت وصدى

[ماجد الزيد]

جرح الموادع

عبدالله المجلاد

جرح الموادع موت ياماجد الزيـد=ياهو يِسَوّي في حياتـي سوايـا
مِنْه انْسِكَبْ بي حزن الايتام بالعيد=وظلم الملوك اللي تدوس الرعايا
الله وَكِيْلَك ْمن رَحَل ْباشة الغيـد=عرفت معنى موت بيض النوايـا
ولابقى من يوم غاب أتْلَعْ الجيـد=إلاّ حديـث الأمكنـه والـزوايـا
ومراره :وضيق:ومواجع :وتنكيد=وعينٍ بِكْت لفراق عذب السجايـا
وصدرٍ من الضيقـه يجرالتناهيـد=وخضر الطعون اللي تَرَكْهَا هدايا
مليت اجرّ الرِجْل في جرهد البيـد=حتى انزرع بالرجل شوك الخطايا
صيف الوداع أنتج جفاف العناقيد=اللـي منابتهـا بِعَـوْج الحنايـا
لي عام مابلل سحـاب المواعيـد=غصني ولا جاد السمـا بالعطايـا
واللي غلاه مزوّد الوضع تعقيـد=أخشى من غيابه تبيـن الخفايـا
ومادام وقتي طير وافراحي الصيد=ويَدّيْـه مـن دم الطرايـد ملايـا
مَاظَنِتِيْ برتـاح ياماجـد الزيـد=وترتاح في جسمي جميع الخلايـا

ماجد الزيد

عبدالله المجلاد تشكي لبـو زيـد=وقافك يبـو بسّـام زوّد عنايـا
جدد علي جرح ٍ لك الله تجديـد=يثعب على الكرّاس صافي دمايـا
لولاي اخاف الله واخشى المناقيد=لابكي بعال الصوت بين البرايـا
ابكي عظيمة بس اهلها نماريد=ما مثلهـا بالمترفـات الصبايـا
نفسي من الفرقى على حامي الحيد=ورمح الغياب وطاعن ٍ في حشايا
القلب عند وداع الاحباب بيبيد=وصبره وكفره كل ابوهن عرايـا
والليل لا دلهم بي الهـم بيزيـد=ميدان قلبـي والمواجـع سرايـا
متقلّبن والنّوم عن راسـي بْعيـد=وسبعة ذيابه فـي كنينـي عوايـا
جرح الموادع ظالم ٍ زيد وعبيـد=من حزنهم تبكي سطور الحكايـا
بوجيههم طفل ٍ يبي ناشف الديد=وبنتن ما تعرف وش حديث المرايا
جرّ اللحون وصفّق الايد بالايد=طيرك يبو بسّـام بكّـى سمايـا

[عمر ال شيبي]

يا زين الشعر ويا زينك

عبدالله سامح المجلاد وماجد الزيد

يا سلام الرفيق والرفيق


صحت قلوبكم للصوت والصدى

[داعي الشوق]

صح لسانك يا بو حمد

و صح لسان بن مجلاد

قصيدتين رائعتين و متناسقتين

شعراء كبار و مبدعين

صح لسانك مدد

[الخنساء]

جرح الموادع موت ياماجد الزيد

ياهو يِسَوّي فـي حياتـي سوايـا

مِنْه انْسِكَبْ بي حزن الايتام بالعيد

وظلم الملوك اللي تدوس الرعايـا

الله وَكِيْلَك ْمن رَحَل ْباشة الغيـد

عرفت معنى موت بيض النوايـا

ولابقى من يوم غاب أتْلَعْ الجيـد

إلاّ حديـث الأمكنـه والـزوايـا

ومراره :وضيق:ومواجع :وتنكيد

وعينٍ بِكْت لفراق عذب السجايـا

القلب عند وداع الاحبـاب بيبيـد

وصبره وكفره كل ابوهن عرايـا

والليل لا دلهم بـي الهـم بيزيـد

ميدان قلبـي والمواجـع سرايـا

متقلّبن والنّوم عن راسـي بْعيـد

وسبعة ذيابه فـي كنينـي عوايـا

جرح الموادع ظالم ٍ زيد وعبيـد

من حزنهم تبكي سطور الحكايـا

صح لسانك ماجد

و صح لسان بن مجلاد

قصيدتين رائعتين من شاعرين متمكنين

سلمتم ودام حرفكم

[عبدالله راشد الثويني]

عبدالله المجلاد + ماجد الزيد

صوت وصدى رائعين من شعراء لطالما اعتدنا على روائعم
كل الشكر ياعزوتي على إتحافنا بهذه الروائع طامعين بالجديد دائماً
تحيتي

[منيع]

ياسلام
عليكم
كل الروعه والابداع
شعر يستحق التميز والاشادة
تحياتي لكما

[عيدالماجد]

عبدالله المجلاد وماجد الزيد صوت وصدى رائع بكل المقاييس تحياتي لكم جميعا

[سناعيس]

الله الله
صوت وصدى ولا أروع
الكل منكم صح لسانه
ولله دركما

تحياتي

[الـزلـزال]

ماجد الزيد

صوت وصدى

رائعين ومميزين

من شاعرين متميزين ورائعين

أبدعت غالينا في صداك وأمتعت كما أبدع المجلاد في صوته

صح لسانك ولسانه ملايين ملايين

ولك فائق تحياتي وتقديري

[علي سعود العازمي]

أبدعتو بالصوت والصدى

صح الله السان الجميع

تحياتي لك