حديتني حـدك الله جعلـك الهبَـه

[الطامي]

حديتني حـدك الله جعلـك الهبَـه = اجدد الدارلانـك صـرت قومانـي
أعلاج عوقك عرفته عندنـا طبَـه = اللي باسويه من جـدي وبلعانـي
كم مرة قلت لك كثر الحكي كُبَـه = يرخصك وانا اترفع منه ماجانـي
نزلت هامت شموخي وانت تلعبَـه = باهبال وجنون كنه لعب بزرانـي
غديت لي كاللبن حقنه كما صبَـه = دامك كذا ماتعـدل مالـك امانـي
دور لـك لواحـد تغليـه وتحبـه = واغسل يدك من محبتنا على شاني
ماني بطيرٍ تمسح له على الشَبَـه = اتفرعه للهـدد واتبرقعـه ثانـي
واللي تسويه فيني تشـرب بغِبَـه = ماتدري اني على عزي كحيلانـي
ابانتقم منك وابركها علـي نبَـه =وِاخذ الجزا من رفيقٍ جاك ديانـي
جناحك اللي مـع اللجـه تقلَبَـه = باكسِره وافارقك ماني بمتنوانـي
وتعود لصلك ضعيف ولالك ملبَـه = تسقي دموعك اخدودك وبل وداني
والله يعطيك من ينشِبك وتنشبَـه = وتعود لك اسنين لوَل قبل تلقانـي
يالله يامنجي المظلوم مـن جُبـه = يامعطي الحق تنصفني من الجاني

[عذب القوافي]

ألطامي

صح لسانك

نص رائع من شاعر مجيد

تقديري

أبوابراهيم,,,,,,

[ابو أنس]

الفاضل الطامي.......................
نزف حارق وسهام متواليه وغضب جارف
نسأل الله لك التوفيق والسداد وان يكون القرار في ساعة طمأنينه لاساعة غضب

النص جميل وثائر ومتوالي الفكره ومتسلسل المعنى
لك كل الشكر وكل عام وانت بخير

[مبروك بن ماضي]

الاخ الكريم الشاعر / الطامي
حضور شعري فاخر كالعاده
حضرت هنا لأنال شرف التوقيع تحت هذه الباسقه
صح لسانك وسلمت يمينك
دمت للإبداع والتألق
تقبل تحياتي واحترامي
أخوك / بن ماضي

[منيع]

ابيات رائعة
بارك الله فيك
تحياتي

[سناعيس]

شاعرنا الطامي
صح لسانك وبيض الله وجهك
على هذه الجزله يالجزل
لاهنت

تحياتي

[الخنساء]

صح لسانك اخى الشاعر الطامي

لاهان راسك قصيدة رائعة

سلمت وسلم شعرك

دمت بخير

[حوريه]

شاعرنل الراقى.. الطامى

صح لسااااانك .. وفكرك.. وحسك

قصيده رااائعه كروعة حضورك

لا هنتـــ...... ولا هاااان مغليك

دمت وداااام عزك

[محمد عبدالله البدراني]

العزيز الغالي اخي منصور المري سلمه الله


ابيات رائعه كعادتك يالطامي


الا ان هذا الشطر يحتاج اعادة نظر:

وتعود لك اسنين لوَل قبل تلقانـي



ربما يكون فيه خطاء املائي ؟؟!!!!



تحياتي
مع اسمى ايات الشكر فائق الاحترام واطيب المنى رعاك الاله

[حي الضمير]

الطامي منصور الف صح لساااانك
قصيده رائعه وجميله وابدعت يامنصور
سجل الاعجاب والتقدير