.. اللـه يســاعدني على الوقت مقسـاآه ،،

[داعي الشوق]

ما عاد لدنيا ملذات و افراح = ولا عاد به شيٍ من الود بالقاه
دامت حياتي في غرابيل و جراح = والقلب مما فيه يكفيه ما جاه
يا قلب قلي كيف انا بس بارتاح = و الوقت عيا يبتسم لي محياه
اصّور احلامي على نور الاصباح = و تشرق عليه الشمس و تزيد شكواه
و تصير مثل الطير مكسورٍ جناح = لا شايل نفسه ولا الشوق وداه
ما شفت بايامي مكاسيب و ارباح = ولا طاب خاطرنا من اللي هويناه
ما عاد باقي بالعمر كثر ما راح = تعبت من صبري وانا مقدر اقواه
تمشي بي اوهامي على ذيك الالواح = في بحر هوجاس العنا و المعاناه
تاهت تعابير القلم و الحبر ساح = و اشوف حالي طارف الليل يمحاه
مدري متى عن حالي الهم ينزاح = الله يساعدني على الوقت مقساه

[الطائر المهاجر]

الله الله
جميله من شاعر تعودنا منه الإبداع
صح لسانك وفكرك
ولاهان راسك
مع اطيب تحياتي

[الطامي]

ما عاد باقي بالعمـر كثـر مـا راح
تعبت من صبري وانا مقـدر اقـواه
تمشي بي اوهامي على ذيك الالواح
في بحر هوجاس العنـا و المعانـاه
،،،،،،،،،،،،،،
داعي
صح السانك ملايين
ابداع متجدد من شاعر متجدد
عجبتني الابيات وكانها لي
لاهنت اخي

[فايز بن جبيل]

سعود العتيبي قلم مميز وشاعر وجداني مبدع جداً

سعدت بهذا النص الغير مستغرب

شكرا على هذه القصيدة الجزلة

تقبل ودي وتقديري

[هترل]

يا قلب قلي كيف انا بـس بارتـاح
و الوقت عيـا يبتسـم لـي محيـاه
اصّور احلامي على نـور الاصبـاح
و تشرق عليه الشمس و تزيد شكواه



داعي صح لسانك ملياراااات
جزله من راس جزل لاهنت يالقرم
ابدعت وامتعت دام المداد ياسعود

تحياتي وتقديري

[عبدالعزيز العمار]

صح لسانك ياسعود

وافيه وجزله أبدعت في صياغتها

لاهنت ولاهان منطوقك

تحياتي لك

[داعي الشوق]

المشاركة الأصلية كتبت بواسطة الطائر المهاجر

الله الله
جميله من شاعر تعودنا منه الإبداع
صح لسانك وفكرك
ولاهان راسك
مع اطيب تحياتي

صح بدنك يا دكتور

و مشكوور على المرور

مع التقدير لك

[منيع]

مبدع وجزل
تسلم ياداعي الشوق
ربي يرعاكم بلطفة
تحياتي

[كظيم]

الله الله

داعي الشــــوق
صح لسانك واعتلى شانك
شاعر متمكن
ابدعت يالغلا
تقبلني وتقبل مروري المتواضع لاهنت
ودي واحترامي

[الراقي]

.. صور جميله .. سبكة عالية بالأبداع ... كلمات في منتهى الجمال .. صح بوحك .. .. اضعاف أحرفها .. تقديري