بدر الحافي حياك

[الطائر المهاجر]

بناءاً على طلب اخي بدر الحافي في الشات الكتابي اخذ طاروق

سلام الله على الحافي بدر من خيرة العتبان= اذا من عدة الهيلا اقول البدر ذا كافي
انا بنشدك عن مذن يأذن جالسٍ كسلان= تهقى يقبل اذانه او تظنه لو جلس وافي

[بدر الحافي]

اتشرف باللعب ياستاذنا

هلا حياك ربك في محلك يارفيع الشان=وياطيب الشهادة من كريم وشهم وسنافي
هذا ماله من اعماله ياكود الذل والخسران=عسى ماهوب من ربعك تميم ولا هو ب حافي

[الطائر المهاجر]

اظنه شاعرٍ باليأس وعايش حالة الحرمان= ينادي مير من يوحي ولو في كلمته شافي
بدا يصرخ من همومٍ بقلبه كنها البركان= عسى ماهوب يقرب لك ولو في شعره الحافي

[بدر الحافي]

لو ان الشعر بس حروف نرسمها على الاوزان=عطيت الهاجس الي في ضميرك وقتن ايضافي
نظمت الشعر وانا في المهاد بلا قلم والحان=وكبرت ولو يشيب الراس ما شيّب لحن قافي

[الطائر المهاجر]

تشوف الشعر ما يشيّب ولا يحتاج للميزان= وانا اشوفه مثل بحر وسيع ولا له اضفافي
وانا مثلي مثل سنبوك لو يبحر فهو عطبان= ولكن ياصل الميناء ولا يحتاج لاسعافي

[بدر الحافي]

اشوف الشعر يادكتور بعيوني كما البستان=احد يجن الثمر واحدن من الي طاح غرافي
تسنبك ما تسنبك موجها قد ضيع الربان=لكن الياغرقت انته شهيدن يمشي خلافي

[الطائر المهاجر]

ونا اشوفك مثل طيرٍ يبي ينهض بلاجنحان=نتف منه الخوافي وقت لو يشرب من الصافي
ولا يدري بصافي الغير من قارون او هامان= قنع باللي توصل له واخذ مقسومه اللافي

[بدر الحافي]

ما الومك ماتشوف الي بدا ياشايب الشيبان=لو تشوفه بعينك شوف قلت محال ينشافي
قريت انجيل هوذا كيف علم باقي الرهبان=قبل يسجد على الصخرة سعى القسيس واطافي

[الطائر المهاجر]

انا اقرا الكف لو به لف واحيا عيشة الرهبان= واعرف انك ولو تخفي تنام بجنب متجافي
همومك لو يصيح طويق مافكر بها ثهلان= تعيش الوقت كالعابر وتلعب لعب مصطافي

[سناعيس]

ياسلام عليكم
الكل منكم صح لسانه
متابعين ومستمتعين

تحياتي