لا صرت لا خادم ولا انته خواجه

[الطائر المهاجر]

لا صرت لا خادم ولا انته خواجه = فلا انته مع المعزى ولا انته مع الضان
حتى ولو دكتور والعلم تاجه= ولو كان متفوّق على المان واسبان
فاقصر خطاك وخل عنك اللجاجه= والبس لباس المكر في كل الاحيان
وموّت ضميرك دام منته بحاجه= فاللي ضميره حي هالوقت خسران
منتوف ريشه مثل نتف الدجاجه= يعيش مع فقره على الطول اخوان
وان كنت حر وفيك بعض العواجه= فارحل ودور لك بديلٍ للاوطان
وطنك من يطعمك اطيب نتاجه= ويعطيك تقديرك ولا فيه نقصان
ياصلك حقك دون ركض ودواجه = ومن دون دفق لْدم وجهك على فلان
عند اللذي لاجيت يرفع حجاجه= ما يعبّرك كنك بعينيه شيطان
ولا من وصله الأمر غير مزاجه= ولو ما معك قانون خلاك كسبان
ذل الفتى نفسه ترى اعظم سذاجه= فدرهم كرامه خير من كنز حقران
فحطم جدار الذل وانزع سياجه= وارفع مناحيها مثل اي شيهان
الكون ملكك لو تضيع بْفجاجه= رزقك بيد اللي خلق كل انسان

[محمد بن عمار]

[blink]

/ صح كللللللك يالمهاااااااااااجر
مودتي لهطولك المميز والمشبّع بالحكمة فديتك

[/blink]

[عبدالله سعود الحويطي]

صح لسانك يابو عبدالله
جزلة ولاهنت ولاهان فكرك
تحياتي

[نجم الإبداع]

الله الله

صح لسانك يادكتور

جزل

لاهنت

تقبل مروري

وتقديري

[عبدالعزيز العمار]

صح لساااانك وفكرك يالطائر

جزل وممتع في كل ماتقدمه

تقبل مروري وخالص تحياتي

[منيع]

ابداع وجزالة تسلم يادكتور
تحياتي

[الخنساء]

صح لسانك مليوووون ولايكفون
قصيدة جزلة من شاعر متمكن
صدقت ياشيح العرب
سلمت ودام حرفك

[عبدالله الدخيل]

لله درك

صح لسانك وبارك الله فيك

الجزل ما يجيب الا جزل

ودي واحترامي

[الذيب الذيب]

صح لسانك ياالطائر المهاجر قمة الروعة والحكمة

[الذيب الذيب]

صح لسانك ياالطائر المهاجر قمة الروعة والحكمة والسبك والحبك
تحياتي لك