الورد بالخدين (بالصوت)

[الطائر المهاجر]

الورد بالخدين في ملمسه فرق = والرمش بالعينين في لمحته حرق
سهم المنايا تزرق الروح به زرق = لا وين ساقتني رياح المنيّه
الشمس تغرب ثم تطلع من الشرق = والوقت يسرقني ولا ادري عن السرق
اشكي همومي مثلما نايح الورق = مسبوه من سحر العيون الجريه
ما احب غيرك لا .. ولا اعرف الدرق = وانتي غيومك لا رعود ولا برق
لوك حديدٍ ذاب من كثرة الطرق = مدري علامك ماتردي عليه
بين الرجا والياس تاه الدليله = يطرد سراب الال ضيع مخيله
وانتي الدفا والبرد دوحه ظليله = وانتي سبب بلواي ليه الأذيه
درب الهوى كالسيل ياما يشيله = والحب يجرفني ولا فيه حيله
غرقان بعيون المهاة الجميله = اللي تمر ولا ترد التحيه
ما يهتني بالنوم من هد حيله = كثر الهواجس والهموم الثقيله
وقلبي على فرقاك ماطاب ليله= تلعب به الحسرات روحه وجيه
يا ناعسه ياام العيون الكحيله = غيرك فلا والله مارضى بديله
حني على من تاه ضيع سبيله= ترى صدود الحب اعظم بليه
ردي علىّ الصوت بالله ردي = القلب من بعدك وهن بالتردي
ما نيب من يقدر على ذا التحدي= حنى على قلبٍ عطيتك هديه

عن جد قصيده رائعه أخوي الطائر المهاجر تسلم
وياليت تسويلي لو بيتين أبي أحطها في توقيعي أنشاء الله

[منيع]

يابوعبدالله
خف الله ترى خويك ماله قلب مثل قلبك حجر
دعني اهمس في اذنك
ترى عندي ولد ملقوف مااقدر اكتب تعليق على شعر الغزل
تراه بيدخل على النت ويخبر اللي على بالي

[ابو زياد]

الطاير اللي كل يوم يتجدد =فالبدع والا لاقرينا له الرد
لا قال يبقى له مقال يردد=يعطيك بيت مايعادل بميه

الشاعر ابو عبدالله
الف صح لسانك جزلة من راس جزل
يسلم راسك

مشرفي .. الـ .. عـام ..


بـ .. رفـقـتـِـكـ ..


سـ .. أظــلُّ .. أكـتـســب !!


وأتـشــرف .. بـ .. ذلـكـ ..


لا .. عــدمـنــاكـ ..


بـ انتظـار .. الـ مـزيــد ..


رائــدي ..

[أصالة تميم]

مشرفنا شاعر اعثمانيات .....امتعتنا بإبداعاتك الا متناهيه ......

لكن هذا الشطر لم أفهمه؟

يطـرد سـراب الال ضيـع مخيلـه

الله عليك يابو عبدالله

ابداااااااااااااااااااااااااعـ منقطع النظير

لله دركـ

صح لسانكـ يا دكتور الشعر


ولاهنتـ



إحتراماتي

[مبارك أبوظهير]

الله الله



جميييييييييييييل والله يابوعبدالله



ألف صح قلبك وفكرك ..



قصيده رائعه بروعتك .. لاهنت وبيض الله وجهك ..




تحياتي وغلاااااااااااي



مبارك .،،،،،،،،،،،،،،،،،،،،،ن

[نجم الإبداع]

ابو عبدالله

صح لسانك وسلم احساسك
صياغه باسلوب رومانسي جديد

حقيقه تنسيق جميل
وفكره رائده

يسلم قلبك


تحياتي واحترامي

[ابو أنس]

ابو عبدالله..........
جمال متجدد وتجديد وتفرد
صياغة فيها تحدي وصعوبة في توظيف المفرده وجلبها
ولو قلت الأبيات الا أنها تحتاج لكلمات كثيره لتغذية القافيه
تعلمت منهت ومنك
لك تحيتي وشكري