ويامرسدْس من صنع الالمان

[نجم الإبداع]

ويامرسدس من صنع الالمان=وماني على القمصان واله
تعاف النفوس ان عل غلمان=وفي الوقت حب اهل الجهاله
تسمعت لك من صوت عمان =وماشفت منك اية رساله
تصليت فوق الجمر حرمان= وفكر الهوى يلحن جداله
الا ليتني طاوعت عثمان =وعفت الهوى واهل الهباله
ولكن قلب الصب ولمان= يحب الجمال وبه علاله
يعيش الغرام ان صار كتمان=ويغري التثني لامحاله
وساعه على ذكراك حلمان= وحولي من الانهار هاله
احاكي الضبى في خبت نعمان=وبين الضبى كنك غزاله
وكني رفيق لقيس غرمان=وليلاه مارقت لحاله
ينوح القطى مع فرخ سمان=وطير الحجل ماحلى جماله
وصفتك وصرتي مثل هامان=وحبك تعكر بي زلاله
كليتك وكنك حب رمان= وياما شربتك كاس زاله
وكنتي ذهب غالي فالاثمان=ولك في خفوقي كل جاله
ومن عقب عشقي عدت ندمان=ولجيت من زادي بلاله

[صعبة المنال]

الله الله يا نجم الابداع
تعيش وتحب غيرها

صح نيضك وفكرك

صعوووب

[الحربي عبدالله]

وكني رفيق لقيـس غرمـان
وليـلاه مـارقـت لحـالـه

ينوح القطى مع فرخ سمـان
وطير الحجل ماحلى جمالـه

الاخ الشاعر / فلاح بن منشار

صح لسانك ويسلم راسك وعلآ شانك

على الجزاله والابداع الشعري ،، شاعر جزل ورائع لله درك ..

وتحياتي لك ..

[منيع]

الا ليتـنـي طـاوعـت عثـمـان
وعفت الهـوى واهـل الهبالـه

ههههه
الا احسن انك ماطعتة
قلبك خضر يافلاح
تحياتي لكم

[عمر ال شيبي]

وعفت الهوى واهل الهبالـه

صح لسانك لا هنت

الله عليك كله من المرسيدس

ويل قلبي يا بو الخضر

[الطائر المهاجر]

الا ليتني طاوعت عثمان =وعفت الهوى واهل الهباله
ولكن قلب الصب ولمان= يحب الجمال وبه علاله

الاطرم يعيش بحو طرمان= وانا قلت رأيي ف المقاله
وخل الهوى ياطير برمان= ترى منت قده بالحياله


صح لسانك وكلك
ولاهنت
تحياتي

[فارس القوافي]

ههههههههههه

صح لسانك يابو محمد


لاهنت

يعطيك العافية

قلبك خضر


دووووس



دمت بخير

[عبدالعزيز ابراهيم المنصور]

ابو محمد
صح لسانك
سلمت ولاهنت
دمت بخير

[زهرة اللوتس]

صح لسانك ونبضك
لاهنت
تحية طيبه

[الخنساء]

صح لسانك مليوووون

قصيدة جزلة من شاعر متمكن

سلمت ودام حرفك