المحكمه الدوليه....الضعف شين

[الطائر المهاجر]

كيبورديه عجله

الضعف شين وكل مقرود مطلوب= حتى ولو هو ريّسٍ في بِلاده
هذا سبيل الغرب مع كل مغلوب= ومع من عصاهم ما خضع في بَلاده
في محكمه رزّوا بها كم مندوب= وباسم العداله كل يشفي مراده
إلا على اسرائيل فالوضع مقلوب= ماحدٍ يدين اللي تمادى بفساده
مهما فعل مسموح مالحقه ذنوب= يهدونه اللي زايدٍ عن عتاده
وحنا بنظرهم بين جاهل ومجذوب= مانستحق العيش مثل الجراده
اشباه اوادم حاكمينٍ او شعوب= خشاش ارض ويستحق الإباده
ولا من تأملنا بلا فكر محجوب= باسبابنا ماصابنا من قراده
فلم الشمل ماهوب بالحيل مرغوب= وكلٍ امير ولو يعيش بوحاده
يستضعفه من آزر اولاد يعقوب= ممن يديرونه بعقل وركاده
اموالهم تحكم رئيسٍ ومهيوب= واموالنا تصرف على غير فاده
وحنا انشغلنا بين ناصب ومنصوب= وهم في مجال العلم اهل الرياده
وحنا غدينا بين ناهب ومنهوب= وهم يعزلوا الناهب و لو هو قياده
ومادام هذا الحال والوضع مقلوب= فكل على زرعه يلاقي حصاده

[الأموره]

المهآجر

وضعنآ مزري للأسف

و المؤسف أكثر ان ما باليد حيله

اعاننا الله

صح لسانك ملايين

سلمت و سلم فكرك

هطول وااقعي

مواااكب

الف شكر لك

دمت برعاية الخالق

[زهرة اللوتس]

وحنا انشغلنا بين ناصب ومنصوب
وهم في مجال العلم اهـل الريـاده

وحنا غدينا بين ناهـب ومنهـوب
وهم يعزلوا الناهب و لو هو قيـاده

ومادام هذا الحال والوضع مقلـوب
فكل على زرعـه يلاقـي حصـاده


الطائر المهاجر
لحرفك بصمة مميزة
سلمت وسلم فكرك
جزلة من شاعر جزل
لاهنت وصح لسانك
دمت شامخا
لك مني
اطيب تحية

زهرة

[دايود صالح الخلف]

وحنا انشغلنا بين ناصب ومنصوب
وهم في مجال العلم اهـل الريـاده
وحنا غدينا بين ناهـب ومنهـوب
وهم يعزلوا الناهب و لو هو قياده
ومادام هذا الحال والوضع مقلـوب
فكل على زرعـه يلاقـي حصـاده


صح الله لساااااانك

ماكتبت الا الصحيح يالغالي

لاهنت لاهنت

[نجم الإبداع]

صدقت يابو عبدالله

وصح لسانك


صوره وافيه لواقع مؤلم

لاهنت

تقبل مروري

وتقديري

[الطامي]

الطائر
صح السانك الف الف مليار
جزلة من جزل
وتحاكي المشاعر
وفعلا الضغف شين
والله اقوى من كل قوي
والعزة لألأسلام ان شاء الله

[منيع]

ماتعديت الحقيقه
شكرا لك
تحياتي

[رفيعة الشان]

شاعرنا المهااجر
ما نقول الا الله المستعااان
للأسف هذا هو واقعنااا
قصيدة معبّره وافيه
فصح الله لساانك مليون


ولاااهنت

[الـزلـزال]

وحنا انشغلنا بين ناصب ومنصوب=وهم في مجال العلم اهـل الريـاده
وحنا غدينا بين ناهـب ومنهـوب=وهم يعزلوا الناهب و لو هو قيـاده

الطائر المهاجر


بوح لا مس الألم وزاد من جراحه


من شاعر يعي ماحوله ويصوره بكل أتقان


مبدع ومتجدد في كل ماتقدمة غالينا


حلق في سماء الأبداع الشعري ولنا الأستمتاع بتحليقك الشعري


صح لسانك ملايين ملايين


ولك فائق تحياتي

[ام العمده]

الطائر المهاجر



صح لسانك ملايين

لاهنت



دمت بخير