حلا منطوق...

[سمّار]

عليّ الحرام إنّا نشوف ابروق=تشبّ السحاب وتهطل امطاره
بروق و تقادِح بعضها في شوق=سنا حبّ سرّى حب في غاره
تلمّ السحاب وتنثره من فوق=وتمطر معاني العشق بغزاره
على المزرع اللي كل نبته ذوق=تقطّعت في مشمشه وبْخاره
الا كل يدٍ تشتكي من عوق=اذا ودّها تقطف من أزهاره
يدور النّحَل بين الزهر ويلوق=رحيقَ الغنَج من مركز اوكاره
اهنيه وارسل له حلا منطوق=يصوغه لبيبٌ زانت افكاره
واهني السحاب اللي عليها سوق=واهني المطر لاصبّ بانهاره
وانا خلني يمكن بعد باروق=اذا جمر قلبي طفته ناره

[الطامي]

سمار
صح السانك ملايين
رائعة جدا
لاهنت اخي

[منصور العبدالله]

صح لسانك سمار

رايقه وكايفه

[طوفـــان]

صح لسانك أخي سمّار على هالقصيدة الطيبة ..

راقت لي القافية ..

لك كل الشكر على طرحك ..

[الطائر المهاجر]

جزل ومبدع
صح لسانك
ولاهان راسك
تحيتي واحترامي

[داعي الشوق]

مرحبا يا بو هاشم

حي القصيد و حي الشاعر

و صح لسانك يا ذيب

ابيات تقادح جزاله

صح لسانك مدد

ولاهنت

[الراقي]

صح لسانك ملياااااااراااااات
سلمت وسلم منطوقك الجزل
ربي يعطيك العافية

[فايز بن جبيل]

سمار صح اللسانك على هذه السحابة

ممطر ومعشوشب هذا النص

كل التقدير

[حوريه]

صح لسانك واحساسك على هالرائعه
لاهنت ولا هان مغليك
تحيتي وتقديري

[الخنساء]

صح لسانك مليوووووون ولايكفون

قصيدة جزلة من شاعر متمكن

سلمت ودام حرفك