مواساة عبدالمحسن العمر في فقد والده

[طوفـــان]

بسم الله الرحمن الرحيم

صباح الخير أحبائي ويوم موفق وحافل بالإنجازات ..

.. محاولة بسيطة وأهديها لإستاذي الفاضل الشاعر الكبير عبدالمحسن العمر بعد فقدنا لوالده الشيخ أحمد العمر أسكنه الله الفسيح من جنانه وجمعنا الله وإياكم معه والصالحين أجمع في دار رضوانه ، آمين

الصوم هل وغاب عن دنيتي هلال=غاب وتلاشى وارتحل يم واليه
نادى المنادي يالله اليوم ترحال=ترحال ياشيخٍ وقارة مكفّيه
جاوب ندى الداعي ولبّاه بالحال=شفقٍ على شوفة وليه ومنشيه
ماهمته دنيا ولاهمه المال=همه رضى ربه من النار ينجيه
وبرحمته يجعل له الله منزال=في جنته والمسك يملا أراضيه
دارٍ بها ماتجعل النفس بإذهال=ماشافته عينك ولا الأذن توحيه
لا وسعد عبدٍ لعفوا الولي نال=واللي خسر ماينفعه لو تعزيه
يالله يارحمن ياربنا العال=ياسامعٍ صوت الخلايق تناجيه
تلم شمل الشيخ والصحب والآل=في جنة الفردوس والمصطفى فيه

وسلامتكم ..

[الطائر المهاجر]

جزلة ووافيه من وافي لمن يستحق المواساة
صح لسانك وقلبك
ولا هان راسك
تحياتي

[عبدالله الشويمان]

صح السانك يا اخ عبدالله

ابيات جزله من شاعر جزل..

والله يرحم الميتين من المسلمين..

ويسكنهم جنات النعيم ..

وعزاءنا للاخ عبدالمحسن..

دمت بخير ولا هنت

[عمر ال شيبي]

اللهم يرحمه ويحسن اليه
وبارك الله بك شعور طيب
وصح لسانك لا هنت ابد

[منيع]

ابيات رائعة ومعبرة
تسلم اخي الكريم
ورحم الله المتوفى واجزل له المثوبة والغفران واسكنة الفسيح من الجنان
تحياتي لكم

[طوفـــان]

جزلة ووافيه من وافي لمن يستحق المواساة
صح لسانك وقلبك
ولا هان راسك
تحياتي

صح الله بدنك أخي أبو عبدالله ..

أنتم للوفاء عنوان بدعمكم ومتابعتكم لنا ..

والشاعر الكبير عبدالمحسن هذا أقل مانقدمه له فهو وفيّ ومن أهل الوفاء أيضاً

غفر الله لفقيدنا وأسكنه جنان الخلد ..

ومن الأعماق شكراً لكم على مروركم ودعمكم ..

بارك الله فيكم وفي مجهوداتكم

[حي الضمير]

نسال الله المغفره والرحمه لوالده وجميع موتى المسلمين
وصح لسانك ايها الوفي

[الطامي]

طوفان
صح السانك
مواساة طيبه وابيات اطيب
لاهان راسك
شكرالك

[عدنان كريزم]

صح لسانك ولا هنت ياالغالي

[بنت النور]

صح السانك ملايين
رائعة جدا
لاهنت اخي عبدالله

يعطيك العافيه