الـــعـــــيـــــــــــد

[عيد مشعل]

كل عام وانتم بخير

العيد طل وقلت حياه حياه =يامرحبا ترحيب من عيد لا عيد
كلاً يعايد من يعزه ويهواه=وعيدي على إللي جايباً فيني العيد
ابتعنـى واتمنى ملاقاه=وابتغنى يالمعنى بتنهيـد
عيـدك مبارك جا يشارك من اقصاه=حب اختيارك ثم زارك من بعيد
اعايد من يعيد دمي مجراه=وينبضه قلباً يضخ المواريد
اعايد من يعيد لشايب صباه=ويشيب رموش الصغار المواليد
بعايده وعيد حلفاً عهدناه=وأكدله اني هايماً فيه توكيد
العيد جمع اهل القلوب المصفاه=من الحسد والغل ومن كل تعقيد
حي الوليف اللي يشوفه تمناه =يامنوتاً للقلب والعين والاْيد
ياعين حراً يعجبك في مزاياه= يدمي صوابه لاهوى من مصاعيد
العين بحر العشق والنون مرساه =وألا رموشه مثل صف البواريد
وشعاع فمحياه وأحمر شفاياه=وألا النحر يجلي عتاماً وساويد
وجديل لونه مثل ليلاً تغشاه =والقد ميالاً على كيف متريد
ادعج غنج عمهوج سبحانه اعطاه =الله خلقها غير عن كل هالغيد
جمالها منهو يبا يوصفه تاه =يتوه توهه مالها ايات تحديد
حكيم شوره ياعرب ضيع ارياه =وعقال من شوفته صاروا مقاريد
ياحارق شعور متبلد وتصلاه=يامطفياً ناراً لظاها تواقيد
عساه يسلم من عواذل وتفداه = وفداه نماماً واش وحواسيد
من قالك بعدت كذبت حكاياه= تراك منت بعيد والله في عيد
احب انا لاماه واكره لفرقاه =متجوداً بحبال وصله تجاويد
ياروح قلبي روحت مقيط ورشاه=ياشوق قلبي شوق عليا لبو زيد
واهيم فيها هيام مجنـون ليلاه =ومستاسرتني مثل اسر المعابيد
وحبي لها من حب نمرن لوضحاه=واحفظها حفظ الذاكره للخواليد
يكفي على طيفك تشوف المناجاه=يكفي على ذكرك دموعـاً مجاديد
غلاك عندي باركاتاً مطاياه=ومعقله عندي يابنت الاجاويد
منهو يقول ابامر الحب وانهاه =يمسي عليه الحب ويصبحه سيد
يلي تقود الذايرات المحماه = ماردني عن شفكم زيد وعبيد
بعدك غيابك والغلا ماقويناه = مقوى على الفرقا وهم التصاديد
ياشين هجرك ياوليفي ياشيناه =تقول سم ذحاح وسط المكابيد
لوالتوجد فاد قلبي ووجداه=واكثر عليكم يالغضي بالتواجيد
عزاه يامغوي كثيرين عزاه=ياطارح الخيال ويالصناديد
عسى السحاب اللي تراكم منشاه=سود الغيوم ومرزمات الرواعيد
بديرته تاخذلها أيام وياه=وبلاً من صدوق المخايل مواريد
حتى يزين القاع والعشب يزهاه=فيه الزهور انواع ويالتغاريد
وختامها ياصاحبي مابديناه=عيدك مبارك ياعسى عيدك سعيد

وسلامتكم

[أحمد عوده الشامي]

العيد طـل وقلـت حيـاه حيـاه =يامرحبا ترحيب من عيد لا عيـد

عــــــيـــــد بن مـــــشــــعـــــل

صح لسانك ملاييييييين

وكل عام وانت طيب

[الطائر المهاجر]

نص جيد ياعيد لو بعض الأشطر
المختلفه في الوزن
اعايد مـن يعيـد دمـي مجـراه
اعايد من يعيـد لشايـب صبـاه
من قالك بعـدت كذبـت حكايـاه
ومعقله عندي يابنـت الاجاويـد
وبلاً من صدوق المخايل مواريـد

وينبضه قلبـاً يضـخ المواريـد(ناقص)
وفـداه نمامـاً واش وحواسيـد(وواش)

ومستاسرتني مثل اسر المعابيـد
اذا كنت تقصد بالمعابيد جمع عبيد فلا يصح
اما اذا تقصد قبيله او فخذ او عشيرة المعابيد فيجوز

ارجو التعديل حتى تعاد للهمس
بعد التأكد من مشاركاتك لزملائك

تحياتي

[السريع]

شكراً لما امتعتنا به
تحياتي

[بليهان]

شكرا لك
وبارك الله فيك
تحياتي

[الهميم]

بارك الله فيك
جميل ما قرأته
تحياتي

[الهميم]

كتبت فأمتعت
شكراً لك
تحياتي

[البتار]

مشكور
على ما افدتنا به
تحياتي

[طويق]

بارك الله فيك
على ما تقوم به
احترامي

[الحويطي]

وفقك الله
وسلمت اناملك
تحياتي وتقديري