هجمات مرتده

[طلال البدور الشهراني]

توقع يازمن من خانتي هجمات مرتده=عساك تحن قلبي لاشكالك من هواجيسه
لاصار اني رهينك فالرخاء والا مع الشده=فلاتلوم البخت لافك حلمي من محابيسه
عليك الهون لين تكمل ايام الشقى العده=وياخذ عمري المفتون من دنياه تونيسه
اباصبر واتحمل من ضعيف الراي والمده =مدام الهم في جوف الحشا دقة نواقيسه
واقول ان اللذي قد فات مال العين به لده=سوات الميت ليا مات مايحييه تلميسه
تمنيت الامل يعسف واعسفه طول هالمده=ولكن ردني عن غايتي قومن مناحيسه
وتمنيت الليالي ماتجيب العز وترده=مثل رد البخيل لماله المصرور في كيسه
ترى مشروهي ان شلته على قمة جبل هده=لكن ماكل رجل اقدمه لاصار تلبيسه
هقيت بناس كنت احسب وفاهم ماحصل نده=واثرهم هل روابع طولها بالملي اقيسه
عبادن تجزي المعروف بالنكران والصده=وحقد قلوبهم يازن جبال طويق والديسه

[الطائر المهاجر]

صح لسانك واعتلى شأنك
نص رائع من شاعر رائع
لاهنت
دمت بود

[منيع]

ياسلام عليك
مبدع ورائع
دمت طيبا
تحياتي

[نجم الإبداع]

ارحب ياطلال وصح لسانك على المصافحه العذبه

لاهنت

[الخنساء]

اباصـبـر واتحـمـل مــن ضعـيـف الــراي والـمـده

مـــدام الـهــم فـــي جـــوف الـحـشـا دقـــة نواقـيـسـه

واقـول ان اللـذي قـد فـات مــال العـيـن بــه لــده

ســــوات الـمـيــت لــيــا مــــات مـايـحـيـيـه تـلـمـيـسـه

تمنيـت الامــل يعـسـف واعسـفـه طــول هالـمـده

صح لسانك ملايين

جزلة من شاعر متمكن

سلمت ولاهنت

[محمد بن عمار]

أخوي / طلااااال
صححح لسانك وجاد بيانك
وكل الشكر والتقدير
لحضورك المتألق
لاعدمتك ياغالي

[الزكري]

كتبت فأبدعت
صح لسانك ولا هنت
تحياتي الطيبة

[حي الضمير]

صح لسانك مدد شاعرنا طلال
على هذه الابيات الجميله والراقيه
لا عدمناك يا مميز

[الطامي]

البدور
صح السانك
قصيدة مميزة من شاعر مميز
رائعة لافض فوك
شكرا لك

[ساهر الليل]

هقيت بناس كنت احسب وفاهم ماحصل نده
واثــرهــم هــــل روابـــــع طـولــهــا بـالـمـلــي اقـيــســه

الله الله يا طلال

مصافحه رائعه

صح لسانك وقلبك يالغالي

والله يعين يا صاحبي على الدنيا ومافيها

تقبل خالص تحياتي وودي