بديوي الوقداني

[الطائر المهاجر]

بديوي بن جبران الوقداني العتيبي ولدفي الطائف 1244هـ وعاش وتوفي بها 1296هـ
دللت الايام لين أرخصت جانبها = وانا عتيبي عريب الجد والخالي

ويبدو ان بديوي الوقداني له انطباعه عن البدو فهاهو يخاطب ابنه عبدالعزيز :
عبد العزيز الليث ياسبع غابه = ياذيب ويش اللي مع البدو نشبك
ماخبلك ياباغي من البدو ثابه = البدو لاشافت معك شي تنهبك

وبديوي لم يكن شاعر نبطي فحسب بل نراه يقول من الشعر الفصيح:
أبرقُ لاح أم قمر منيرا ؟ = أمسك فاح أم ندا عبيرا ؟
سرت جنح الظلام فقلت بدرا = يكاد بنوره الساري يسيرا

ومن قصيدة اخرى يرثي بها الشريف عبدالله بن محمد المتوفي 1294هـ
الملك لله والدنيا مداولة = ومالحي على الأيام تخليد
للدهر وجه عبوس في تقلبه = وللمنايا سهام صيدها الصيد

كما ان لبديوي بيتيم جميلين أرتجلهما عندما سقط خاتم الشريف عبد الله بن محمد فأنفلق فصه فقال:-
لاتخشى يابن رسول الله من حجرٍ = رأى المكارم في كفيك فأنفجرا
وافاك سعدك اذ وافى السعود وقد= أعطاك ربك حظاً يفلق الحجرا

فالمتابع للغة بديوي يجد كما كبيرا من المفردات اللغوية الفصيحة بالاضافة التوظيف الصحيح للمفردات
وفيما يلي كشف ببعض قصائد بديوي الوقداني

1 – ياراكب اللي ياخذ الحزم مواج = مواج دوٍ تاه فالغبتيني
من قصيدة في مدح الشريف الحسين بن محمد تتكون من 30 بيتا من بحر المسحوب

2 – أول أستبداي باسمك ياحنون = ياكريمٍ ماتخالفك الظنون
وتتكون من 66 بيتا من بحر الرمل وهي من الشعر ( المربوع ) في الحكم والنصح

3 – أيامنا والليالي كم نعاتبها = شبنا وشابت وعفنا بعض الأحوالي
وهي من اشهر قصائد بديوي الوقداني وأهمها وتتكون من 52 بيتا من بحر الهجيني الطويل

4 – أخر زمان وكل من عاش خبر = بغيت اقول الميت أرجى من الحي
وتتكون من 23 بيتا من بحر المسحوب وهي من شعر الحكمه

5 – أنفكت السبحه وكل الخرز ضاع = بغيت المه ياسليمان وازريت
وتتكون من 9 ابيات فقط من بحر المسحوب

6 – دمياك هذي كلها هز قاووق = ماتعرف الصاحب من اللي معاديك
وتتكون من 24 بيتا من بحر المسحوب

7 – يادخيل الله توقع يوم تمشي = قبلك الرعيان والديره حفيه
وهي من محاورة على بحر الرمل مع الشاعر دخيل اله بن مسيفر الزايدي

(منقول بتصرف)

[الطائر المهاجر]

أول استـبـداي باسـمـك يـاحـنـون
يـاكـريـم مـــا تـخـالـفـه الـظـنــون
امــرك المحـفـوظ فــي كــاف ونــون
وانـت لـي فـي كــل مـغـواة دلـيـل
هيـج اشواقـي حمـام فـي الغصـون
بـات ساجـع فـي بديـعـات اللـحـون
بـيــن تـغـريـد وتـرجـيـع يــهــون
مادرى اني في الهـوى مثلـه عليـل
ياحـمـام الــدوح هيـجـت الـغــرام
ما سبب نوحك ومالـك مـن مـرام
اعطنـي عهـدك وخـذ منـي ذمـام
بيعني شوقك وخـذ شوقـي بديـل
ان فــي قـلـبـي جـــروح ماتـطـيـب
مـابـدت حـتـى يداويـهـا طـبـيـب
من هواجس جات من فرق الحبيب
بـاح مكنونـي وصبـري مستحـيـل
كلـمـا هــب الصـبـا قلـبـي صـبــا
مـن غـزال فــي الحـمـا فــاق الظـبـا
ظبـي جـازي يرتعـي نـبـت الـربـا
يسلـب العشـاق بالطـرف الكحـيـل
مــال عـنـي بالتجـافـي والـصــدود
مابقـي غـيـر الحسـايـف والـوجـود
كـم رعيـت النجـم والعـالـم رقــود
والمحاجـر دمعـهـا الصـافـي يسـيـل
زارنـي طيفـه كمـا طيـف النسيـم
جــدد الاشــواق والعـهـد القـديـم
وانثنـى فـي داجـي الليـل البهيـم
قلـت زدنـي قـال يكفـيـك القلـيـل
آه مــن هــم شــوى قلـبـي بـنــار
وان طلـبـت الصبرماالقـالـه قــرار
كـيـف ابــا صبروالـحـشـا للهم دار
صـار مالكـنـي وانــا عـنـده نـزيـل
قمـت ممـا حسنـي عـنـد الهـجـوع
يــوم كــل نــام ولـعـت الـشـمـوع
والهواجـس جاتنـي تمشـي جـمـوع
مثـل ورد النحـل فـي وادي طفيـل
أو كمـا سيـل تسايـل مـن مضيـق
يقـلـع الحيـطـان والـسـد الـوثـيـق
يـأخـذ الاشـجــار ويـســد الـطـريـق
زاد عـن حـده وضــاق بــه المسـيـل
طـار نومـي يـوم نامـت كـل عـيـن
بـت ساهـر مـع نـجـوم الفرقـديـن
من هواجس من جفا من جور ديـن
مـا بقـا الا البعـد عنهـا والرحـيـل
صوب ارض الشام أو ارض العـراق
عــل يـــوم فـيــه يـنـحـل الـوثــاق
كـم نقـاسـي والقـسـا مــر الـمـذاق
ربـمـا نلـقـى عــن الـمـنـزل بـديــل
دع بــلاد الــذل وارحــل يالـبـيـب
واغـتـرب فالـكـل بالدنـيـا غـريــب
القضـا مكتـوب والداعـي نصـيـب
اركــب الاخـطـار والـهـول المـهـيـل
وان جفتـك الـدار أو مـال الـزمـان
لاتـعـيــش بــــدار ذل أو هـــــوان
لــو يظـلـي نبتـهـا مــن زعـفــران
صاحـب الاخـطـار واجعلـهـا دلـيـل
شـد عـن ارض الاعــادي والحـسـود
واطـلـب العلـيـا وبـالـغ بالجـهـود
لـو يكـون العـز فــي غــاب الاســود
خيـر مـن دار تعيـش ابـهـا ذلـيـل
كــل مــن رام الـعـلا يـرقــى لـهــا
ســلــم الاخــطــار فــــي اهـوالــهــا
مـــن تـراخــى عـزمـتـه مـانـالـهـا
دونـهــا يـقـصـر الـبــاع الـطـويــل
اقطـع البـيـدا عـلـى عــوج النـضـا
لـو يكـن تمشـي علـى جمـر الغضـا
مــا يـفـوت العـمـر قــدام الـقـضـا
ديـن عنـدك ليـن ياتيـك العمـيـل
عاشـر الاحـرار مــن اهــل الـرتـب
تستفـيـد العـقـل مـنـهـم والادب
حيـث هـم اهـل المـروة والنـسـب
واترك الانـذال مـا منهـم حصيـل
سـل عـن الجـيـران قــدام الـنـزول
وان سمعت النـاس تهـرج لاتقـول
تكتـسـي ثــوب المـعـزة والـقـبـول
والـخـلايـق يـذكـرونـك بالـجـمـيـل
كــم كــلام راح فــي نقـلـه نـفــوس
وانـت ماتاخـذ علـى نقـلـه فـلـوس
لاتفـتـش كــل حــب فـيـه ســـوس
كـم تخـوض النـاس فـي قـال وقيـل
خـذ عزيـز البـز مـن زيـن القمـاش
والـردي لـو كـان يعطونـك بــلاش
ما يفيـدك كيـف تاخـذ شـي مـاش
بيـعـة المغـبـون منـهـا يستـقـيـل
دور الطـيـب لـــو وغـــال الـثـمـن
لو يكـون القصـد فـي صنعـا اليمـن
لا تـغـرك صقـلـة الـوجــه الـحـسـن
ابــذل المـجـهـود بـالـمـال الـجـزيـل
الـذهـب مــا يخلطـونـه بالـنـحـاس
غير بعض النـاس مـا عنـده قيـاس
خـذ نصايـح مـا حواهـا بـو نــواس
مثـل نظـم الـدر واللولـو الأصيـل
وان ملكـت المـال لاتغـدي شـحـوح
اطعـم الجيعـان واكسـي كــل روح
الـدبــش والـمــال لابــــده يــــروح
والثنـا والمـجـد جـيـل بـعـد جـيـل
هم روحـك واغتنـم عصـر الشبـاب
ان لــلأيـــام مـــيـــل وانـــقـــلاب
ونـت فيهـا تنطـوي طـي الكـتـاب
لاتـغـرك صـحـة الـعـمـر الـطـويـل
اتـرك الدنيـا لـيـا جـاتـك ضـحـوك
لا تـغــرك بـالـمـلاعـب والـشـكــوك
كـم غـرر فيهـا وكـم غـرت مـلـوك
ضحكهـا غـرار مـا اسـرع مـا تميـل
والعـدو لا تأمـنـه لــو بـعـد حـيـن
لو حلـف بالبيـت والركـن اليميـن
الحقـد والبـغـض فــي قلـبـه دفـيـن
وان ضحك بالوجـه قلبـه لـك غليـل
خـــل عـنــك الـكـبـر فالله الكـبـيـر
لا تــحــاقــر عـــاجـــز والا فــقــيـــر
واعــلــم ان الأمـــــر لله الـخـبـيــر
يـقـصـم الـجـبـار ويـعــز الـذلـيــل

[الطائر المهاجر]

ايـامـنــا والـلـيـالـي كــــم نعـاتـبـهـا
شبنـا وشابـت وعفنـا بعـض الاحوالـي
تـاعـد مواعـيـد والـجـاهـل مكـذبـهـا
واللي عـرف حدهـا مـن همهـا سالـي
ان اقبلـت يــوم ماتصـفـي مشاربـهـا
تقفي وتقبـل ومـا دامـت علـى حالـي
فـــي كـــل يـــوم تـوريـنــا كبـايـبـهـا
واليوم الاول تراه احسـن مـن التالـي
ايـــام فـــي غلـبـهـا وايـــام نغـلـبـهـا
وايـام فيـهـا ســوى والـدهـر ميـالـي
جربـت الايـام ومثـلـي مــن يجربـهـا
تجـريـب عـاقــل وذاق الـمــر والـحـالـي
نضحـك مـع النـاس والدنيـا نلاعبـهـا
نمشي مع الفـي طـوع حيـث مامالـي
كـم مـن عـلـوم وكــم اداب نكسبـهـا
والشـعـر مـــازون مـثـقـال بمثـقـالـي
اعرف حـروف الهجـا بالرمـز واكتبهـا
عاقـل ومجنـون حـاوي كـل الاشكـالـي
لـكـن حـظـي ردي والــروح متعبـهـا
مافادنـي حسـن تأديبـي مـع أمثالـي
ان جيـت ابـي حاجـة عـزت مطالبـهـا
العفـو مـا واحـد فـي النـاس يــا والــي
قــوم لـيـا جيتـهـا رفـــت شـواربـهـا
بالضحـك وقلوبهـا فيهـا الـردى كالـي
وقـوم ليـا جيتـهـا صـكـت حواجبـهـا
وابدت لي البغض فـي مقفـاي واقبالـي
مـا كنـي الا اسمـوي حــال مغضبـهـا
والـكـل فــي عشـرتـه مـاكـر ودجـالــي
يـا حـيـف تخفـىامـور كـنـت حاسبـهـا
والاهـل واصحابـنـا والــدون والعـالـي
والـروح وش عذرهـا فـي تـرك واجبهـا
راح الحسب والنسب في جمع الاموالي
نفسـي تبـى العـز والحاجـات تغصبهـا
تـرمـي بـهـا بـيـن اجـاويـد وانـذالــي
الـمــال يـحـيـي رجـــال لاحـيــاة بـهــا
كالسيل يحيي الهشيم الدمدم البالي
عفـت المنـازل وروحـي يــوم اجنبـهـا
منها غنيمـة وعنهـا البعـد اولـى لـي
لاخيـر فـي ديـرة يشقـى العـزيـز بـهـا
يسشـي مـع النـاس فـي هـم واذلالــي
دار بـهـا الـخـوف دوم مـــا يغيـبـهـا
والجـوع فيهـا ومعهـا بعـض الاحوالـي
جوعـى سراحينهـا شبعـى ثعاليبهـا
الكـلـب والـهـر يـقـدم كـــل ريـبـالـي
عـز الفتـى راس مالـه مــن مكاسبـهـا
يـا مرتـضـي الـهـون لا عــز ولا مـالـي
دللـت بالـروح ليـن ارخصـت جانبهـا
وان عتيـبـي عـريـب الـجـد والـخـالـي
قـوم تــدوس الافـاعـي مــع عقاربـهـا
ولـهـا عـزايـم تـهـد الشـامـخ العـالـي
خـل المـنـازل غــراب البـيـن يندبـهـا
يبكـي عليهـا بـدمـع العـيـن هطـالـي
لاتـعـمـر الـــدار والـقــلات تـخـربـهـا
بيـع الـردي بالخسـارة واشتـر الغالـي
ماضاقـت الارض وانسـدت مذاهبـهـا
فيـهـا السـعـة والمـراجـل والتهفـلالـي
دار بــدار وجـيـران بجـيـران نقـاربـهـا
وارض بـــارض واطـــلال بـــا طـلالــي
والنـاس اجانيـب ليـن انـك تصاحبهـا
تكـون منـهـم كـمـا قـالـوا بالامثـالـي
الارض لله نـمـشــي فــــي مـنـاكـبـهـا
والله قـــــدر لـــنـــا ارزاق واجـــالـــي
حـــث الـمـطـايـا وشـرقـهــا وغـربـهــا
واقـطـع بـهـا كــل فـــج دارس خـالــي
واطـعـن نـحـور الفيـافـي فــي ترايبـهـا
وابعـد عـن الهـم تمسـي خالـي البالـي
مــن فــوق عملـيـة تقـطـع براكـبـهـا
فـدافــد الـبـيــد درهــــام وزرفــالــي
تبـعـدك عــن دار قــوم ودار تقربـهـا
واخـتـر لنفـسـك وللمـنـزال منـزالـي
لـو مــت فــي ديــرة قـفـرا جوانبـهـا
فيها لوطي السبـاع الغبـس مدهالـي
اخـيـر مــن ديــرة يجـفـاك صاحـبـهـا
كــم ذا الـجـفـا والتـجـافـي والتـعـلالـي
دوس المخـاطـر ولا تـخـشـى عواقـبـهـا
تسعى علـى الـرزق ماحـت للاشبالـي
والشمس فـي برجهـا والغيـم يحجبهـا
قفـي وتقبـل لهـا فـي العـرش مجدالـي
رب السـمـاوات يامحـصـي كواكـبـهـا
يـا مجـري السفـن فـي لجـات الاهوالـي
ضاقـت بنـا الارض واشتبـت لهايبهـا
والغـيـث محـبـوس يـــارزاق يـاوالــي
يالله مـــن مـزنــة هـبــت هبـايـبـهـا
رعادهـا بــات لــه فــي البـحـر زلـزالـي
ريــح العـوالـي مــن المنـشـا تجاذبـهـا
جذب الدلـي مـن جبـا مطويـة الجالـي
ديمـومـة سبـلـت والاخــت ذوايبـهـا
وانهـل منـهـا غـزيـر الـوبـل همـالـي
تسقـي ديـار شـديـد الـوقـت حاربـهـا
مـا عـاد فيهـا لبعـض النـاس منزالـي
يــا جـاهـل اسـمـع تماثـيـل مرتبـهـا
فيهـا معانـي جميـع القـيـل والقـالـي
مـثـل المحابـيـب زادت فــي قوالـبـهـا
فـي صرفهـا زايـدة عـن قـرش وريـالـي
يـــارب تـوبــه وروحــــي لاتـعـذبـهـا
يــوم القيـامـة اذا ماضـاقـت اعمـالـي
وازكي صلاتي علـى المختـار واوهبهـا
شفيعـنـا يــوم حـشـر فـيـه الاهـوالـي

[الطائر المهاجر]

ياراكـب اللـي ياخـذ الـحـزم مــواج
مــواج دار وتـــاه فـــي الغبتـيـنـي
يوم استشد الريـح ترميـه الامـواج
أمـــواج بـحـريـضـرب الجالـتـيـنـي
ضـاري علـى قطـع الفيافـي وسـجـاج
سـجـاج بـيـن الـشـرق والنقرتيـنـي
محنونـي كالقـوس منعـاج منـهـاج
مثـل الهـلال اللـي ولـد ليلتيـنـي
والا كمـا سرحـان مـع فــج الافـجـاج
والا الغـزال اللـي رمــى مرتيـنـي
يجفل ليـا ماشـاف ظـل العصـا مـاج
راعـيـه مــا يـقـدر يـمـد اليـديـنـي
كـوره عقيلـي مشترينـه مـن الحـاج
والمـيـركـة والــخــرج والغـرتـيـنـي
ضرب عليه اليا سجا الليـل وانسـاج
وزارت مراسيل الكـرى كـل عينـي
خله مـع الريعيـن والـدرب مدهـاج
والسيل مره مـا مضـى ساعتينـي
واحرم بعمره واقطع الدرب منهاج
منهاج من يمشي على الفرقدينـي
تصبـح بمكـة حـزة الصـبـح منـبـاج
واسـع وطـف وصـل لـك ركعتينـي
وانص الملـوك اللـي لهـم نـور وهـاج
نـور مـن المـشـرق الــى القبلتيـنـي
تلقى الوفود الهـم كمـا وفـد حجـاج
يـوم الثمـان ومصعديـن القريـنـي
سلم عليهـم واخـرج الهـرج مخـراج
واعـرف مقـام الملـك فـي الحالتينـي
واخرج لهم خـط طـوى طـي ديبـاج
هـديــة مـــن بــاشــة المحمـلـيـنـي
منظوم فيها ابيـات مـن بحـر عجـاج
نظـم الجواهـر فـي سلـوك اللجينـي
يا عون يا سيدي وصلت انـت فـراج
وانا ترانـي عنـد سيـدي الحسينـي
حيـث ان لـه عـادة ولـه جـود ثجـاج
مـن معصـرات الـجـد والوالديـنـي
يـا بـن محمـد يـا غنـى كـل محـتـاج
ياعـيـد مـديــون تـحـمـل بـديـنـي
خدامكـم شفـه مــن الـمـال سـيـراج
والا فـرنـجـيــه لــهـــا جـبـدتـيـنـي
حـتـى يــودي ذكـرهـا كــل هـــراج
واخـبـارهــا تــاصــل والـعـديـنــي
وابدي لك البيضا عدد ريح الافـواج
وتمشي ركـاب المـدح بينـك وبينـي
ويفرح صديقي والعدو صـاده افـلاج
من غبنها دمعة مـن العيـن عينـي
وصلوا علـى مـن خصـه الله بمعـراج
مـحـمـد المـخـتـار جـــد الحسـيـنـي

[الطائر المهاجر]

كــم فقـيـر مــات قــدام الـمـمـات
موت بعض الناس خيرمن الحيات
ان بـكـن أو مــا بـكــن النـايـحـات
البكـا خسـران فـي بـعـض الهـزيـل
والـف صلـوا ماسجـع بـا لاشتـراك
ساجع القمري علـى غصـن الاراك
فــي ريــاض علـهـا نــوء السـمـاك
كل يـوم الركـب لـه فيهـا مقيـل
تبلـغ المختـار والصـحـب النـجـوم
ما سعى أو طاف بالبيت القـدوم
والمـصـاحـف والمـكـاتـب والـعـلـوم
والحصا والرمـل ميـل بعـد ميـل

[الطائر المهاجر]

انفكـت السبحـة وضـاع الخـرز ضــاع
وبغيـت ألمـه يـا سليـمـان وازريــت
صار الذهب قصديـر والـورد نعنـاع
أنكـرت ريحـه مختلـف يـوم شميـت
الـبــاب طـايــح والمسـامـيـر خـــلاّع
والحَبّ فيه السوس والفار في البيت
أمسيت أكيـل الـراى بالمـد والصـاع
قسـت الأمـور وعفتهـا مــا تـوريـت
لا فـاقـد الحـيـلـة ولا قـاصــر الـبــاع
ويـا الله يامـولاي فـيـك استغـريـت
الـذيـب رزقــه فــي مبـاديـن الأرواع
وانـا بـرزقـي فــي زمـانـي تعنـيـت
وانـا مربّـى مــن زمـانـي ومـطـواع
ربـتـنـي الأيـــام حــتــى تـربـيــت

[الطائر المهاجر]

أنا بوصيك ياعبد العزيـز ان سمعتنـي
تــرى الصـقـر يسـمـع مايـقـول ابـــاه
إذا مانصـاك الضيـف رحـب وهــل بــه
ترى الرحب يقري الضيـف دون اقـراه
وقــدم لــه الميـسـور وزيــن لــه النـبـا
واعـز الـعـرب مــن هــو ملـيـح انـبـاه
ولا تـنـدرق عنـهـا لـيـا جـاتـك ناصـيـه
ولـــو كـــان عـــودك ماعـلـيـه الــحــاه
ولا تعـتـرضـهـا ون تــعــدت مـجـنـبـه
كـمــا مـعـتـرض سـيــل يـجــر انـحــاه
وابا اوصيك صـون الجـار واصبـر لزلتـه
ولـوكــان تـسـمــع كــــل يــــوم ازراه
ترى الجـار ستـر الجـار يحمـي سرايـره
وعـــــــزى لـــجــــارٍ مــايــظـــل اذراه
وابااوصيك بنت اللاش والمنبت الردى
وبـيــت الـــردا خــطــرٍ عـلـيــك ارداه
يجيك الولـد مـن بنتهـم خايـب النبـا
كــــمـــــا زرع ودن مـــــايـــــرد اذراه
حــذارا اتـعـدى عــن بـيـوت الشجـاعـه
وبـيـت الشجـاعـه مـــا يـطـيـح ابـنــاه
وعـز الرفاقـه لــو تــرى منـهـم الجـفـا
عـسـى لــك رفـيـق ولــو يـزيـد اجـفـاه
رفيقـك سـلاح الضيـق تلطـم بـه العـدا
ومــن قــل جيـشـه يطـمـعـون اعـــداه
وضــيــم الـرفـاقــه عــلــةٍ مـالـهــا دوا
يـكــون الـرجــا والـصـبـر هــــو ا ادوه
تـراهــا كـمــا بـنــت الـزنــا شقلـبـيـة
يـقــع ينـبـنـي ســـد وثــيــق ابــنــاه
وحـذرك مــن حـلـف اليمـيـن المـضـره
تـــلـــزم بــحــبـــل الله ولا تــنــســـاه
تـرى الدنيـا تقطـع كــل عصـبـه قـويـه
ومـــن يـتـقـى فالله مايـخـيـب رجــــاه
ولا تكـره اللـي ينصحونـك عــن الـغـوا
تـــرى كـــل غـــاوي ينـشـبـه اغــــواه
ولاتـاخـذ الاشــوار مــن عـنــد جـاهــل
يـقــع عـاقــل تـلـقـى الـزمــان اربـــاه
وضــم الـلــوازم كـلـهـا ثـــم ضـمـهـا
بحـبـل مـــن الـعــزم الـوثـيـق اقـــواه
وصلـو عـلـى المخـتـار ماهـبـت الصـبـا
ومـاحــج مـــن فـــج بـعـيــد امــــداه

[الطائر المهاجر]

دنـيـاك هــذي كـلـهـا هَـــزِّ قـــاروق
ما تعرف الصاحب من اللي معاديك
واكثـر كـلام النـاس بالمـكـر والـبـوق
يهـرج معـك واليـا تِقَفَّيـت يرمـيـك
الـمـال دايــم صاحـبـه مرتـفـع فــوق
والقـل خايـب لــو تَرَفَّـعْـت يرْخِـيـك
عــزِّي لـمـن دَوَّرْ لـهـا عـنــد مـخـلـوق
إمــا بـخـل ولاّ مَـنَـن يــوم يعـطـيـك
أوصيـك بالطيِّـب إذا كــان لــك ذوق
إرمــــه وراك ولازمٍ إنـــــه يـلاقــيــك
يا العبـد هـوِّن كـل مطـرُود ملحُـوق
لا تِشْتَحِـن لـك رَب مـا هُــو مخلـيـك
اللي جعـل لـك رُوح جاعلـك مـرزُوق
كمـا تَكفَّـل بـك مــن الخـلـق كافـيـك
يعطي وبـاب الـرِّزق مـا هُـو بمغلـوق
واليـا طلبتـه وانـت محتـاج يعطيـك
الـرِّزق لـه حبسـه ولـه وقـت مطلُـوق
وإن مـت ظـل عنـد قـبـرك ينـاديـك
والموت جايك لو تقـع جـوف صنـدُوق
دع عنك مـا بـك مـن حـذر لا يعنيـك
لا تشتغـل بالمـال تـرى المـال ممحُـوق
مــا مـالـك إلاّ مـــا تـمــده أيـاديــك
إن كان مالـك يـا فتـى ضيـق السـوق
تـراه عنـد المـوت مــا هــو منجـيـك
الجـار والعانـي لهُـم شــرط وحـقُـوق
والضيف واجب تكرمـه يـوم يلاقيـك
وان كـان تبـي تأخـذ المـدح مطـبُـوق
خلـك مشمـر دُون ضيـفـك وعانـيـك
صُون الأمانه واظهـر الهـرج بصـدُوق
ولا تعاشـر صـاحـب الـبـوق يعـديـك
لا تصحـب الخـايـن ولا تـامـن الـنُّـوق
وان لاح بــراق الحـيـا عَــذَّرَت فـيــك
والـدرب لا تامنـه لـو كنـت مـرفُـوق
إلا بِــحــدٍّ فــــي يـمـيـنـك يـبــاريــك
أتـرك طريقـة كـل عاشِـق ومعـشُـوق
ترمي برُوحك في الشرك ثُم يرميـك
والكلب ما يتبعـك لـو تلبسـه طـوق
ولا خلاخـيـل الـذهـب مــا يـراعـيـك
وبالصبر تغلب صاحب العزم يا شوق
والعـزم طيـب مَيْـر حـزات يرمـيـك
وافـرح ليـا منـك عـن الشـر مـدروق
واحذر صديقك واحذار اللـي يُواليـك
هـذا كـلام الصـدق مـا هُـو بمسـروق
وابـيـات يــا قلـبـي بِنـاَهَـا يسَـلِّـيـك
من هاجسٍ يطمـي كمـا بحـر صافـوق
احذر على القلب الشقي يوم يِطْريِك
يـا رَبِّ تجعلنـي مـن الـنـار معـتـوق
واجعـل ختامـي طيبـاً يـوم الاقـيـك

[الطائر المهاجر]

ومن شعره الفصيح

الـمــلــك لله والـدنــيــا مـــداولـــةٌ
ومــا لـحـيٍّ عـلــى الأيـــام تخـلـيـد
والناس زرع الفنا والموت حاصدهـم
وكــــل زرع اذا مــاتــم مـحــصــود
الـنــاس ذا فـاقــد يـبـكـي أحـبـتـه
وذاك يبـكـى علـيـه وهــو مـفـقـود
وذاك أبــدت لـــه الأيـــام زينـتـهـا
وذاك ايــامـــه هــــــم وتـنـكــيــد
ان سالمت غدرت أو وههبت رجعت
ظــل يــزول ومــا تعطـيـه مــردود
والـدهـر وجــه عـبـوس فــي تقلـبـه
وللمنايـا سـهـام صيـدهـا الصـيـد
تصطـاد مـا لا تكـاد الأســد تنـظـره
وحيلـهـا لاصطـيـاد الـكـل مـمـدود
لــو يمـنـع الـمـوت سلطـانـا بـقـوتـه
لـكــان حـيــا سلـيـمـان بـــن داود

[الطائر المهاجر]

وبالفصيح ايضا

مـــا يـعـطـي الله إلا مستحـقـيـنـا=سبحانَ مـن سَبقَـتْ أحكامُـهُ فينـا
كـل الأمـور التـي تـجـري بقـدرتـه=يقضي بما شاء لا يقضـي بمـا شينـا
أخــتــار عــبــدُ الله عــــن ثــقـــةٍ=الله راضٍ وكــان الـنـاس راضـيـنـا
والملـك لا يبتغـي يـوم بـه عــوض=وإن أرادوا لـــه كـانــوا محـبـيـنـا
أقـــام أركـانــه عــــدلاً وشــيَّــده=ونـحـن فــي ظـلـه والأمــن راعيـنـا
وقــال : إنــيَ عـبـد الله محتـسـبـاً=وأبدل الناس من بعد القسـا لينـا
الأرض مهـدهـا والـجــن صـفّـدهـا=والناس جازوا فعادوا مستقيمينـا
ســارت مخافـتـه فــي كــل جـارحـة=كالروح في سائـر الأعضـاء تماشينـا
سمـحٌ حليـمٌ جـريءٌ واهــبٌ أســدٌ=يُغني الفقيـر ويرعـى المستجيرينـا
الـعـدل سنـتـه والـحـلـمُ عـادتــهُ=يعـف عـن مالـنـا فـضـلاً ويعطيـنـا
يُعطي الجيـاد ويُعطـي كـل سابغـةٍ=جـزل الهبـات إذا مـاجـاد يُغنيـنـا
ومــا قصـدنـاه فــي أمــرٍ نـؤمـلـه=إلا وأعـطـى ضعـافـاً عــن أمانيـنـا
يلقاك بالبشر والترحيب مبتسمـا=تـكـادُ أخـلاقـه الحسـنـى تناجـيـنـا
فهيبـةٌ عـن طريـق الجـور تنهرنـا=وطـيـب أخـلاقـه للخـيـر تهـديـنـا
إنْ جال بالخيل خلت الموت يقدمُـهُ=والبيضُ تضحـك والأرمـاح تبكينـا
لو بارزته صروف الدهر لانهزمـت=هزم الكليم ابن عمران الفراعينـا
ولـو عزمـنـا عـلـى أمــرٍ بهمـتـه=وكان صعبـا مشـى طوعـاً بأيدينـا
أو سابقـتْ همـم الأقــران همّـتـه=يوما ورامـت إلـى العليـا ميادينـا
لخلتها في مجال السبق قـد سبقـتْ=سبـق الجيـاد المغيـرات البراذيـنـا
كـأن معْـه عـصـا مـوسـى يقلبـهـا=فيمـا يـشـاء وقــد زادت براهيـنـا
لولاه ضاقت علينا الأرض وانقلبت=وبُـدِّلـت إنسُـهـا جـنـاً شياطـيـنـا
سمـوا إلـى بابـه السّـادات خاضعـة=كمـا إلـى طوعنـا تسعـى مواليـنـا
كــل الـمـلـوك تـراعـيـه وتـخـدمـه=كمـا بعيـن الرِّضـا مـنـه يراعيـنـا
خوفـاً رجـاءً ويعطـون الـخـراج لــه=ولــو أراد سـعـوا سـعْـي الملبِّيـنـا
ونـظّـم المـلـك تنظيـمـاً ينـاسـبـه=وزاده فـعـلـه الإحـســان تحسـيـنـا
سواه في الناس من عربٍ ومن عجمٍ=مـمـن رأيـنـا أو الأخـبــار تأتـيـنـا