عطوني شخص يقراني وانا اعطيكم قصايد حلم؟؟

عطوني شخص يقراني وانا اعطيكم قصايد حلم =
انا ماقلت ف المغنى ولا الادنى ولا فالهم =
انا مابي حدود المعرفه والاسهل المبهم =
اعادي كل شي عادي واواصل ما عصى عالفم=
يمين الله لو يبكي خضوعي وارجع والتم =
سلامٍ للجوارح كان عهدي ماشكاه الدم=
انا لا من بغيت احتجت للي يدعم وينضم=
ولكن كلما قالت بنيّه كل شي انصم =
ياشعري كان ماتلقى قديرٍ قدّر ولا ذم=
وعطوني عقل يفهمني وقلبٍ واثق ومهتم =
شعر ==اختكم ف الله \نور عبد الله الوليدي \

[مريح الفرحان]

الشاعره نور الوليدي

صح لسانك على هذه المقطوعه الجميله

ولكِ تحياتي واحترامي

مريح الفرحان

[مبارك أبوظهير]

كفو كفو كفو



نور



نوّر الله دروبك ..



ألف صح قلبك وفكرك .. قصيده باسقه شامخه .. اقل مايقال عنها رااااااااااااااااائعه .



تحياتي وإعجابي ..



مبارك .،،،،،،،،،،،،،،،،،ن

[الريم]

برهنت وجداني بلا غـدر وبـلا تغشيـش

انا مابي حـدود المعرفـه والاسهـل المبهـم
انا ابي شي يشرحني وينفـش داخلـي تنفيـش

اعادي كل شي عادي واواصل ما عصى عالفم



الشاعره نور

قصيدة قمه في الجمال والروعه

اعجبتني كثيرااُ

صح لسااانك وسلمت يمينك عزيزتي

[نسناس الهوى]

وعطوني عقل يفهمني وقلـبٍ واثـق ومهتـم
واصير المذهله وازرع جلودٍ ماتعرف الريـش

ونعم والله (: .. اسعد الله مساك شاعرتنا نور ،، نص رائع وقصيده جزله
صح لسانك وسلم قلبك ومنطوقك
تقبلي اعجابي برائعتك ،، نسناس الهوى

كـفــوووووو





غـالـيـتي ..

نـــور ..


كـتـبـتِ ..


فـ .. أبـدعــتِ ...


صـ لسـانـكـ ـح ..


مــدد .. بـ .. لا .. عــدد ..


دمــتِ .. كمـا .. أنــتِ ..


بـ انتظـار .. الـ مـزيـد ..


يا .. رائـعــة ..

..

[الخنساء]

رااائعة غاليتي نور صح لسانك وقلمك
قصيدة جزلة المعاني
لك تحياتي

[الطائر المهاجر]

صح لسانك وبيض الله وجهك شاعرتنا القديرة
هذي طالعة من قلب ، للرد على من يعمم بانتقاده الشعر النسائي

انا مابي حـدود المعرفـه والاسهـل المبهـم
انا ابي شي يشرحني وينفـش داخلـي تنفيـش

خذي راحتك يابنت الحجاز احكي ترى نفهم= وقولي ما تبينه ناقف بصفك وقوف الجيش
نبي الإبداع يتجلّى مثل بدرٍ غطى الأنجم= يؤكد قوة المرأه بشعر ما عرف للطيش
ويدحض قولة اللي قال من كافر ومن مسلم= ترى للشعر اشنابه ولا هو للمره تلطيش
تعيدي سيرة الماضي بخنساء لو بكت من دم = نردد شعرها بالفخر ماقلنا عليها ليش

اعجابي وتقديري
مع أطيب تحياتي

[ابو أنس]

الا يانور نورتي بقولك ساحة المعلم=نثرتي الدر والجوهر معاني ما بها تشويش
رسمتي بالقلم حرف(ن) يصوغه فكرك الملهم=مطرز بالذهب يدحض دعاوي الفرز والتطنيش

الفاضله نور............
هطول عذب محكم متناسق يحمل الكلمة ليطير بها الى دكة الإبداع والجمال
جميلة قوين من بدايتها وحتى آخر كلمة منها
سعدنا بها وبك أينها الشاعرة القديره
لك منا التحية والشكر

[ابو زياد]

الشاعره نور
صح لسانك على هذه المعاني القوية
والقصيدة المثيرة
رد مقنع من شاعرة متمكنة