لاجتك غلطه من عزيزٍ تودّه

[الطائر المهاجر]

لاجتك غلطه من عزيزٍ تودّه = وانته تعرفه من قبل باتزانه
فحاول تفهّم حالته وقت شدّه= يمكن تغيّر وانت تجهل بشانه
ويمكن بلحظات الغضب جاك مَدّه= وشملك مع غيرك بزلة لسانه
فدور عن الأسباب حوله وحدّه= يمكن يعاني ضغط هزّ لكيانه
انصحه يتعالج فضغطه يهده= ويجعله ما يدرك لهرج الرعانه
واطلبه يتعذّر ولو بعد مُدّه = فالعذر من طبع العقول التكانه
وان كان كابر فاهمله لاتعدّه = مثل الصفر يسراك ماله مكانه
ماني من اللي لا انصفق دار خده= وماني من اللي يرتضي للمهانه
حرٍّ ولد حرٍّ بجهره وسده = الحق سيفه والعداله حصانه
ومن لاحكم نفسه بهزله وجده = يدفع ثمن غلطته بآخر زمانه

[منيع]

واطلبـه يتـعـذّر ولــو بـعـد مُــدّه
فالعذر مـن طبـع العقـول التكانـه

والعذر عند كرام الناس مقبول

ابدعت وامتعت ولاغبار على كلامك
شكرا لك
تحياتي

[عبدالله الشويمان]

صح السانك يابوعبدالله واعتلا شانك ..من مزعلك يا عين امك..

قصيده جزله مبنى ومعنى وحكمه..

دمت بخير ولاهنت..

[هترل]

ياسلاااام
صح لسانك يابو عبدالله من الالف الى الياء
جزل ومبدع لاهنت


تحياتي وتقديري

[الطامي]

الطائر
صح السانك ملايين
كلام جميل
والعذر للطيب طريق للأخوه
لاهنت

[رووبين]

صَحِ لسٌانكَكِ

آبيٌآآتِ رِآآئعِةُ

يعِطْيكَكِ آلعآآفيِةٌ

[كظيم]

انا اشهـــد يادكتــور إنك جبتهــا
قصيده في معانيها ومضموتهـا تكتب على جدار الوقت
ابدعت في هذه لفارهه لله درك
صح لسانك وفكرك وقلبك وكلك
تقبلني وتقبل اعجابي ومروري المتواضع لاهنت
كل ودي وتقديري لشخصكم الكريم

[ساهر الليل]

صح لسانك ياعود

وسلامة قلبك من الزعل

قصيده رائعه ومعاني جميله

يدوم ابداعك , والزعل مرفوض

تقبل تحياتي وتقديري

[سعود بن سنيد]

حــرٍّ ولــد حـــرٍّ بـجـهـره وســـده
الحـق سيـفـه والعـدالـه حصـانـه

ومن لاحكـم نفسـه بهزلـه وجـده
يدفـع ثمـن غلطتـه بـآخـر زمـانـه


الله الله


ياســـــــــــــــــــــــــــ لام



عليك يابو عبدالله

صح لساااااااااانك



على الجزاله وقوة المعنى



من هنا تقبل ازكا التحايا لاهنت

[داعي الشوق]

صدقت يا بو عبدالله ،، فهم الاسباب يذيب العتاب ..

قصيده حكيمه من حكيم

صح لسانك و اعتلا شانك

وطاب حالك

ولاهنت