الياسمين وين

[مجدي صالح المبارك]

اهدي هذه القصيدة لروح المرحومة ياسمين أحمد المبارك ( بنت العم ). :كتبت هذه القصيدة عام 1422هـ (على لسان حال العم الغالي أحمد المبارك ) عندما توفيت ابنته( ياسمين ) على اثر حادث تعرض له في طريق رجعته من الرياض بعد تسجيلها في كلية الطب وكانت معه ام المرحومه (بنت مضحي )

اختفى صوت الفرح والبسمة ماتت=والحزن كفن بثوبه ياسمين
راح ذاك الحلم ياعمري وراحت=أغلى زهرة زينت صدر السنين
كم نسجنا في الخيال آمال وذابت=في طريق خريص ذبلت وجنتين
ياآلهي كيف ذيك البنت نامت=واغمضت جفنٍ من الدهنا دفين
كيف قلبي والعقيلة كيف كانت=بنت مضحي تسأل اليسمين وين
وين عينٍ من وسعها الريم غارت=ماوجدت عيني بها شيٍ يشين
شمعة الدار وضياها لين سارت=يرسم البهجة على الشاطي الحزين
وفي عجاج الوقت صار النور خافت=وارتطم قلبي على صخور الأنين
كني طيرٍ منكسر شمسه توارت=مايميز هو يسار او هو يمين
بالحناجرصرخةٍ تنحب وصامت=وبالمحاجر جمرةٍ تلهب العين
ياحقيقة من ألمها الآه صاحت=وعصفت بي بين كثبان الحنين
ياألم في مهجتي من يوم راحت=مثل خنجر في وسط قلبي كمين
لو تعذبني على المكتوب بايت=لااعتراض وبس اقول الله يعين
طاوي جناحي على جراحي وثابت=سائلٍ غفران رب العالمين

الفاتحة على روح المرحومة وعلى أرواح المؤمنين والمؤمنات أجمعين .

[الـزلـزال]

مجدي المبارك


رثاء رائع من شاعر رائع


أبدعت في رثائك غالينا


نسئل الله أن يرحم ياسمين

ويرحم جميع أموات المسلمين

صح لسانك ملايين ملايين

ولك تحياتي

[زهرة اللوتس]

الشاعر // مجدي مبارك
سلمت وسلم فكرك
صح لسانك ولاهان راسك
جزلة من شاعر جزل
تحياتي
وتقديري

[الطائر المهاجر]

صح لسانك واعتلى شأنك
نص رائع من شاعر رائع
لاهنت
تحيتي واحترامي

[منيع]

رحم الله الفقيدة واسكنها الفسيح من جنته

[الطامي]

مجدي ال مبارك
صح السانك اخي
ورحم الله من مات وغفر له
والله يعين الحي على دنياه
شكرا لك

[داعي الشوق]

الله يرحمها ان شاء الله

و يرحم أموات المسلمين أجمعين

،،،،،،،،،،،،

صح لسانك أخوي

قصيدة جميلة و المعاني حزينة

الله يصبّرك و يعينك ،

تحيتي لك

،،،،،،،،،،،،

[الأموره]

المبآرك ..~

كلمـآت جميله ..~

رغم الحزن الذي يسكنها ..~

صح لسـآنك ملايين ..~

سلمت و سلم فكرك ..~

الف شكر لك ..~

دمت برعاية الخالق ..~

[ام العمده]

مجدي

رحم الله الفقيده واسكنها فسيح جناته

صح لسانك واعتلا شانك

لاهنت على هذه الرائعه

كتبت فأبدعت وللقارئ امتعت

تحياتي وتقديري

[حوريه]

رثاء رائع من شاعر رائع

الله يرحم ياسمين

ويرحم جميع أموات المسلمين

صح لسانك ولا هنتـــ......