قصيدة مختـــــــاره للشاعر ابن جـــدلان

[داعي الشوق]

ون ابن جـدلان مـن لايـع لاعـه = كن فـي كبـدي دوافيـر صناعـي
العب المنكـوس واحـب روباعـه = مملٍ في الوقـت والوقـت خداعـي
مادريت ان ضحكة الوقـت خداعـه = شفت مدخالي ولا شفـت مطلاعـي
لابغيت اسـج والا انبسـط ساعـه = دق قلبي من وراء حدب الاضلاعـي
كن من بين الضلـوع الـه طباعـه = تشتغـل لانمـت واقـوم مرتاعـي
هـم قلبـي مـا يفـرق تجماعـه = غير جر الصوت والنـاس هجاعـي
فاقد لـي سلعـه واكبـر ابضاعـه = سلعة تشـراء ولا هيـب تنباعـي
رفقة الطيـب ليـا غيـر اطباعـه = اشهد انها كيـة توجـع اوجاعـي
راكب الي صممه صاحب اصناعـه =جمس بيك اب من حديثات الانواعي
الغريب الـي جديـد مـن انواعـه = حوض رفرف مايبي شد وشراعـي
لا انس البنزيـن عجـل تفرقاعـه = مخطر من سرعتـه يقلـع اقلاعـي
لا تحرك شفت في القـاع مشلاعـه = والتواير تظهر الماء مـن القاعـي
ينعش القلـب الحزيـن ابتهملاعـه = لا مشـا قـام يتهملـع تهملاعـي
لاوطى الارض ألعتش كن تهزاعـه = بنت شيخ طامح مـن ولـد راعـي
في رجاء الغايب تحـرا لمرجاعـه = تنقد العشـاق وتطـق الاصباعـي
نفسها من جمله النـاس منصاعـه = ماتبـي الا واحـد ذكـره ايشاعـي
ينحر اللي يأخـذ الطيـب بذراعـه = الصديق الصافي الصامـل الواعـي
الوفاء والطيـب ساسـه ومنباعـه = يوم بعض الطيب تقليـد وصناعـي
لا وصلتوا فأخبروني عن اوضاعـه = واخبروا راعي السمارا عن اوضاعي
انشدو ويـش السبايـب بمهزاعـه =لا علي ناقـص ولا ابيـه فزاعـي
ودنـا نرضيـه ونحـاول اقناعـه =كان بن مهمل بعد يسمـع الداعـي
كـان يبغـا حـق للحـق قطاعـه =نقنعـه والحـق ماعنـه مجزاعـي
وكان مبغض في الرياجيـل بتاعـه = لا يجـي ناقـد ويلحقنـي ارياعـي
للصديق نخلـي النفـس خضاعـه = مـا نوريـه الجفـا والتمطـاعـي
الصداقـه عندنـا ذخـر وطماعـه =صحبة ماهيـب صحبـة تمتاعـي
حد جدتهـا علـى البـرق لماعـه =وان خذت يومين مفعولها ضاعـي
فإن تليمنـا علـى العـز والطاعـه =وان تفرقنـا فجـوج الله أوساعـي
ما أطرد المقفي ليا صفط أشراعـه =مخبـل اللـي للمقفيـن تبـاعـي
من يحط اذنه علـى كـل سماعـه =جـاه فرقـا مـا عدهـا تجماعـي
والزباد اختـام هرجـي ومطلاعـه =يدفعه من ريحـة المسـك ذعذاعـي

[الطامي]

ون ابن جـدلان مـن لايـع لاعـه
كن فـي كبـدي دوافيـر صناعـي
العب المنكـوس واحـب روباعـه
مملٍ في الوقـت والوقـت خداعـي
مادريت ان ضحكة الوقـت خداعـه
شفت مدخالي ولا شفـت مطلاعـي
:::::::::::::::::::::::::::::
داعي
صح السان الشاعر
ولاهان من نقلها
اييييييه ياداعي كم مرة جريتها انا منكوووووووس وغيره
شكرا لك

[نفحات حساسة]

يعطيك العافيه..وسلمت على اختيارك

وصح السااان الشاااعر..

[منيع]

رائعه جدا
شكرا لكم
تحياتي

[عبير الورد]

الله الله
صح لساااان شاعرها
وتسلم اياديك وذائقتك الراقيه على النقل المميز

يعطيك العافية

[الخنساء]

صح لسان الشاعر

ولاهنت شاعرنا لنقلك الرااااااااائع

[همس الورد]

نقل رائع و مميز

صج لساااان الشاعر

تحيتي

[البديعي]

بارك الله فيك
على ما تقوم به
احترامي

[المؤذن]

لك الشكر
على ما فاض به قلمك
تحياتي

[عبدالعزيز العمار]

صح لسن ابن جدلان شاعر محنك وكبير

وسلمت ولاهنت ياسعووود على النقل الرائع

تحياتي وتقديري