المها بان جوره يوم راح الشباب

[فواز الغسلان]

هذا لون من النظم على ( القوافي الاربع ) الا اني لم ارى
من نظم على هذه الطريقه قبلي على هذا النحو بالذات ولذلك
لا ادري ماذا اسميه؟ ربما لون الفطاحله

الـمــهـا بان جـوره يـوم راح الـشـباب=والـهـوى راح دوره يـوم لاح المشيـب
كم شجاعٍ حـضـوره بالعرب له حساب=ثــم تـلــقـــاه صــوره مثل لون العسيب
وربـعـنـا زاد زوره فـوق حــد النـصاب=والـرجـال الـغـيــوره تـنـشـده ماتجـيـب
ليش دارت ظهوره عن غميق الصواب=عقب صيحة نجوره مع صلاة الخـطيب
وكان جاعـت صقوره واسـتـعـز الغراب=فالعرب في دبـوره وان رمـت ماتصيب
الـشـجــر مـن بــذوره يـاعـزيــز الجـناب=والولد نـصـف نـوره من عروق النسيب
ومن همومه عـطـوره عـنـد نـغـمـة رباب=قاصـراتٍ سـيــوره عـن ورود الـقـلـيـب
ومن يزخرف قـصـوره مرجـعـه للذهاب=راح يـسـكـن قـبـوره بالـفـيــافـي غـريــب
ومن تـزايـد غـروره فـي بـلاد الـضـبـاب=راح يشكي كسوره نصف ساقه عطيب
ومن تـغـره زهـوره مع جـمـيـل الـنـقاب=راح يـلـقـى دهـوره والـزمـان العـصيـب
والـعـنـود الـذيـوره لـلـضـمــايــر عـذاب=تجدعك في عـثـوره لـو حصانك عريب
لو تـمـايـل خـصـوره بالـذهب والثياب=او بـدافــع ســروره نـادتـك يـالحـبـيـب
لو تـداري شـعــوره بالـزعــل والعـتـاب=راح تـنـشـف نـهـوره والـقـوايـل لـهـيب
ثــم تـكــفـخ طـيـوره مع نهيض السحاب=وتمـنـعـك لا تـزوره من ردات الـنصيب
ثـم تـصبح ظـفــوره مـثـل طعن الحراب=ومن وقـع في شـروره لا يـراجـي طبيب
والـوعـايـد سـطـوره راح تصـبــح سراب=وتجـدعـك في عسوره ماتهـاب الـرقـيـب
وكان طاوعت شوره فالـنـتـيـجــه خـراب=او تـعـديـت سـوره قـالت الـناس عيب
والـقـوافــي بـحـوره بـالـحـشـى لـه كتاب=وقدت بالـقاف ثوره فـي طـريقٍ صعيب
تـقـل تـقـدح قـموره بـالضـمـايـر شـهــاب=ما شكى من فـتـوره لو بـحرهـا عـجـيب
شـامـخٍ فـوق قـوره مـثـل ذيـب الذياب=والصـعـايب عـبـوره بالـقــوافـي يـطـيـب
القوافي شطوره للضماير شراب=والمثايل بدوره بالحشى ماتغيب

[مبروك بن ماضي]

تبدع في كل البحور والأوزان
هكذا عهدنا بك أيها الراوي بن غسلان
صح لسانك ممد بلا عدد
تقبل تحياتي الطيبة واحترامي ،

[سعيد الصاعدي]

الاخ الفاضل / فوازالغسلان
صح لسانك لاهنت
نص شعري رائع
من شاعر رائع
تميز ابداع لايجيده الا انت
تسلم ويسلم فكرك يالغالي
تحياتي
أخــــوك
س / ص

[منصور العبدالله]

صح لساااااااااااااااااانك

يالذيب

دائما جزل

متجدد

مبدع

يابن غسلان

[زهرة اللوتس]

فواز الغسلان
سلمت وصح لسانك
جزلة من شاعر جزل
لاهنت وبيض الله وجهك
تحية طيبة

زهرة

[منيع]

من الجميل البديع
والروح الطيبة تبدع بالجمال دائماً
شكرا لك ولنبضك الفياض
تحياتي وتقديري

[عدنان كريزم]

صح لسانك ولا هنت

[الطائر المهاجر]

امتعتنا بهذه الرائعه
صح لسانك وفكرك
ولاهنت بالراوي
تحياتي وتقديري

[احمد الكثيري]

فواز الغسلان
كلمات رائعه وتنسيف بين الجمل ولا اروع
لك مني كل التقدير

[حي الضمير]

صح لسانك وعلا شانك
قصيده رائعه وابدعت يامميز
أجزل التحايا والاحترام