ماباتزوج على المسيار لو هو مباح

[نجم الإبداع]

قالو تزوج على المسيار كانك تبيه=واخف الخبر عن عيالك واخف عقد النكاح
قلت الزواج اعرفه في الشرع واضح نزيه=لويش اخفّي زواجي دامت انه مباح
قالو عشان المشاكل وافتهم يانبيه= وش لك بدرب القراده كل ليله صياح
قلت المهر قالو الي اليوم تقدر عليه=جب عشره الاف واذبح شاه يوم المراح
قلت الزفاف اش علامه قالو انت الوجيه=ماهوب رسمي ومابه زفتن وانشراح
قلت المعازيم قالو كل من ننتحيه= واما انت سرك فلا تفشيه يوم المطاح
قلت القوامه وشرع الله كمايه يعيه=قالو لك اوقات واما اوقات مالك صلاح
الحرمه بين اهلها تخرج وتدخل بتيه=والوقت هي من يحدد شوفتك والسماح
وقالو المره بِيّدْها العصمه وماتكتليه=وانته متى طاب خاطرها تجي كالرياح
قلت اعرف المسلمين ودربكم مانبيه=دام اني امشي على كيف المره لامزاح
النكح من زيجة الشيطان قلبي سليه=ماباتزوج على المسيار لو هو مباح

[منيع]

تعدد ت الزيجات والمسميات يافلاح
تسلم على ابياتك ووجهة نظرك تخصك لوحدك
تحياتي لكم

[حرف وشعر]

بن منشااااار وش جاك عالمسيار بهذلته ههههههه

وانا كنت ناوي اسير والحين اشوفني هونت هههه

نص جميل


تقبل المرور يابومحمد

[صعبة المنال]

هههههههههههههه اهم شئ العصمة
صح لسانك وحرفك

صعوووب

[الحربي عبدالله]

قلت اعرف المسلميـن ودربكـم مانبيـه
دام اني امشي على كيف المـره لامـزاح

النكح من زيجة الشيطـان قلبـي سليـه
ماباتزوج على المسيار لـو هـو مبـاح
الشاعر / فلاح بن منشار
صح الله لسانك ويسلم راسك

مصافحه الرائعه ومن شاعر رائع

تحياتي لك ..

[الطائر المهاجر]

صح لسانك واعتلى شأنك
نص رائع من شاعر رائع
لاهنت
دمت بود

حامض يا عنب

[داعي الشوق]

صح لسااااااااانك مليوووون يا بو محمد

تطرقت لموضوع مهم و دارج بفكرة جدا رائعة يا نجم

صح لسااااانك مدد

ولاهنت يالشاعر

[نجم الإبداع]

المشاركة الأصلية كتبت بواسطة منيع

تعدد ت الزيجات والمسميات يافلاح
تسلم على ابياتك ووجهة نظرك تخصك لوحدك
تحياتي لكم

ارحب يامنيع

صح بدنك وشكرا لطيب مرورك

وفعلا هذه وجهة نظر تخصني

لاعدمتك

[نجم الإبداع]

المشاركة الأصلية كتبت بواسطة حرف وشعر

بن منشااااار وش جاك عالمسيار بهذلته ههههههه

وانا كنت ناوي اسير والحين اشوفني هونت هههه

نص جميل


تقبل المرور يابومحمد

هههههههههههههههه

ارحب يامحمد

صح بدنك وجزيل الشكر لطيب مرورك

لاعدمتك

[نجم الإبداع]

المشاركة الأصلية كتبت بواسطة صعبة المنال

هههههههههههههه اهم شئ العصمة
صح لسانك وحرفك

صعوووب

ايه ياصعبه العصمه مادراك كما العصمه


شكرا لطيب مرورك

لاعدمتك