النميمــــــــــه

[سعيد عوده الحويطي]

يانفس شومـي عـن هـل الغي و النـم=اللـي مجالسهـم نفـاق ونميمـه
اللي على اعراض المخاليق تلتـم=لمـة نسـورٍ جمعتهـم وليـمـه
ناسٍ دعاها ابليس وقالوا معه سـم=هم وافقوا وابليس شيـخ العزيمـه
وزع عليهم مـن صفاتـه وقسّـم=وكلٍ عطاله مـن صفاتـه قسيمـه
واحدهم ان شافك بوجهـك تبسـم=وان غبت عنه شد فيك الصريمـه
حاسد ابووجهيـن والقلـب مظلـم=ونار الحسد في وسط قلبه ضريمه
والى سمع لـه سالفـه لمهـا لـم=يركض بها كنه غنـم لـه غنيمـه
يخوض في اعراض الخلايق ويشتم=ولاهو مفرق بين مـدح وشتيمـه
والاهبيـلٍ مايهـوجـس ويهـتـم=عايش حياته مثل عيـش البهيمـه
خبلٍ ولاجاب لخبـر عمهـا عـم=واكثر علومه من مصادر حريمـه
لاخايف مـن الله ولاهـو محشـم=ولاتلقى له بين الخلايـق حشيمـه
والاكـذوبٍ فـي المجالـس تكلـم=وهلّ السوالف من جديـد وقديمـه
خبير في سـرد السوالـف معلـم=وتحتار في كذبـه عقـولٍ فهيمـه
ماكنـه الا للسـوالـف مصـمـم=وهرج القفى له عادةٍ في صميمـه
ناسٍ تعيش بجـو خافـي ومظلـم=ولالهـم بالنـاس قـدرٍ وقيـمـه
الله فـي محكـم كتابـه لـهـم ذم=اسوا مثل يضـرب لعـاده ذميمـه
اكلك لحـم اخـوك ميـت بـلادم=شـيٍ تهابـه كـل نفـسٍ سليمـه
شيٍ عظيـم وفـي كتابـه محـرّم=غيبـة عبـاد الله زور وظليـمـه

[فهد حنس العتيبي]

قصيده راقت لي
واتشرف ان اكون اول المبادرين بالرد عليها ياسعيد

وبيض الله وجهك وحالك
على هذا اللذع الاجتماعي وفي الصميم

[مسلم عواد العميري]

من يعرفك عن كثب لايستغرب هذا الابداع
قصيده تحاكي مشكله اجتماعية مستعصيه
عند بعض البشر نسأل الله السلامه.
اكلك لحـم اخـوك ميـت بـلادم
شـيٍ تهابـه كـل نفـسٍ سليمـه
شيٍ عظيـم وفـي كتابـه محـرّم
غيبـة عبـاد الله زور وظليـمـه

لله درك ابو توفيق واثابك الله على تلك الباسقه.

[زهرة اللوتس]

الشاعر سعيد عوده الحويطي
سلمت وسلم فكرك
جزلة من شاعر جزل
لاهنت وبيض الله وجهك
تحياتي
وتقديري

[الـزلـزال]

سعيد الحويطي


قصيده رائعه ومميزه


من شاعر مميز ورائع


صح لسانك ملايين ملايين


ولك فائق تحياتي

[سناعيس]

الفاضل سعيد الحويطي
صح لسانك وبيض الله وجهك
قصيدة اجتماعيه رائعه
لاهنت


تحياتي

[محمد عبدالله البدراني]

الفاضل/ سعيد عوده الحويطي سلمه الله



الف مليون صح السانك


قلت واجزلت


بيض الله وجهك

ولله دررررك ياسعيد



تحيتي وتقديري

[حمود السكراني]

سعيد الحويطي صح لساااااااانك

قصيدة رائعة لاعدمتك تجلت بها

الحكمة والمعرفة سلمت وصح نبضك

[منيع]

ابيات رائعة ومعبرة
تخاطب فئة من الجمتمع ممن يقتاتون على لحم الناس والعياذ باالله ونسئل من الله لهم الهداية
شكرا لك
تحياتي

[عايض ابوشيبه]

سعيد صح لسانك

قصيده جميله

وموضوع اجمل