عايش بن مرزوق الجويسري

[الطائر المهاجر]

هو الشيخ الجليل والشاعر الكبير عايش الجويسري رحمة الله عليه من فخذ الجواسره من مظلوم من غياض من قبيلة العوازم احد ابرز شعراء العوازم المعاصرين ولد في الكويت سنة 1916وكانت وفاته في عام 1999

قال عندما تحرر الكويت

دارنا جار غزاها وجار فكها =نحمد الله خاين الدار خيبنا رجاه
فكها جار جميع الذخاير دكها =هو سندنا جعل يفداه خوان قصراه

وله ايضا هذه الابيات من قصيده يستبشر فيها قرب موسم الصيد والشتاء

يابو سعد بين توال النجومي = اسهيل بان الصبح مع شقه النور
هب البراد وراح وقت السمومي = وهذي لياليهن على وقت باكور

وهذه مطلع قصيده قالها الشاعر شارحنا حبه للطير والقنص

اليوم سوينا بيوت طرآ لي =ابيات فيهن لهل الطير ملحوظ
شفت الحوايم في السما واولمن لي = والله جعل حب اشقر الريش مفروط

وقال وهو يحن للماضي

يابو سعد نفسي تحب الفياحي = اخير من قصر براده بتكييف
يادجت بالي والضمير استراحي =اخص به ياصرت ماني على السيف

ومنها

سنين فيهن للفؤاد انشراحي = صيد وشباب وكل شي على الكيف
واليوم كل الي ذكرناه ماحي =وين الشجر والصيد والكيف والريف

وله : الله من نفس

[الطائر المهاجر]

يامل قلب ضاق من غب الأفراق=يقنب كما يقنب فريد الذيابه
اليوم من غب التفاريق ياواق=ليا طرى له جاب من كل جابه
والله مالوم القلب لو عقبهم ضاق=لو كان خلي مغلق(ن)قفل بابه
وجدي عليها وجد من طاح منعاق=بالتهلكة خلي عطيب(ن) صوابه
في ماقع(ن) فيه الضما يحرق أحراق=في حل قيض وفي مضامي اللهابه
والوجد الأخر وجد عود(ن) له نياق=ماش(ن) لهن درب الصخى واللبابه
جوهن صلاة الصبح ركب على ساق=بأرض(ن) خلا ثم أوسقوهن كسابه
قام يتقلب ينثر الدمع غراق=ماله جدى الإ بس يشعط ثيابه
يبكي عليهن من حلا الدر كد ذاق=ليا ذكر منهن حلاوي شرابه
والوجد الأخر وجد من زرعه له أوراق=جاه البرد من غر مزن(ن) نشابه
حش البرد ماكان غص(ن) له أرناق=من عقب ماثمر وقرب حسابه
وراعيه يوم أصبح من الهم مالاق=.عنده غويش(ن) صايرين(ن) عذابه
وأمسى لمدات الأجاويد مفتاق=وليا عطوه الناس شئ(ن) رضى به
لو كان منه القلب شاكي ولا ذاق=.هرجه لسان وكل حالي عذابه
كان إن مركوز النهد للعهد باق=.كثر التوجد صار مافيه ثابه

[الطائر المهاجر]

راكب اللي جيب تهريب من طرز جديد=وردوه بيوك ماطب مثله بالكراج
كامل للشارات والجنس كل(ن)له يريد=غيدوا في نمرته مايبيع في الحراج
هربه في مركبه من تعلم للجحيد=طوفه في ليل لاتريك ولا سراج
منوة السايق اليا ريح الثاني يزيد.=ماينوش القاع ويله مع الخد الزراج
أستخف وخف من زين قوات الحديد=يسبق اللي خفخفنه معاصير العجاج
راكبه مني بالإكرام والعلم الوكيد=صوب ((إبن مجلاد))هو صاحبي رجل هجاج
من سلام إكرام لـ((عويد))العقل السديد=قل رفيجك مادله من هواجيس الخلاج
في رجا الله ويترجاك صبره مايفيد=غلقت منه الهواجيس مافاد العلاج
ياشبيه سهيل صاحب جاشه من هميد=من سبايب واحد لاذبيل ولا زواج
غير ذلك صار عن مسكني خده بعيد=صك بابه بالتوافيق عسر ولوح ساج

[الطائر المهاجر]

هذه القصيدة ارسلها عايش الجويسري إلي الشاعر شبيب بن جعيلان الدغباسي الرشيدي::

يا((علي)) وصل لي سلامي لملفاه=سلام(ن) أحلى من حلاة الطريفه
سلام من قلب(ن) سليم(ن) بمعناه=سلام نفس(ن) يم نفس(ن)شريفه
ألذ وأحلى من غدير(ن)بمضماه=وألذ من در البكار بعطيفه
ينصا الرفيج اللي على العسر يلقاه=أبو هلا يوم الوظايف ضعيفه
أهو((شبيب))اللي عسا النذل يفداه=إله السلام مع المعزة نظيفه
سلم عليه عداد مزن(ن)نثر ماه=وقل له يجي للدار ((يترك مصيفه))
القيض راح وبرد الوقت بتلاه=عقب الرطوبه هب شمل(ن) خفيفه
أتلى نجوم القيض بين وشفناه=إلا سهيل النور ماأطلع رديفه
هذا كلامي يا((علي))وده إياه=الزود إله والفرق معه النصيفه

رد الشاعر/شبيب بن جعيلان الدغباسي على الشاعر/عايش الجويسري::

يامرحبا باللي أكتابه قريناه=عد الجراد اللي أنتهض في رفيفه
ترحيب(ن) أحلى من العسل يوم ذقناه=صفي وقلط بالصحون النظيفه
أحلى على اللي غط من عقب مسراه=ماشدته عنى وعنك الوظيفه
بالصاحب اللي تبذل الطيب يمناه=عز الرفيج وعز جاره وضيفه
راع الصخا مهو شحيح(ن)بدنياه=ريف الهشالا بالسنين الكسيفه
يابو((علي))ليته صمل في مخاواه=ماشدت عني وعنك الوظيفه
شفت الكتاب وكن عيني تحلاه.=وهلت إعيوني بالدموع الذريفه
يوم أنتبهت وشفت ماني بوياه=وبيني وبينه أدروب(ن)كليفه
أنا بوسط((الشام))وأسكن قراياه=وهو مداهيله ((جنوبي منيفه))
با((لسالميه))مسكنه لاعدمناه=يسكن بها دايم خريفه وصيفه
يسكن بهالديره مقيضه ومشتاه=يم البحر بيته على جال سيفه
نجد((الكويت))اللي عسا الوسم ياطاه.=ويل(ن) على صيف(ن) تتابع خريفه
تمشي أبحاره والشعيب بشقاياه=وأم العماره))تمتلي والرديفه
من شان راع البر يطرب لمنداه=يشد من عده وينزل بكيفه
نصف الشهر لطاف تشبع رعاياه=يشبع حلاله ماتعب بتعليفه
الرجل لونه راح يرجع لمرباه=أيام وإلا الخد هذا نعيفه
أيام لينه يبرد الوقت وأنصاه=يقفي سموم(ن) يحرق الوجه هيفه
لو كان مسكان العرب ماشكيناه=مير الوطن غالي ولامن وصيفه
يابو((سعود))اللي بغيته بغيناه=هذا طرب قلبي وعيده وريفه
ليا ذكر صيدن بعيد(ن) ((نحرناه)).=لو كان في خد((الحجر والحتيفه))
من فوق((هافن))يقطع الدرب ممشاه=منوة وليف(ن) مبطين عن وليفه
ماأذكر تعطل يوم ولا ((قلصناه=وجهن مبارك والسعد له حليفه))

[الطائر المهاجر]

رب الفلك والسموات

يالله يلي تخرج الروح من روح=يارب خلقه والفلك والسموات ...
يا باسط قاع به الرزق مفتوح =الماء وخيرات لخلقك كثيرات...
يا حافظ المايات بالثبر وطفوح=بمرك لهن حد الياجن عجلات ...
بمرك جري الطوفان واخبرت به نوح=سوي السفينه برادتك قبل الاموات...
وكل زوجين خذاهم علي اللوح=امرك خذا كل ما قلت واللي عصي مات...
ارجيك تحفظ من لنا فيه مصلوح=من كل مكروه وكل صدمات..
هي الكويت مساعدة كل مفلوح=اليا طلبها العون تعطيه بسكات...
لاتنهر السائل ولا تقصر الشوح=تقديمها بالمرجله والمروات...
بقيادة اللي يفعل الخير بوضوح=ابو الجميع اللي مساعيه حلوات...
خلا علمها فوق الابراج والسطوح =حكم الصباح اللي علي الشعب خيرات...
هي امنا والحكم ابونا ومملوح=من سيست حكامها هم بالذات ...
حامينها من كل حاسد ومشفوح=في وقتنا الحاضر في فايت فات...
ولولا التكاتف شفت طايح ومبطوح=ونسمع وشفنا وضعهم بالمجلات ...
الحكم فعل وراي ما فيه مسموح=تكاتف الصوبين ما فيه حسن نيات...
اليا صف الحاكم وشعب صفي الضوح=مثل البناي اليلتحم دون فكات ...
ارجي عسانا دايم الدوم بفروح=يالله لا تفرح علي الحكم شمات...

[عبدالرحمن الصباح]

تسلم يالغالي على النقل الرائع والمميز لكبار الشعراء ربي يبارك فيك ويرحم والديك تقبل ودي وتقديري استاذي

[مصدر قلق]

الطائر المهاجر شكرا علي نقل روائع الجويسري

[ابراهيم عبدالحميد]

إختيار رائع لإبداعات شاعر تألق بنصوص قمه فى الرقى و الإبداع
دمت و سلمت و غنمت

[محمد بن عبدالله السلمان]

أبيات جميلة
رحم الله قايلها وجزاك الله خير ابو عبدالله على النقل المهم والتاريخي الموثق

[صعبة المنال]

اختيار موفق



يعطيك العافية


صعووب