وساويس

[عمر ال شيبي]

السلام عليكم ورحمة الله وبركاته

العين تشوف والاذن تسمع
وتبدلت غزلانها بقرود

والباقي تشوفونه بالقصيده

اللي حبيت اسندها لاخي الشاعر صنداح


وساويس

البارحه صنداح همن وساويس = جتني علامة ظيق زود البلاسه
الناس تسرح في قرايا المفاليس = والشين يسره والمطايب لباسه
الحيص بيص ٍ والسوالف متاريس = يومن هجرنا الصيد راحت وناسه
الله على غزلان خلصت خواسيس = في صحرة ٍ تنحاش وقت الشراسه
صيد الارانب شين ما به احاسيس = لا جت غدير الماه تبغى مساسه
ولا الحباري كيف تشعر كوابيس = كثر الفتيت اللي يجيب انتكاسه
وهل المدينه اشلون يبقوا محابيس = بين القصور الفارهات بسياسه
الله على تيام ضي الفوانيس = يوم الصحب مسيار لاْهل الحماسه
حدن بتالي الليل نار ومحاميس = لجل المكيف الكيف هيلن وحاسه
بن الهلا للضيف طرد المناعيس = اول وتالي الليل رحب الكياسه
عقب المناسف جود طعم المنافيس = اللي تجي للشيخ مجلس سواسه
حل الامور براعيات النواميس = يقضي لهم حاجات وقت الفلاسه
نسمع قضايا وشور حق الهواجيس = اللي سندها اليوم ضايع بساسه
يوم العلم مرسول بدو المراويس = حسب العوايد شوف ابلا دراسه
فطنه وحكمه في تعاليلن خميس= صوت الربابه اللي يجيب الحواسه
بعض الكلام اتلاه لغز القواميس = يومن تجسه غير عجزن لناسه
ما يفهمه صنداح غير الملاويس = اللي لهم افكار ما هيب نجاسه
قول المثل مشهار وده نسانيس = يمشي على الحواس يوم احتباسه
دوج العرب بشياه تلقى العوانيس = صيد الحباري عيون ابها مقاسه
وحذر تشوف الغيد ابلا محاريس = عقلك وقلبك والسوادي فراسه
تعليلها بالليل همس وتماليس = واللي بلاه العشق يشرب بكاسه
هذا كلام الشيبيْ ما به تخاسيس = من بدعنا صنداح هات الرواسه

[الروضان]

شكرا لإمتاعنا بإبداعك
لاهنت
تحياتي

[عمر ال شيبي]

المشاركة الأصلية كتبت بواسطة الروضان

شكرا لإمتاعنا بإبداعك
لاهنت
تحياتي

هلا بك يا راعي الدار وهلها

وتسلم على وجودك هنا

[الطامي]

الشيبي
صح السانك ملايين
رائعة جدا
لاهننت اخي

[حرف وشعر]

الشيبي قصيده اخذت كل مقاييس الابداع

لله درك من شاعر متمكن ورائع

دام هذا العطاء مدي العمر ياعمر


تقبل الود والتقدير

[عمر ال شيبي]

المشاركة الأصلية كتبت بواسطة الطامي

الشيبي
صح السانك ملايين
رائعة جدا
لاهننت اخي

سلمت شاعرنا وهلابك دوم

[عمر ال شيبي]

المشاركة الأصلية كتبت بواسطة حرف وشعر

الشيبي قصيده اخذت كل مقاييس الابداع

لله درك من شاعر متمكن ورائع

دام هذا العطاء مدي العمر ياعمر


تقبل الود والتقدير

تسلم ودام طيبك ومنكم نتعلم

وصح قلبك دوم

[الحربي عبدالله]

الاخ / عمر الاشيبي
صح لسانك وعلآ شانك
شاعر جزل لله درك
تحياتي لك ..

[عمر ال شيبي]

المشاركة الأصلية كتبت بواسطة الحربي عبدالله

الاخ / عمر الاشيبي
صح لسانك وعلآ شانك
شاعر جزل لله درك
تحياتي لك ..

حياك الله لا هنت

وشكرا لطيبك

وكلامك الطيب

[الـزلـزال]

عمر ال شيبي

صوت رائع ومميز وجميل

من شاعر متميز ورائع في كل مايقدمه

ابدعت وأمتعت شاعرنا رعاك الله

دمت ودام حرفك الرائع الجميل

صح لسانك ملايين ملايين

ولك فائق تحياتي وتقديري