سجّه عن القيض

[عبدالله الدخيل]

بسم الله الرحمن الرحيم

السلام عليكم ورحمة الله وبركاته

لم تنشر من قبل أتركها بين إيديكم

ياويل خربٍ صار في عين توّاق=الارض ضاقت فيه والقاع ضاقه
خريشٍ ازرق عن حباريه فرّاق=قد ذاق له قبل الملاقا ذواقه
عقب الهدد كلٍ على الطرد سواق=واستوقف الجمهور فلم الوثاقه
طلعه تعدّا عن مدى الشوف آفاق=وزوم الدرابل منفتن مع سباقه
حدّر لنا والخرب بايديه معتاق=اعصار صافي في نزوله رواقه
ذكّاه واشبع حرته سف ترياق=وخضّب كفوفه بالحمر يوم راقه
عودٍ وسطوه سطوة عقاب تـفّـاق=وطلعه يسابق للـقطا بانسياقه
ماهوب مذرع مير صارم ولحاق=اصله وفصله من خيار العراقه
العنق لا داره على الخرب يرتاق=والجوج ابيض وادهم الظهر حاقه
في مبسطٍ ما شاف حافي و بوّاق=ولا عرفه الطرقي ولا خفّ ناقه
في هجعته ما شفت للنجم برّاق=وبصحوته رعدٍ يباشر شعاقه
موف الخزاما ينعش البيد باشراق=وبيض الزبيدي ظاهره في رشاقه
يا محلا المقناص من بعد الاشراق=بارضٍ من الوسمي غشاها حقاقه
عشرين مع عشرين في كف الاوداق=روّت قفار الروض وأحيت فتاقه
في روضها يا محلا الكيف لا انساق=فنجال بنٍ ريق نبته فواقه
ولغير هذا شف مالناضري لاق=يوم ان غيري مجلس البيت راقه
راع الولع ينسا على القلب ما شاق=لا رشه الذعذاع بازكا عباقه
فوق الطويل اللي تعلاه شوهاق=ماهي ظهور طويق وزهور باقه

وسلامة الجميع
ودي وإحترامي
أخوكم عبدالله إبن دخيل

[داعي الشوق]

صح لسااانك يالشاعر عبدالله الدخيل

قصيدة طيبة و جزلة

هيضتني بالقنيص

صح لساانك مدد

شاعر جزل و مبدع

تحيتي لك و لحضورك الجميل


***********

[الراقي]

لاَفُض فُوكَ شَاعُرنا القَدِير..

قَصِيدة حَاكت الجَمال ~

صح لسانك

^^^^^^^^^^^

[عبدالرحمن الصباح]

قصيده رائعه ومتميزه صح السانك واعتلا شانك تقبل تحياتي وتقديري اخوي

[عبدالله الدخيل]

المشاركة الأصلية كتبت بواسطة داعي الشوق

صح لسااانك يالشاعر عبدالله الدخيل

قصيدة طيبة و جزلة

هيضتني بالقنيص

صح لساانك مدد

شاعر جزل و مبدع

تحيتي لك و لحضورك الجميل


***********

صح بدنك أخي الغالي دعاني الشوق
حضورك الأول أضفى إلى الضمير من البهجة الكثير
وكما أشكرك على هذا اللقب الكبير من سموك الكريم
وما أنا إلا متذوق يحاول أن يبدع الجزال بين من هم اهلُ لها
لا يسعني إلا أن أشكرك مراتٍ عده ومن لا يشكر الناس لا يشكر الله
دمت بود أخي الكريم دعاني الشوق

[عبدالله راشد الثويني]

عبد الله إبن دخيل الدخيل


حياك الله ياعزوتي وياحيّ هالابداع
نص راقي كـ رقيّ حضورك
صح لسانك مليون ولا يكفون
أبدعت وامتعت
طامعين بجديدك دائماً
تقبـّـل تحيتي

[الطائر المهاجر]

لله درك
ابدعت واجزلت
صح لسانك مدد بلا عدد
لاهنت
تحياتي

[منيع]

اكثر من رائعه
دمت مبدعا
تحياتي

[الخنساء]

صح لسانك مليووون

قصيدة جزلة من شاعر متمكن

سلمت ودام حرفك

[عبدالإله]

نص اكثر من رائع

صح لسانك ملايين

ولا عدمناك