شعرٍ طاريلي اجره

[عبدالله الشويمان]

الاخوه الاعزاء لا جديد وانما من الارشيف اتمنى ان تعجبكم القصيدة التاليه..

شعرٍ طاريلي اجره

المسبحه بيدي أحسِّب خرزها=واطلق عنان الفكر يفتر فره
يجيب للهاجوس عدت لززها=في بحر شعرٍ طاريلي اجره
بالسايق النشمي الاشعار تزها=تطرب الى غني بها كل مره
ابو غلينا حين نفسه نهزها=فز وتوكل بالله إيطول عمره
سايق نبيهٍ سكته محترزها=والله معه ياقاه شر ومضره
يسوق سياره جديدٍ طرزها=صنع المريكاني كفى الله شره
فورد إكسبلورر يوم سلفه همزها=خط الحجاز الله كتب له يمره
من نجد ساري والمسافه تكزها=ليلة خميسٍ والمخاوي يسره
معه خواله والبريره غرزها=فيهم بحسن الذات طيبه يدره
منصاه جده زاير اهلٍ عززها=شوف القرايب والمواصل مبره
قصد السلام الوجه بالوجه يزها=نوره وضوح معانقٍ للمجره
من بعدها حان الوداع وعنزها=صوب الرياض العاصمه هي مقره
هذا وانا خاله احسب خرزها=نظمت ابيات القصيده تسره

عبدالله الشويمان-الرعد

[رفيعة الشان]

الأخ الشاعر الشويمان
قصيدة جميلة
وانشالله تسره هالابيات
مادمت مادحه فيها
مافيه شك بتسره
ماقصرت كفيت ووفيت
صح الله لسانك مليوون

لاااهنت

[سناعيس]

الاخ الغالي عبدالله الشويمان
دامها من الارشيف
اجل نقول صح لسانك والجزاله ماهي جديده عليك
والحمدلله على سلامة وصول المسافرين
ولله درك يابو بدر أو وتالي
ولاهنت



تحياتي

[مبروك بن ماضي]

أخي الفاضل / عبدالله الشويمان
عندما يكون الشاعر كبيراً
تتقزم كل الحروف والمعاني
سعدت بالمرور وغنمت بالمتابعة
سلمت قريحة جادت
سأقتفي اثر حرفك الأصيل

[منيع]

ابيات رائعة
شكرا لك
تحياتي لكم

[نجم الإبداع]

الله الله

صح لسانك ابو بدر

جواهر منظومه

ابدعت

لاهنت

تقبل مروري

وتقديري

[محمد عبدالله البدراني]

عبدالله الشويمان


سلمه الله


لاهنت ياغالي

وصح السانك

والحمدالله على سلامة الوصول


وبيض الله وجه الخال وابناخيه



تحيتي وتقديري

[داعي الشوق]

صح لسآآآآآآآنك يا راع المسبحة

بن شويمان شاعر نطرب لقصيدة دائما

صح لسانك يا بو بدر

أرشيف مشوق و ثمين
دمت بخير

[عذب القوافي]

صححيت كلك أبوبدر

نص وافي وعوايدك الجزلات

تقديري,,,,,,

[حي الضمير]

مدد صح لسانك يابوبدر
جزل ومتميز دائمآ بقديمك وجديدك