متى على الله نمشي البر يا سعود

[وليدالبسطي]

بسم الله الرحمن الرحيم


السلام عليكم ورحمة الله وبركاته

اهدى إلى الاخ العزيز سعود بن سليمان بن طواله الشمري

متى على الله نمشي البر يا سعود

متى على الله نمشي البر يا سعود= النفس ضاقت من جلوس المدينة
أبي أسلي خاطر ٍ ضايق بزود= أمن الهموم اللي أجمعتها سنينه
ترى مجالس هالزمن مابها فود=لاصرت بين أهل النفوس اللعينه
قال ٍ وقيل وأهلها تدبل أكبود=وشتم ٍ وغيبه في عروض أخرينه
في جلسة الواشين لاتكثر أقعود=تراك من أهل العقول الرزينه
نبي الفياض اللي بها الصيد موجود=صوب الحفر نمشي إلى أطراف لينه
مع رجال ٍ طيبهم دوم مشهود=عسى المنايا مع عداهم قرينه
محمد البندر ونايف مع حمود=ياسعد من كان الطواله عوينه
وإلا النماصي كفه بخير ممدود=الجود طبعه والكرم في يمينه
شمر إلى حدك زمانك على الكود =تفزع ولو دونك بحور وسفينه
وصلاة ربي عد ماهبت النود=على محمد خير مبعوث فينه

وليدالبسطي
27/12/1432هـ

[عبدالله الدخيل]

وليد البسطي

الله الله

صح لسااااااانك ولا هنت

قصيده جزله من جزل

وعز الله انك شوقتنا

صح لسانك مره اخرى

واقبل
ودي واحترامي

[داعي الشوق]

صح لساااااااااااانك مليوووووون

قصيدة هيضت المشاعر يا وليد

صح لسانك يالشاعر

ولاهنت

[روح الشعر]

صح لسانك يابعدي

امتعتنا بنصك الجزل


اعذب تحيه

[بنت النور]

صح لسااااااانك ولا هنت

قصيده جزله من جزل

يعطيك العافيه

دمت بود

[الطامي]

البسطي
صح السانك ملايين
رائعة جدا
لاهنت اخي

[نايف الدهام]

يا زين ما قلت
ما في بعد البر ونا خوك
صح لسانك

[طوفـــان]

الله أكبر

صح لسانك على هالقصيدة ، شوقتنا والله على طلعت البران مع الوجيه الغانمة ...

لكن واحسافاااهـ مامن إجازة والدام رابطنا ...


صح لسانك مرةٍ ثانية وفالك ريحة الهيل صوت نجرٍ يطرب لحالكـ

موفقين يالبسطي

[عبدالرحمن بن زهير]

رائعه صح لسانك يا وليد والبر جاي مع هذه الامطار ورفقة الوافين هي المكسب..تحياتي

[منيع]

كل الروعة والابداع
تحياتي لكم