وصية

[ناصر عبيد الهواوي]

مرات يمضي ليل في بيت واحد=واحيان في لحظة تجيك امتتابعة
الى دخل هالشهر يالربع عادتي=اطوي ولو تبسط لي الحبل رابعة
وحبيت اسجل للحبايب وصية=ودي تكون ال نية الخير طابعة
اوصيك يامن تسمع القول جدّ به=فِد من معينه وإستزد من منابعه
الهج الى مولاك بالذكر والدعا=مادام نفس العبد بالخير راغبة
حاول تجدد فيه ياصاح توبة=يسكن بها جاشك وتركد زوابعه
تكون ذخرٍ لك بحزات كربتك=وال. ما اقترفت من المواثيم جابعة
الحازم اللي وإن لقا خير باشره=والخاسر اللي كل شرٍ يتابعه
وصديقك اللي يصدقك في نصيحته=وحذراك من ناسٍ بالأوحال قابعة
ولنا بعد ما يمضي الشهر عودة=من بعد ما يمضي على العيد رابعة
باذن الذي يعلم بغيب الليالي=ويقلّب قلوب البشر بين اصابعه

[الطائر المهاجر]

ابداع وجزاله من شاعر متمكن
صح لسانك ولاهنت
تقبل مروري
مع أطيب تحياتي

[عدنان كريزم]

صح لسانك ولا هنت يالغالي


تحيتي لك

[عبدالله راشد الثويني]

الجزززل / ناصر عبيد الهواوي
صـح لسانك وعلااا شانك وعساااااك ع القوه
درر يصعب إقتباس جزء منها فالإبداع لا يمكن تجزءته
عوايدك الإبداع يالغالي طامعين بجديدك
تقبـّل وُدي وأعطر وُردي

[احمد الجريفاني]

رائعة من روائع ناصر ابدعت وامتعت سلم كلك

[ناصر عبيد الهواوي]

شكرا لك يابو عبد الله
وكل عام وانتم بخير
تحياتي وتقديري لك
وبيض الله وجهك والسلام

[نجم الإبداع]

جزاك الله خير على النصيحه الرائعه يابو عبيد

وصح لسانك وفكرك

وكل عام وانت بخير

تحيتي وودي

[داعي الشوق]

الهج الى مولاك بالذكر والدعا =مادام نفس العبد بالخير (راغبة )

********

صح لسانك يا بو عبيد

شاعر كبير و رائع دائما

لك اعجابي وتقديري

و لاهنت

،،،،،،،،،،،،،،،

[صعبة المنال]

الله الله

صح لسانك

صعووووووووووب

[منيع]

ابيات رائعه ومعبره
وجزاك الله خير على هذه النصائح الطيبه
تحياتي وتقديري