أفلح يافلاح عاجلا غير آجل

[سناعيس]

فلاح وينك لاتطول بالأبعاد=لك منزل بعدك يثور عجاجه
ليّه معك في ماضي الوقت ميعاد=وجاوزت ياخي فيك عنق الزجاجه

[نجم الإبداع]

سلام ياقرمٍ له الود منقاد = عداد سيلٌ طاب عندي مزاجه
ياصاحبي ماذكر مواعيدٍ اشداد=والعذر في وقتٍ معقد حجاجه

[الطائر المهاجر]

المشاركة الأصلية كتبت بواسطة سناعيس

فلاح وينك لاتطول بالأبعاد=لك منزل بعدك فطس به دجاجه
ليّه معك في ماضي الوقت ميعاد=وجاوزت ياخي فيك عنق الزجاجه

افا ياذا العلم يا فلاح ، وش انت سويت يوم رحت وش حطيت بالمنزل الين فطس دجاجه

[نجم الإبداع]

هههههههههههههههههههههه

ارحب يابو عبدالله

ياعود ماتتووووووووووووب

الله يسعدك

شكرا لحضورك

ودعابتك يادب

[الطائر المهاجر]

شفت الرجال ما رد عليك
بغيت ارد وما لقيت لي سنع
فقلت على الأقل نوسع صدر فلاح

تقول دب وصاحبك صاير اعواد = وما عادبه غير الحكي واللجاجه

[سناعيس]

أرحب يافلاح وشكرا لك على الاستجابه
والعذر منك تباطيتك وطلعت

يامرحبا ترحيبة كلها اسعاد=للي دعاك وجيتك له علاجه
نبي نعيد ايام كانت كاالأعياد=فيها الجزاله ترتكي للسماجه

وانت ياشايبنا ماتجوز عن سواليفك
الظاهر انك تأثرت بنفوق جمال وادي الدواسر وتحسبها دجاج هههههههههههه

ياللي تحرف قولنا وانت الاستاد=خلك بدربك لو يزيد ازدواجه
عادتك ياعود على الليل معتاد=تمشي على الساهر وتطفي سراجه

[ماجد المهدي]

هههههههههههههههههه متابع

وستانس بعد وصح لسان الجميع وتسلم يا سناعيس

[نجم الإبداع]

ابك البقاء ياصاحبي عد من فاد=وعداد من خسروا بسوق الخواجه
قرب حروف الشعر والليله انشاد=ليل الفطاحل بحر نمخر فجاجه

[سناعيس]

أخوي فلاح الظاهر ان أبو عبدالله حالف علينا مانلتقي
لكن ما علينا منه نبي نستمر الين يتهيض وأما صاقعة والا باقعه ههههههههه

يابن الجنوب اللي لها الناس تنقاد=من حر نجد فكرو بالهجاجه
يقولون وبل الخير بأبها بلا اعداد= يسمع خريره من بعيد وثجاجه

[نجم الإبداع]

الحق جو الديره يغني عن الزاد=خضره ومويه جاريه وابتهاجه
خصوص عقب الظهر هتان وبراد=والماء من الوادي يناجي انزلاجه