فلاح مدعو للتحقيق امام المحقق الرعد

[عبدالله الشويمان]

تعال اجلس يا فلاح بن منشار معك الرعد محقق الفطاحله

قبل مبدأ سؤالي مرحبا بك يا ولد منشار=ولا ترتاع انطق بالكلام بلا ترجافي
سؤال اول وش انت مسوي بالامس يا مكار=انا شايفك في حلمي بوسط السوق لفافي

[نجم الإبداع]

هلا ياصاحبي يالي مشغل قرن الاستشعار=هلا بك عد قولن ضاع فيه اصحاب الارجافي
انا ماغبت عنكم ياهل المعروف واهل الكار =ولاجيت الذي شفته بحلمك وانت عرافي

[عبدالله الشويمان]

ما غبت هااه ماغبت

يابن منشار هذا شغلنا نتشمم الاخبار=ونحكم في تفاصيل الحدث ونبين الخافي
سؤال اثنين ليه تغيب ما سبقتها بإشعار=نبي منك اعتراف ولا تجي في درب محرافي

[نجم الإبداع]

انا خابرك يابو بدر تبحث لي عن الاعذار=وانا اقدر شعورك يانبيل الفكر بانصافي
انا لوغبت عن مجلسكم البارح فله مقدار=ولامن طابت نفوس الرفاقه جيت طوافي

[سناعيس]

الله الله
بيض الله وجيهكم
وصحت ألسنتكم
تابعوا

[عبدالله الشويمان]

انتهى التحقيق وصدر الحكم يا فلاح..

استلم استلم

انا جبتك احقق معك وسبت العاطفه بالدار=ولا تدخل معي بالواسطه ولا التعطافي
صدر منا عليك الحكم نضرب راسك بجذمار=وعنك المجلس الصوتي نصكه يوم يالجافي

[نجم الإبداع]

اعرف ان الوضو يبطل حضوره فعل الاستجمار=وراعي المجلس الصوتي منع به هز الاكتافي
انا ماقد رضيت الحكم من ربان الاستعمار = ولايصدر عليه حكم من مثلك يالاسكافي

[عبدالله الشويمان]

المشاركة الأصلية كتبت بواسطة فلاح بن منشار

اعرف ان الوضو يبطل حضوره فعل الاستجمار=وراعي المجلس الصوتي منع به هز الاكتافي
انا ماقد رضيت الحكم من ربان الاستعمار = ولايصدر عليه حكم من مثلك يالاسكافي

طيب طيب
استلم يا فلاح

تفقه يا فتى بدينك وكثر ل.الله استغفار=ترى ماضنتي انك من اللي تاكل اعلافي
انا بحشرك حشر الداب وفي جحرك اشب النار=ولا تقدر تقول إلا ألا يالله ياكافي

[نجم الإبداع]

انا ماودي العب معك مثل القطو والا الفار=ولا ودي بكلمتنا تصيب الموقع الهافي
ودام الظغط عندك زاد فانا بانهي المشوار=عسى عمرك طويل وجعل عدوانك بالاسفافي

[عبدالله الشويمان]

تسلم يا فلاح واشكرك على التفاعل واللعب مع اخوك الرعد

وصح السانك يا الغالي..

كما اشكر اخوي سناعيس على تواجده..

والى لقاء آخر ان شاء الله