ردية ثلاثية مضمونها / مانع ابن شلحاط

[طلال البدور الشهراني]

السلام عليكم ورحمـة الله وبركاتـه


مساء / صباح الخيــر


أخواني

يسعدنـا أن نـطرح لكم رديه ثلاثيـه لعمالقه في الشعـر ،،


وكان مضمونهـا / إبن شلحــاط


والتي كانت بين كل من : عبدالرحمن بن بديع و سطان الهاجري و مانـع بن شلحاط


ونتمنى لكم قراءه ممتعـه



الرديه الأولى من الشاعر : سلطان الهاجري وهي

يابن بديع يـوم زرت الامـارات=واخـذت فيهـا وقفتـآ وانقـلابـه
ماشفت ابن شلحاط رجل المهمات=يفتل شناباتـه ويضـرس ابنابـه
ويواسي الحيين في فقـد الامـوات=ودموع عينه مثل وبـل السحابـه
يبكي ويقـرا الفاتحـه والتحيـات=ويدعي ودعواته ماهـي مستجابـه
وزهم علي البارحه عشر مـرات=يشكي علي من الحـزن والكئابـه
قلت اسمع اسمع خل عنك الحركات=اللـم تكـن ذيبـآ كلتـك الذيابـه
العام حظك وردك دجلـة افـرات=وحصلت قرطوع ِ عذيـآ شرابـه
وهذي السنه مافيه غير ابتسامـات=لو مات ابن شلحاط ماحـد درابـه
قدامه المرحـوم ياسـر عرفـات=مافيه قصرِ ماوقـف عنـد بابـه

الرديـه الثانيه من الشاعـر : عبدالرحمن بن بديـع وهي

ناشدت ياسلطان في تسعـة ابيـات=وحسب السؤال يجيك نص الاجابـه
مدري سؤالك حـرص ولاتشمـات=اسئـل وانـا باجاوبـك بالنيـابـه
بئـس لشعـار الغنـج والفلاشـات=وطوبى لشيخ الموعضه والخطابـه
ترا لـو إنـا مانعيـد الحسابـات=رحنا طعام وحوش في وسط غابـه
آخر حياة اهـل الكفـاح الملـذات=ولا ضعيف الجهـد رزقـه هبابـه
ودموع مانع لو نثرها ,, سلامـات=ماهي على قبر النبـي والصحابـه
الفيلسـوف اللـي تعـدا الغويفـات=واصبح بعد ماهوب شاعر دُعابـه
امحكـم وناقـد ويمنـح دراجـات=ويغوص في اسرار الفكر والكتابـه
بثت تصاريحـه جميـع القنـوات=معا العمانـي دايمـآ فـي مجابـه
واعطى وسام الشعر , ربا الدويكات=واشهر على اعيال القبايل حرابـه

الرديـه الثالثه من الشاعر : مانـع بن شلحاط وهي

تلاوحونـي بالقصيـد (البوتمبـات)=وأنـا مـن الدبيـن مانـي بـآبـه
الشاعريـن المبدعـيـن الـقـداوات=اللـي بهـم فالبيـت الأميـز تشابـه
أضفو على الشعر الخليجي بصمـات=ليـن أثبتـوا للغـرب فـن الربابـه
وأنا لحالي ضد حـرب العصابـات=لـو الـدول تحتـاط لـه واجتنابـه
سلطان سند رغـم كـل المسافـات=لابـن بديـع واستراسـه وجـابـه
حطوا علي بعض النكت والدعابـات=وأنا أجودي واعيش ضمـن الغلابـه
شايب وبي جلطه وأبيرص ومـوات=ماعـاد بـي جهـدٍ لصيـد الذيابـه
دوبي مقانيص الطـرب والخونـدات=وخطوات شيكٍ ما يهزهـز حسابـه
يا أبو خلف شطب على اسما البهاوات=وعلق إصور اللـي تديـر العصابـه
الهاجـري والواهبـي فالمـطـارات=فابو ظبـي يصبـح عليهـم رقابـه
من شان تدري بإن ضيف الإمـارات=يحشم بظـل اللـي عزيـزٍ جنابـه

وعفاكم جميع

[داعي الشوق]

قصائد طيبة و جميلة يا طلال

صح لسان كل شاعر منهم

و الف شكر لك على اطلاعنا لها

مع التحية ،،

[شجون القصيد]

الله اااااااااالله

روائع ممتعه

صحت السن شعرائها

وسلمت الذائقه اخي طلال

تحياتي

[نفحات حساسة]

نقل رائع طلال

وصح السان جميع شعارهاا

ولاهنت

[همس الورد]

اختياااااااااااار رائع و مميز

يسلموا عالنقل

تحيتي

[الخنساء]

شكرا اخى طلال

نقل رااااااااائع لاهنت

وصح لسان الشعراء

[السفيرة]

نقل رائع

تسلم الاياااادي اخوي طلال عالنقل لاهنت

تحيتي

[حي الضمير]

نقل رائع
الف شكر

[حوريه]

قصائد جميله
يعطيك العافيه

[عبير الورد]

صحت السنتهم ولاهان ذوقك الراقي
يعطيك الف عافيه