لقمة العيش

[حمود السكراني]

يابنت والله مقصدي لقمة العيش=
الله ولا ذيك العلوم الردية=
نفسي عليها عن هاك العلم تشويش=
لاتبتليني ما لنا فيه نية=
همي من اللي مايعرفون مافيش=
ماغير كلمة يايبه جيب لي يه=
لامن دخلت البيت فزوا مشاويش=
تكانفوني جيب ما قلت هيه=
اما زعلوا صدوا عن الزاد مانيش=
ولاتناحوا بين هاذي وذيه=
انا الملك بعيونهم قايد الجيش=
حاكم مفاتيح المخازن بيديه=
يابنت ماهو محتمل منك تبليش=
بلش بصكات الزمان القوية=
اقفى زمان الغي والحب والطيش=
مع الليال المقفيات الهنية=
حتى أيش ياريانة العود حتى أيش=
ماخٍلت أيامي من الشوق فيه=
ماعاد يشقيني طبيعي وتمويش=
حاضر نظر والفكرماهو هنية=
أقطع على حبل التفاكير واريش=
لاقلت ذية قلت كيف السوية=
آصل بفكري ماوصلها لمطاريش=
وارجع بها بلشان حل القضية=

[الطائر المهاجر]

بلشان بصكـات الزمـان القويـة
بلشٍ ......
آصل بفكري ماوصلوه المطاريـش
ما وصله ....
صح لسانك وقلبك
ولا هان راسك
جزلة من راس جزل وشاعر متمكن
تحياتي

[حمود السكراني]

الطائر المهاجر مشكور يالغلا على مرورك الرائع

وعلى توضيحك القيم كل الشكر والتقدير

[مبروك بن ماضي]

الفاضل : بعيد المدى
صح لسانك وجاد بيانك
وتسلم يمينك على هالشامخه
جزله من شاعر جزل
سجل الاعجاب والتقدير
تحياتي واحترامي ،

[حمود السكراني]

مبروك بن ماضي سلمت وسلم


غاليك شرفتني بمرورك الراااائع

[نفحات حساسة]

الله عليك..
وصح السانك مليون ولايكفون
رائعه..وجزله..يعطيك العافيه
تحياتى لك..

[الطامي]

السكراني
الله عليها
رائعة جدا قاف ومعنى وصيغه
صح السانك ملايين
اجدت ووصلت المعنى بقصيدة قصصيه
شكرا لك

[حوريه]

بعيد المدى ....
الله يخليك للي يقولون جيب لي يه
وإن شاء الله يبرون فيك
وتجد فيهم ما يسرك
وصح قلبك على هذه الجميله الرائعه
دمت ودام عزك

00000

[داعي الشوق]

صح لسانك يالشاعر بعيد المدى

قصيدة مثالية في كل شيء

صح لسانك مع التقدير لك

و لاهنت يا حمود

،،،،،،،،،،،،

[معشي الشجر]

صح لسانك
ولاهنت
جزلة من مبدع
احترامي وتحياتي