???

[الحارثي]

هب البراد وغادرت موجة الحر=والبـر زان وزان مكشـاتنا فـيه
وين أنت ياللى مهتوي طلعت البر=أنـــا خـــوي الـلى يبـيـني اخــاويـــه
ثـلاث تجـلي الهم عـن من تـكـدر=المــاء مــع الخـضـره وجـهٍ تراعـيه
قم انصب الخيمه على الروض الاخضر=ريـح الـنـدى فــايح وحــنــا حـــوالـــيــه
وهــذا غــديــر المـــاء تــفــايــض وعبـر=تــغــرد طــيــور الــفــلا كــل مــاجـــيــــه
وهــذا الـنـسـيم يـداعـب أغصون لامر=قــام الشجر يرقص طـرب في صحاريه
والــورد خمس الــوان اصفر مـع احمر=وازرق ووردي وابيض ويش يضاهيه
لاجـــــاء العــصـر والغــيم هــتانه امطر=راحت همــوم القلب واقفت طـواريـه
واللــيــل في حــضــرة رجــاجــيـل نسهر=الضــوء شــبــت والــدفــاء جاك صاليه
بـــدى الحــديـث ودار فـنـجـال أشــقـر=يــعــيــش مــن حــافــه ويــســلم مســويه
بــالــبــن والمـسـمـار والــهــيــل بـــهـــر=والــزعــفــران الــلى من السوق ناقيه
قـــرم خــدم ربــعـه ومن قلب يشكر=مـن ينـدبـه في شي بـالعـــون يشفيه
لــلــبـر نــاس تــعــصــب الراس بغتـر=خشن الملامس وضحن من مواريه
الجيب شاص وفسفل العرق يفتر=ضاري على قطع المسافات راعيه
عـــلــيـــه ذكـــر اللـه واللـه اكـبـر=اللـه يحفـظ الـلى يسوقـه ويحميه
يـروف بي كـني أخــيــه الاصـغر=ادعو عـسـى لـلـخـلـد عـود مربيه
عز الله اني في ابن الاجواد منسر=وخـــبـــر الــعـذال مـانـــيـب نـاســـيـــه
قــد قـال راعي الـقـنص من فرط بحر=يـلـطـم مـن الـحـسـره خـدوده بياديه

[منيع]

حياك الله اخي الكريم
والابيات للشاعر احمد ابراهيم المانع
وهي موجودة على الرابط التالي

http://www.fatahilah.com/showthread.php?p=727053

تحياتي لكم

[نفحات حساسة]

صح السان..الشاعر حمد

ويعطيك العافيه على نقلك..

[الخنساء]

صح لسان الشاعر

ولاهنت لنقلك

[عالي مستواها]

صح لسانه شاعرها
ويعطيك العافيه على النقل
تسلم إيدك

[معتدل]

وفقك ربك
تحياتي

[البتال]

مشكور
على المعلومه الجيده
تحياتي

[البتار]

مشكور
على ما افدتنا به
تحياتي

[طويق]

مشكور
على ما افدتنا به
تحياتي

[خميس]

الف شكر
على ماجاد به قلمك
تحياتي الطيبه