(كـل قريـن بالمقـارن يقتـدي)

[عبدالله راشد الثويني]

السلام عليكم ورحمـة الله وبركاته

(عن المرء لا تسل وسل عن قرينه=فكل قرين بالمقارن يقتدي)

من أروع واجمل الأبيات التي قرءتها
وعلى ضوء هذا البيت اضع هذه القصيده بين ايديكم
لعلها تنال القليل من إعجابكم

قال : الذي كثر التجارب . تنيره=في دنيته ، ماتتعبه كل مايله
إن ضاقت الدنيا ،، عيونه سهيره = دمعات عينه في رجا ، الرب سايله
يرجي عسى رب الخلايق ، يجيره=من قرب نفس(ن) للمهاليك مايله
راع الردى .. تبقى حباله قصيره=افعاله السودا عن المجد ،، حايله
البعد عن طرياه لا شكّ .. خيره = يالله عسى ازواله عن الارض زايله
النذل وإن شاهدت نفسه كسيره=إحذر ،، ترى الشيطان هذي فعايله
سيف الغدر وإن كان داخل جفيره=لاتأمـنه ... لا بد تظهر خمايله
خلك مع اللي بالليال العسيره=يمناه تبقى للمواجيب نايله
حكيـم ، ماكل السوالف تثيره = ماكل جمرة نـار .. تشعل فتايله
إن ضاق صدرك ، جيت له تستشيره=تغنيك عن كثر السوالف.. قلايله
راع الوفا ، لو زال مازال خيره=لومات تبقى بعد موته جمايله
هذا وكل إنسان يلقى مصيره=والعبد بالإيمان تقوى دلايله
قد قالها اللي كلمته نستعيره=طبع الفتى لا شكّ .. وافق زمايله

[الـزلـزال]

النذل وإن شاهدت نفسـه كسيـره=إحذر ،، ترى الشيطان هذي فعايله
سيف الغدر وإن كان داخل جفيـره=لاتأمنه ... لا بـد تظهـر خمايلـه

عبدالله الثويني
بوح مميز ورائع
من شاعر رائع ومتميز في كل مايقدمه
شاهدنا في هذا البوح حكم ونصح
صاغها شاعرها بكل تمكن وأتقان
صح لسانك ملايين ملايين
ولك فائق تحياتي وتقديري

[الطائر المهاجر]

يسلم لسانك وفكرك
لاهنت على ها الابداع
دمت متألقا كما أنت
تحيتي واحترامي

[عبدالله مذكر العقيلي]

ياسلام عليك

شاعر مبدع

صح لسانك

وبيض الله وجهك

والله لايهينك

سجل اعجابي

[منيع]

ياسلام عليك
ابدعت واجدت
بارك الله فيكم
تحياتي لكم

[حي الضمير]

صح لسانك وعلا شانك
قصيده رائعه وابدعت يامميز
أجزل التحايا والاحترام

[احمد الجريفاني]

قصيدة خبرة وتجارب من شاعر فحل سلمت

[نفحات حساسة]

الله عليك..عبدالله
صح السانك مليون ولا يكفووون..
سلمت وسلمت يمينك..
تحياتى ..

[همس الورد]

صح لسااااااانك مليون

و صح بدنك

بووووح رائع

تحيتي و تقديريي

[الطامي]

عبدالله الثويني
صح السانك ملايين اخي
جزلة وهادفة الى ابعد الحدود
لاهنت