صلاح الشمري00الزلامي00على عواش00مرزوق ال

[مرزوق المغيري]

صلاح الشمري =
دوّرولي على العملاق بالاقزام =وان لقيتوه بارك لا تجيبونه
صنداح الزلامي=
يالعطاوي ترى مانته كماك العام =امتغيّر علي وصايبك خونه
علي بن عواش =
انت ماصابك الا كثرت الاوهام =بعد بكره صلاح القوم يرثونه
مرزوق العطاوي =
يالزلامي ضحايا الطاغيه بالشام =غيرو نهجهم باسبااب قانونه
صلاح الشمري =
كنت مقدام لكن رحت فالاقدام =انعما عقبها قاموا يقودونه
صنداح الزلامي =
كل مارسم حدود تغير المرسام =نيتك يالعطاوي معي ملعونه
علي بن عواش =
ماانت بلي تحدد دورت الايام =شور مسلم لو الاعداء يعادونه
مرزوق العطاوي =
اصبر شوي ياصنداح ولانام =تكشف اللي عبيد رهاط يخفونه
صلاح الشمري =
لو تسوي رياضه ماعليك حزام =صرت شامي بلا جبنه وزيتونه
صنداح الزلامي =
في بلاد السعوديه شرع ونظام =والعبيد ان بغو شين يسوونه
علي بن عواش =
طاح نجم سماوي والوعد قدام =ياهل العرف خطي كيف تقرونه
مرزوق العطاوي =
لاتجيب العلوم العوج ولا ثام =كل عبدن من الاسياد بحزونه
صلاح الشمري =
جبت مري يطلع جرّة الاقلام =مير راعي القلم وشلون تلقونه
صنداح الزلامي =
انت تنفخ علينا مثل ابو عرام =ياالعطاوي حبوب القوم مطحونه
علي بن عواش =
القوانين زينه ترضي الحكام =وانت تقراء لاكن الخط وشلونه
مرزوق العطاوي =
ماعلينا من مهلهل وابو تمام =كل مجنون يشبك فيه مجنونه
صلاح الشمري =
دام ماهو بشايف بصمة الابهام =قلت معمي لو انه فاتح عيونه
صنداح الزلامي =
لو بيغيت اتجمل واوصل الارحام =انتم الي يحب الخير تشنونه
علي بن عواش =
التجسس مصيبه في بلد لسلام =وانت غالي ودار العز مصيونه
مرزوق العطاوي =
احتمل يالزلامي والخبر بالعام=مقبل الوقت بالنوته يخطونه

[صنداح الزلامى]

صحت السنت شعرئنا الكبار وشكرا لك

العطاوي على النقل الجميل الى هذا الصرح الكبير

الفطاحلة

[داعي الشوق]

صح لسان الشمري و صح لسان الزلامي

محاوره طيبه و جزله من شعراء كبار

ولاهنت يالمغيري على نقلها لنا

[حنان الكون]

شعراء رائعين صحت الألسن
تحياتي الطيبه

[كظيم]

الله الله الله

صحت الألسن ولاهنتم
شعـّار كبـار ومحاوره طيبه بالحيل
ابدعتم شعـّارنا
ينطيك الف عافيــه
تقبلوا مروري المتواضع لاهنتم
ودي وتقديري

[الطامي]

صح السنتكم
رائعة جميعها
لاهنتو