ساوى شرقها شامي ؟؟؟؟؟؟ مع المري

[الطامي]

عسى الله يرحم اللي في زمانه عاصر اللوعات=تمرجح به هواها لين ساوى شرقها شامي
عسى رب العباد ايروف بحاله في زمن شدات= يكون معيته وان ماحصل عزَى له الطامي
عسى ربه يثيبه عزم وصبر بلحظه الصكات = وضرب قولونه اللي به حساسيه من العامي
تجرع في زمانه من زمانه اصعب اللحظات = تجرعها وكابدها ايلين اقفت كالاحلامي
بغى يجرف به التيار بنار الياس والشَمات = لولا ربي لطف به كان سمي بوقته اشمامي
ولله الحمد والمنه تحمَل والضعون اشتات = وعمره لبيت ربه والدعاء من واحد قامي
عجوز ترتجيه ايجي تشوفه دوم بالساعات = عسى ربي يعاوني علي ابرها همامي
وشور اللي شكا وقته قبلنا جرب الونات = اخذنا به عسى الله مايريه الشين مادامي
وبارادة الله المعبود تعدى محنة الأهات = تجاوزها وقفت منه اقفاي امقيط لاقامي
طوى الماضي وبدا وقتٍ جديد كله اشراقات = بعد نجاه ربه من جنون اعصار تسونامي

بعد نجاه ربه من جنون اعصار تسونامي
بعد نجاه ربه من جنون اعصار تسونامي
بعد نجاه ربه من جنون اعصار تسونامي
ولله الحمد والمنه /الطامي

[الطائر المهاجر]

طوى الماضي بدا وقتٍ جديد كلـه اشراقـات
بعد نجاه ربه من جنون اعصـار تسونامـي
احسنت

جزلة من راس جزل وشاعر مبدع

صح لسانك ولا هنت

تحياتي الطيبة

[سناعيس]

الطامي
الحمدلله على السلامه
وعمرة مباركه ومقبوله ان شاءالله
وصح لسانك وجاد بيانك
وبيض الله وجهك

تحياتي

[عبدالله راشد الثويني]

يستاهل الحمد ، حمداً كثيراً مباركاً
صح لسانك يالطامي ، شاعر مُبدع ونص رائع
كعادتك دائماً مميز
كل الشكر وتقبل وُدي

[الطامي]

الطائر
صح بدنك استاذي
شكرا لمرورك
ولاهنت

[الطامي]

سناعيس
صح بدنك والله يبارك فيك
شكرا لمروك
لاهنت

[سلطان العطاوي]

صح لسانك وعلا شانك
ابيات جزله ومن شاعر جزل
لا عدمتك

[مبروك بن ماضي]

الاخ الشاعر / الطامي

صح لسانك ولاهان راسك

قصيده طيبة بطيب راعيها

تقبل مني أجمل تحية

واعجابي بما قرأت

[محمد عبدالله البدراني]

ولله الحمد والمنه


سلمت يالطامي ودمت


وصح السانك يابو محمد


صح السانك



وعمره مقبوله ورزقك الله ببر المبروره



حفظك الله



تحيتي وتقديري

[منيع]

ابيات رائعة ومعبرة
تسلم ياالطامي
بارك الله فيك
تحياتي