بشروني عنك يا ريم الفلا

[ماجد المهدي]

يا هلا بكل الفطاحل يا هلا = ويا مساء الخيرات والنور المبين

@
@
@

بشروني عنك يا ريم الفلا = قالوا انك عن علومي تسئلين
قالوا قلبك من حياتي ما سلا = وأنّ هاض بداخلك شوق وحنين
خبروني لين دمعي انجلا= ذكروني عهدي الماضي الدفين
والأمل في دنيتي بان وجلا = يا أمل دنياي بالله ارحمين
بعد فقدك صرت أنا بالمبتلا = بالعنا والغم مغبون وسجين
اقسم ببربي حبيبك ما كلى = يصبح ويمسي وأمره شين شين
والله ان الشوق جمره قد صلا = في خفوقي وصابني حزن وأنين
أشتكي فرقاك أهلي والملا = والأماكن إللي فيها تجلسين
وانصدم كل الأماكن تسئلا = من وله وينه حبيبك وين وين؟؟
واسرح بفكري واتوه واجهلا = كل منْ حولي وانكّس للجبين
أشهد اني اعشقك يا احلى حلا = لك شعوري صادق ودايم آمين
ما تغيّر منك احساسي ولا = يوم يتغيّر على مرّ السنين
سرمديه انتي وغيرك فلا = في قليبي معدنك صافي ثمين
مير زولك في قليبي يالغلا = ما أبي ياليتك بقلبي تلين

تحياتي

ماجد المهدي

[صعبة المنال]

الله يرد لهفتك يا ماجد

كقصيدة قمةوروعة فى الاحساس والمعنى

تصل الى صميم الفؤاد

ربى يجمع كل محب بدنياه

لك منى خاااااااااااااااص الود


صح لسانك مدد بلاااااااااااااااااااااااااااا اااااااااااااااااااااااااااااا ااااعدد




صعوووب

[عاشق الرمش الكحيل]

بيض الله وجهك اخوي ماجد
وصـح لســانـكـ
على هالقصيده الرائعه
تحياتي لك

[حي الضمير]

صح لسانك اخي ماجد المهدي
ابيات جميلة ورائعه وابدعت في العذوبه

[سناعيس]

الفاضل ماجد المهدي
دائما انت مبدع
بيض الله وجهك
على هذه الدره

تحياتي

[محمد عبدالله البدراني]

العزيز الغالي ماجد المهدي سلمه الله


اخبارك ماجد اهلا بهالطله

قصيده زي العسل

دمت رائعا ودمت بخير

ومليون صح السانك


تحياتي

[عبدالله الشويمان]

صح السانك يا اخ ماجد

قصيده جزل يا الجزل

ابدعت يا الغالي

دمت بخير ولا هنت

[سعيد الصاعدي]

الاخ الفاضل / ماجد المهدي
صح لسانك وعلى شانك
قصيده جزله من شاعر جزل
تحياتي
أخـــــوك
س / ص

[منيع]

ابيات جميلة
شكرا لكم
تحياتي وتقديري

[النهج المختلف]

ماجد المهدي صح السانك ,,,,
على القصيدة الرائعة والجميلة ,,,,
لاهنت ياماجد والله يعطيك العافية ,,,,
جزلة من راس جزل ,,,,
تحياتي وتقديري ,,,,