يازين هرجن لا سمع فيـه تشويـش

[الطامي]

يازين هرجن لا سمع فيـه تشويـش=اشوش له ويشوبش الراس شوبـاش
لا قال لي يانجمـة الصبـح لبيـش=لبت معاليقي مـن الطـاش لطـاش
وان قال انا بالروح والعالم افديـش=افداه انا ماقلت لـه فدوتـك لاش
وان قال مديني بكفـش اسابيـش=اقول لا تبـدى معـي بالتحـراش
وان قال انا وان طال دربش بباريش=اقول مايحتاج تتعـب علـى مـااش
انا معك عونك على لقمـة العيـش=ماعاش من ينكر جمايلـك ماعـاش
اليا رجع من بـد ربعـن مطاريـش=بد العذراى لولش القلـب لـولاش
لو لا كلام منبـش العلـم تنبيـش=اومى.. جديلن يحجب النور..نـواش
منه العقل يحذف بهـا والطرابيـش=هذا وانا اطهر من جديد ابيض الشاش
على الردي واللاش والدون والتيش=من من تروم المجد ماسلـط فـلاش
ياخذ على وصلي دهر مانفض ريش=مااخاطبه لـو السواليـف ببـلاش
ويازين هرجن لا سمع فيه تشويـش=اشوش له ويشوبش الراس شوبـاش

الشاعره / نجمة الصبح المري

[عبدالله الدخيل]

عز الله انها شاعره ولاهيب سهله


صح لسانها ملاييين

ولا هنت على النقل اخي الغالي الطامي

واقبل
ودي واحترامي

[بيدي رسنها]

صح لسان الشاعره .. وتسلم لنا يالطامي على الاختيار الرائع . تحياتي ..

[عطر الياسمين]

اختيار موفق
بارك الله فيك
تحيه طيبه

[الطامي]

الدخيل
شكرا لمرورك
ولاهنت اخي

[الطامي]

ياسر
شكرا لمرورك
لاهنت

[الطامي]

عطر الياسمين

صح بدنك
وشكرا لمرورك
لاهنتي اختي

[جـــروح الصمـــت]

صح لسانها
ويعطيك العافيه ع القصيده
أحترامي

[الطامي]

جروح الصمت
صح بدنك
وشكرا لمرورك
لاهنت

[حي الضمير]

رائع
شكرا لناقله وقلم كاتبه