آه يا الدنيا ابتعدتي .. صوتيها

[ماجد المهدي]

لتحميل هنا

آه يا الدنيا ابتعديتي ثم رجعتي من جديد = ترتجي إخلاص حبي تشعلي جرحٍ دفين !!
بعد ما حبك تلاشى من زمان اتقولي عيد = خِبرك إني في حياتك كنت عز الله سجين !!
خنتي خنتي وما ألانتي وبي تلاين هالحديد = من قهر دمعي عليه أسمع له آلام وأنين
وكان قلبك مثل صخره ما يحركها شديد = آه توك تذكريني بعد كل هذي السنين !!
كيف أنسى نار دمعي ؟هل رجوعك قد يفيد ؟ = وكيف أمحي كل ليلة انتكس فيها الجبين ؟
إنتي كنتي بخافقي عقدٍ من النوع الفريد = لا شبيه ولا نظير ولا أحد مثله ثمين
وقلت أنا لك مهما صار ولو تجمّع هالعبيد = من أجل فقدك حبيبي ما فقدتك والمعين
والعشق ما كل من قاله تحسْبينه سديد = العشق دستور في روحي ونطقي له حنين
والقمر ما هو بإنتي هذا ظلك يا العنيد = والنجم يطلب وصاله في الطلوع وكل حين
لك كتبت وبك نظمت وهالقلم بإسمك نضيد = مقتلي واضح بعيني إني في حبك أمين
غير دربك ما سلكت وغير دربك ما أجيد = لو ضحكتي حس نبضي ان توّي بالجنين
يا خسارة انصدمت وما هقيت الحب كيد = والقهر إني وفيت وخاطري أضحى حزين
ابتعدتي بلا كلامٍ او سلامٍ من بعيد = لا وأنا بحِّيت صوتي ليه ليه؟؟ وين وين؟؟
لا سؤال ولا جواب ولا رساله بالبريد = ما تبين اتطمنيني يا قساكي ما تبين
خلَّي قلبك في قساه وخلّي قلبي كالجليد = ما أبي قلبي يحس وما أبي قلبك يلين
بعد ما حبك تلاشى من زمان اتقولي عيد = خِبرك إني في حياتك كنت عز الله سجين !!

\
/
\
ماجد المهدي

[نجم الإبداع]

المبدع

ماجد المهدي


صح لسانك وقلبك


مشاعر جياشه وجزاله راقيه


لاهنت

فائق الاحترام

[مبروك بن ماضي]

الاخ العزيز الشاعر / ماجد المهدي
لاجديد سوى الابداع الغير مستغرب من اهله.
ولا نملك امامه الا التصفيق بحراره..
تحياتي وتقديري لك ولاهنت

[الخنساء]

آه يا الدنيا ابتعديتي ثم رجعتي مـن جديـد
ترتجي إخلاص حبي تشعلي جرحٍ دفيـن !!
بعد ما حبك تلاشى من زمان اتقولي عيـد
خِبرك إني في حياتك كنت عز الله سجين !!
خنتي خنتي وما ألانتي وبي تلاين هالحديـد
من قهر دمعي عليه أسمع لـه آلام وأنيـن

صح لسانك اخي الشاعر ماجد
لاهان راسك قصيدة رااائعة
ترجمت وجع الايام
سلمت وسلم شعرك
دمت بخير

[الأموره]

صح لسانك اخوي ماجد

سلمت و يلم بوحك


الف شكر لك

دمت برعاية الخالق ،

[الطامي]

المهدي
ااااااااااااااااااه يالدنيا
مشاعر جياشه من قلب
كان الله في عونك
لاهنت وصح السانك

[منيع]

ابيات جميلة
تحياتي

[طلال سويعد]

ماجد المهدي


صح لسانك وقلبك


نص رائع جزل


لاهنت
دمت بخير

ماجد المهدي

تسلم على هالابيات الجميله اتحفتنا بها

صح لسانك ولاهنت

تحياتي

[ابومياس]

الغالي ماجد المهدي

نص عذب

يزخر بجمال المعاني


استمتعت بتواجدي هنا

صح لسانك وبيض الله وجهك

دمت بخير