لمّي البراطم وانفخي ياشريمه

[نجم الإبداع]

لكل من لبس قناع لإذية الآخرين
اقول

اليوم ديوان الصبُر صار مقفول = ماعاد نسمع بين الارياع شيمه
البعض من حقده رسم فلم معزول = واخراج للفكره بصوره غميمه
ادري بما في داخله ينضح الزول = والله يعلم من هو الي غريمه
ناسٍ تبيع الشعروالبعض منقول = او نسج كيدي من نفوسٍ سقيمه
والبعض يبنيها على طيب القول = ومن الدرر ينظم ويسري نسيمه
قولوا لمن يمشي على شاص مشتول = يثبت النيشان لـ أقبل حطيمه
ماجيت عيب ولا معي للردى غول= ولا لبست قناع هند وحليمه
عندي سلاسل قاف وسفود واغلول = وعندي موده للبشر مستديمه
ياشين ابو وجهين هذاك مفلول = فيه انفصام وعاقبتها وخيمه
لامن مشى بين العرب تقْل مشلول = مرتاع وش حده لـ لمسة سديمه
الي مطفي النور والسلك مفصول = جانا ببيضة ديك تغري خصيمه
قال انه البحر الذي عمقه ايهول = والموج فاتر والمعاني عقيمه
دوك الجدود وذكرهم طيب موصول= ابن الطفيل وقبل جده جذيمه
العلم مثل السيف والحد مصقول = احذر منه يامختبي خلف ديمه
ماشوفك الا مثل عصفور مبلول = ياحسرتك بين النفوس الغشيمه
اهل الحسد من عرضهم يسخر الطول= لمّي البراطم وانفخي ياشريمه

[شوق]

فلاح بن منشار

يشرفني أت أكون أول من صافح هذه الفاخره

صح السانك لاهنت

نص يفيض جزاله

تقديري لك ولقلمك المبدع

شوق

حسبت نفسي أول من وصل..

سلمت أخي الكريم

حروفك من ذهب ومعانيك حكمة وجمال

دام لك الشعر

تحياتي وتقديري لقلمك المبدع

فلاااااااااح بن منشار


صح لسانك

وعلى شانك

لاهنت

قصيده طيبه من طيب

احترامي

[عبدالله الشويمان]

الله الله الله الله الله أكبر

بيض الله وجهك يا الشاعر الفحل

قصيده جوهره يا اخ محمد

صح السانك ولا هنت

رااااااااائعه صح لسااااااااانك


وسلم قلمك المبدع


تقديري

[الطائر المهاجر]

راحوا فيها جرير والفرزدق ، اتحداهم يجيبون قوة هالبيت
الي مطفي النور والسلـك مفصـول= جانا ببيضة ديـك تغـري خصيمـه
اثاريك منت سهل ، عز الله مقرود من طفى نوره ونصاك يبي صدم في جبل
صح لسانك وبيض الله وجهك
تحياتي الطيبة

[الآكيد]

فلاح بن منشار


صح لسانك على هذه الرايعه


جزله من جزل

لكن انا عندي ملاحظه على هذا البيت

ناسٍ تبيـع الشعروالبعـض منقـول
او نسج كيدي من نفـوسٍ سقيمـه


البعض منقول اخي فلا ح هل تقصد بذالك الشخص اللذي يقوم بنقل قصيده لشاعر من المنتديات مع العلم ان من قام بالنقل وضع اسم الشاعر واسباب النقل اعجاب الشخص بشاعرية صاحب القصيده

لايخفى على الجميع ان جميع المنتديات وضعت قسم خاص بالشعر المنقول


تحياتي

[منيع]

الاخ الشاعر/ فلاح بن منشار

ماشاء الله
بركان متفجر
ماتعديت الصدق
صح السانك
تحياتي وتقيري

[ضاامية الود]

فلاح بن منشار

ياسلام عليك يا شاعرنا

صح السانك لاهنت بوح ولا أروع

نص فاخر وسام

تقديري