عصا الشايب

[نافع بن محمد البويت]

عصا الشايب يجي منها وفا اكثر من عياله = ولايمكن تقول افٍ ولاتضجر من آها ته
رفيقة دربه في ممشا ه تدله في ترحا له = تشد أزره الى من قام تعينه في صلواته
ترك له الزمن بصمة وهن رعشة في أوصاله = تمنى من شبابه يعود تشوف عياله هقواته
فرك كفه على كفه يبي بشته ولا طا له = تلفت للولد مشغول بجواله وارسا لاته
لقى له في العصا فزعة تجيب البشت وعقاله = عصا بحسا س بعض الناس يموت الحس في ذاته
جلس مرة مع نفسه شكا همومه على حا له = عصاته القلم وجه الرمل دفتر معاناته
تمنى شبته للناردفا ويهيل دلاله = ويشم العود الازرق في شماغه تفوح نفحاته
على صخرة جحود عيال تحطم كل آماله = تضيع ظنونه واحلامه مع رجوى حساباته
غياب ايمان مع زحمة عقوق ماترحم اهزاله = نفاه ابنه على الملجا تعاظم زود وناته
بعض ناس تنكر للوفا وتتعبك جهاله = على قوت الوقار تعيش تناست كل خيراته
تخيل من وقف لامه وابوه انيام وش حا له = وقف خاوي البطن يحمل غبوقه فوق راحاته
تخيل لو تشوف دمعة وقور طاحت في فنجاله = تسيل الدمعة الاخرى على خده وعلى اشفاته

[الطائر المهاجر]

صح لسانك وفكرك
ولا هان راسك
جزلة من راس جزل وشاعر مبدع
تحياتي الطيبة

[راجي الحاج]

رائعة أخي الفاضل

ومؤثرة جدا

وعسى ان يلين قلب كل عاق من رسالتك الرائعة هذه

قصيدة موفقة جدا بالهدف والمعنى والجزالة

صح لسانك وقلبك

وجعلنا الله من البارين

تحياتي

[عدنان كريزم]

فعلا قصيده في قمة الروعه


وفي مضمونها آروع

لا هنت

[الطامي]

البويت
صح السانك ملايين
وافية من وافي لافض فوك
شكرا لك ولاهنت على الجزل

[ام العمده]

نافع

صح لسانك واعتلا شانك
لاهنت على هذه الرائعه

ابدعت

دمت بخير

[حوريه]

شاعرنا / البويت
صح قلبك واحساااسك
راائعه من شاعر رااائع
والله يصلح النيه والذريه
دااام نبضك وحرفك

فرك كفه على كفـه يبـي بشتـه ولا طـا لـه
تلفـت للولـد مشغـول بجوالـه وارسـا لاتـه
لقى له في العصا فزعة تجيب البشـت وعقالـه
عصا بحسا س بعض الناس يموت الحس في ذاته


الشاعر/نافع

صح لسانك واعتلا شانك
لاهنت على هذه الجزاله
بيض الله وجهك
تقبل احترامي

[نافع بن محمد البويت]

تحية عطرة لكل من ساهم بالرد ولاهنتم
واثني على استاذنا الكبير الطائر المهاجر

[سناعيس]

صح لسانك يانافع
وبيض الله وجهك
قصيدة معبره

لاهنت


تحياتي