ياسلام الله ..

[هترل]

ياسلام الله على ذيك الليال =يوم كنا بالفقر مستانسين
ما حسبنا حساب درهم او ريال =همنا نرضي اله العالمين
نكرم الضيفان , ونمد الوصال =ونرخص الارواح دون المسلمين
نهجنا القران ما فيها جدال=وسنةالمبعوث سيد المرسلين
عايشين بخير في احسنه حال=ما يكدر صفونا ضيم السنين
رغم قل الحال ممشانا عدال =ما عرفنا اللمز والحقد الدفين
ننصر المظلوم لا جاله مجال =ونقسم اللقمه مع المستضعفين
ما نهاب الموت في سلم وقتال =يومنا بنهج النبي متمسكين
كان فينا العود يضرب به مثال =نقتدي به بالشمال وباليمين
ما يفرقنا سفيهين الخصال =لو غزونا خاب فكر المعتدين
ما نوطي الروس لا بالله محال = إلاّ للخالق لغيره ماندين
نعشق الميدان في وقت النزال =سيفنا البتار للظالم يبين
عزنا الاسلام به نهدم جبال=مالنا عزه بدونه , ذا يقين
ومرت الايام وسنينٍ طوال =وحنا عن ذيك الفعايل غافلين
همنا اصبح لبس طاقيه وعقال =ما نفكر غير في الكبش السمين
نحسب الدنيا رصيد وزود مال =نتبع الدولار و إبليس اللعين
ابتعدنا عن مضامين الرجال =وابتغينا للحضاره طامعين
كيف كنا وكيف اصبحنا السوال=والاجابه بد يفهمها الفطين

[بنت النور]

نكرم الضيفان , ونمد الوصال
ونرخص الارواح دون المسلمين

نهجنا القران ما فيها جدال
وسنةالمبعوث سيد المرسلين




صح لسانك مليون
لاهنت
تحياتي الطيبه

[مشعل التريباني]

كان فينا العود يضرب به مثال
نقتدي به بالشمال وباليمين
بيض الله وجهك
ابيض الله وجهك
بيض الله وجهك
اخوي هتروول
ابدعت والله في هذه الرائعه
شكرالك من اعماق القلوب

[الطائر المهاجر]

جزل ومبدع
صح لسانك
ولاهان راسك
تحيتي واحترامي

[عبدالله الشويمان]

صح السانك يا اخ محمد

صدقت يا القثمي..وبيض الله وجهك..

قصيده جزله مبنى ومعنى يا الجزل

دمت بخير وصحه وسلامه

[داعي الشوق]

صح لسااااااااااااانك هترررل

قصيده جزله

رجعتنا للماضي و اهله الطيبين

صح لسانك يا مبدع

ولاهنت

[الطامي]

هتررل
صح السانك ملايين
رائعة جدا
لاهنت اخي

[منيع]

جزل ومبدع وحكيم
شكرا لك
تحياتي

[صنداح الزلامى]

صح لساااااااااااااااااااااااااانك
واعتلااااااااااااااااااااااااا ااانك

[ساهر الليل]

صح لسانك يالقثمي

ابدعت يا شاعر في

البناء والنضم ,,,,,

جزله وفارهه

تقبل مروري وودي