![]() |
رقم المشاركة : 1 | ||
|
https://www.youtube.com/watch?v=FE1w_jURA9Y
الشايب=
المره لا من تعدّت اربعين = مثل برميلٍ خشل في المزرعه الصدى ماكلْه من طول السنين= ما يفيدك لو تحاول ترقعه او كما الهونداي للي باخصين= بالمواتر فاهمينٍ مصنعه فالمكينه لو توضّبها يبين = ولو تغيّر قيرها والأذرعه مشكل الدفرنس يفضح بالحنين= والبواجي من قربها تلذعه ولو تسمكر ما تسمكر كل حين = ينهفش صدامها لو ترفعه الحرمه= المره بالدين والعقل الرزين = ومن خذاها لغير هذا ما اضفعه والجمال ارزاق رب العالمين = لو هي صغيره تشوفه ما ابشعه وكل غصنٍ لو تشوف إنّه يلين= يوم ييبس والهبايب تجدعه ارع للنعمه وحكيك لا يشين = قبل هرجٍ ما تفضّل تسمعه من يبي عودٍ حنينه والونين = يسمعه من مرّ من كثر اوجعه المره مهره على طول السنين= ما تغير كاالذهب ما انصعه الشايب= الرجل مرسدس في شدّه متين= لو وصل تسعين ما به قربعه لو تقلّب مرةٍ أو مرتين= مثل ذيبٍ فالتمرغ ينفعه دام سالم من طياس الشاربين= ومن بنات الليل واللي يتبعه يعجبك لو كان عنده حرمتين = كان ماله من كروشٍ تمنعه وانتي يم جنيب من حقد دفين = مخطرٍ من مر لزمٍ تلسعه محتملك سنين وطبوعك تشين= لا نتي لا رسن ولا انتي بردعه الحرمه= شايبٍ عايب وتسمع له حنين = ولا بغى ينهض تجوّد باربعه من سمع هرجه وشعره والزفين= قال توّه في شبابه ما اسنعه خل عنك الهرج كان إنّك فطين= واحترم نفسك وخل الصرقعه لو ابي غيرك تراهم جاهزين = من شباب ضاع وسط المعمعه دام لي راتب وعندي ارنبين = منوة اللي نيته بالمطمعه انتقي من هالرجال العاطلين = ما يخالف لو شتمته والفعه الشايب= احمدي ربك ترى فكري رصين= ولو بغيت اعرس ترى ما اسرعه عندي فلوسٍ ولا حملّت دين = اخطب الأبكار مثلك اردعه لاتحديني ترى ابليس اللعين = كل هرجه عن جهامك ما ابشعه انتي اقفيتي ونا سيفٍ سنين= ماندثر في الحرب ياما اشجعه محتسب للأجر واركع ركعتين = كلما شفت البنيّ مجمّعه وادعي الرحمن رب العالمين = يبعد الشيطان عنّي ما اتبعه الحرمه= والله إنّك ثعلب يا بالحصين = كلما جيتك بثوبٍ ترقعه خل نتصالح ولك مني يمين= ما تبي حاصل وقدرك ارفعه كل ما يرضيك عندي عن يقين= بس لا تطري تزوج بجذعه الشايب= هذا خبري فيك نسل الطيبين= لكن الشيطان يغوي ما اسرعه من تحارش رجلها بالكلمتين= خاسره في كل فعل تصنعه للرجل حشمه ولو به ما يشين = والمره من تحتمل لو مافضعه |
||
![]() |
![]() |
رقم المشاركة : 2 | ||
|
من تحارش رجلهـا بالكلمتيـن = خاسره فـي كـل فعـل تصنعـه |
||
![]() |
![]() |
رقم المشاركة : 3 | ||
|
الرجل مرسدس في شدّه متين= لو وصل تسعين ما به قربعه |
||
![]() |
![]() |
رقم المشاركة : 4 | ||
|
والله الظاهر انك حصان صيد |
||
![]() |
![]() |
رقم المشاركة : 5 | ||
|
ابوعبدالله صح لسانك |
||
![]() |
![]() |
رقم المشاركة : 6 | ||
|
صح لسانك.... |
||
![]() |
![]() |
رقم المشاركة : 7 | ||
|
اسم الله علي............ |
||
![]() |
![]() |
رقم المشاركة : 8 | ||
|
وكل غصنٍ لو تشوف إنّه يليـن // يوم ييبـس والهبايـب تجدعـه |
||
![]() |
![]() |
رقم المشاركة : 9 | ||
|
ههههههههه |
||
![]() |
![]() |
رقم المشاركة : 10 | ||
|
|
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 13 ( الأعضاء 0 والزوار 13) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
سمو صاحب التاكسي | منيع | المواضيع العامة | 6 | 22-07-2016 10:20 AM |
شايب وعجوزه | بنت العز | الشعر الفكاهي | 14 | 30-01-2011 09:25 AM |
من بدو يغني معي شايب شايب ؟؟؟ | الأموره | وسع صدرك | 15 | 16-12-2010 06:50 AM |
يوم الأول من شهر مارس.. | نفحات حساسة | وسع صدرك | 15 | 16-12-2010 06:50 AM |