|
همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه |
![]() |
|
أدوات الموضوع |
![]() |
رقم المشاركة : 1 | |||||||||||
|
لاهزني سوق الاسهم والبخت مالي = ناديت ناديت انا يامطنخ الروقه ونخيت منهو عريب الجد والخالي = اللي فعوله بماض الوقت ماثوقه حراً تعلا على قمة جبل عالي = زبون من عبرته بالعين مخنوقه امحمد اسعود الآ ياحي ها الفالي= يفداه من لحيته بالموس محلوقه ويفداه رجلاً بخيل و يكنز المالي = ماسر نفسه وثوبه يرقع افتوقه يابو سعود الزمن غربلي احوالي =والكبد من فعلته ياخوك محروقه لوجيت اباقف معه يضربي الجالي = لاهو مقفي ولا يح لوو منطوقه شفت العبر فيه واجد وانبري حالي = وازريت اقاوم زماناً فاتح اشدوقه يومي مع السوق عيا الحظ يصفالي= سوق دخل فيه حساداً وممحوقه اكل حلال البشر حرمه ورجالي = حتى الهوامير مثل الشعب مزنوقه اقفى حسبهم بعد تقليص الاموالي = لعبهم لعبة الشاعر لطاروقه يومه دخل فيه نصابا ودجالي = وخيل خيال النصب ثم لاحت ابروقه وتعلق الكل سبة غدر الانذالي = اهل الطمع والجشع وانفوس مطفوقه صاحي ومجنون جامع كل الاشكالي=ما سلم منهم يتيماً باقوا احقوقه من جورهم يامحمد شفت الاهوالي = والكل يدعي وكل الناس مسروقه ضعافة انفوسهم في قرش واريالي =ايطمنون القدر وفنفوسهم سوقه اوجيههم تنصفق من جزء الانفالي =والاخره مادروا عنها ومفهوقه طول الامل عندهم يمنحهم امالي = وابليس شيخاً عليهم ماغفى موقه يزورهم كل صبح وكل قّيالي= احكم حصاره عليهم لابسٍ طوقه وانا اتعزز ياشيخ لحالة امثالي = اللي غدا مالهم قربه ومشقوقه والرزق عند الولي رب السما العالي =اللي قسم رزقنا ماواحدٍ فوقه فردن صمد بالعطا مداته اجزالي=أكرم من الخلق يعلم حال مخلوقه يانسل مزحم نخيت أحمولي اثقالي=والنفس من سوق الاسهم شبه مدقوقه حيثك من أهل الوفا حماية التالي= قوماً تضد العدا ماهيب ملحوقه عضيان للطيب منقاعٍ ومدهالي = ياحي عمهوج منه الروس مسحوقه اكرب حزامك ليامن جاك مرسالي= ياحر ياحر ياللي مطلق اسبوقه صاحبك من غدر وقته صابه اجفالي= والدم فار وتخثر داخل اعروقه يبيك تاقف معه وقفات الابطالي = وقفت شجاعاً يدافع عن سلب نوقه لاشافهن يبذل المجهود بقتالي = نفسه على الموت لجل الذود مسيوقه من بعدها لاتعذر وابذل الغالي = معذرك لو قلتلي ما عاد الك طوقه وان كان ماانته معي في كل الاحوالي= ناديت ناديت الا يامطنخ الروقه |
|||||||||||
![]() |
![]() |
رقم المشاركة : 2 | ||
|
الشاعر/ عوض العتيبي آخر تعديل سناعيس يوم 04-03-2009 في 07:26 PM.
|
||
![]() |
![]() |
رقم المشاركة : 3 | ||
|
الله يعين من هالاسهم .. |
||
![]() |
![]() |
رقم المشاركة : 4 | ||
|
ألا يا مطنخ الروووقه |
||
![]() |
![]() |
رقم المشاركة : 5 | ||
|
|
||
![]() |
![]() |
رقم المشاركة : 6 | ||
|
عوض العتيبي |
||
![]() |
![]() |
رقم المشاركة : 7 | ||
|
قمّة |
||
![]() |
![]() |
رقم المشاركة : 8 | ||
|
|
||
![]() |
![]() |
رقم المشاركة : 9 | ||
|
عوض |
||
![]() |
![]() |
رقم المشاركة : 10 | ||
|
صح لسانك |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 3 ( الأعضاء 0 والزوار 3) | |
|
|